Read LAASUNDE 12

LAASUNDE12bqp_sim

¹Ǹ tó n Kɛ̀ri yã gↄ̃ dↄngu n kɛfɛnnakɛgↄrↄ zĩari gↄrↄ vãni gɛ́ ká,ari wɛ̃̀ kũ ĩni pi ntɛni a nna ma doroa.²Ǹ tó a yã gↄ̃ dↄnguari ifãntɛ̃ kũ gupurao gↄ̃ lago,ari mↄvura kũ susunɛnↄ gↄ̃ sira kũ,ari legũmanaa gbɛra guweresari gↄ̃ gɛ́ su.³Gↄrↄ birea n ↄnↄ nigↄ̃ lukaluka,n gbánↄ ni koko,n pↄ́sobↄnↄ ni kámma bo kũ ò dasi doro yãi,n gugwabↄnↄ ni gu e ń wondoo gũn dãadãa.⁴N lɛ́ nigↄ̃ nakↄ̃ana gãnulɛa,wísilↄgbɛ kĩni ni busɛ kũnnɛ.Bãnↄ wiki ni n vu in,nↄkparenↄ lɛ̀ ni kɛnnɛ busɛ.⁵Ĩni vĩna kɛ guleinɛ kũ kurena zɛ́ gũnwo,n mìkã ni pura kũ lán desu vú bà.Ĩni n zĩda gátɛ lán kwa táa'onaa bà,pↄ́ke ni n mɛ̀ futɛ doro,zaakũ bisãsiri dì gɛ́ a gɛ́kiamɛ,akũ ↄ́ↄdↄrinↄ dìgↄ̃ kure gãnulɛa.⁶Ǹ tó n Kɛ̀ri yã gↄ̃ dↄnguari n andurufu bà gↄ̃ gɛ́ kɛ̃,ari n wura ta gↄ̃ gɛ́ kpakoto kũ,ari n í lo gↄ̃ gɛ́ wíwi,ari n lↄ̀gↄ guga gↄ̃ gɛ́ wí,⁷ari n bùsutiti gↄ̃ ɛra à gɛ́ gɛ̃ zĩtɛn,gu kũ à bòn,ari n nini gↄ̃ gɛ́ táLuda kũ à kpàmma kĩnaa.⁸Makũ laasunde ma pì:Yã pã búgubugu,a pínki pãmɛ.

Yã pì lakanaa

⁹Abire gbɛra lákũ laasunde pì ↄ̃ndↄ̃ nà, à dↄ̃naa dàdańnɛ. À laasun lɛ̀ à kpátɛ kɛ̀ yãi, akũ à yáasinↄ lɛ̀ dasi.¹⁰À kpátɛ kɛ̀ yã manai, akũ a yã pìnↄ kɛ̃̀ a zɛ́a, akũsↄ̃ yãpuramɛ.¹¹Ɔ̃ndↄ̃ri yãnↄn delákũ gò kũ òdi pↄ́kãdenↄ lɛ́o bàmɛ,ń yã'onanↄn delán koosa kũ ò pà gínginnↄ bà.Sãdãri mɛ̀n do mɛ́ à yã pìnↄ dà.

¹²Ma nɛ́, ǹ laakari kɛ, ǹsun yãke karanlo. Òdi takadanↄ kɛ̃ dasidasi, à lɛ́ vĩro. Kyókɛna zↄ̃kↄ̃ sↄ̃ àdi mɛ̀ɛ kpasamɛ.¹³Ò a pínki mà, a mìdɛnaan dí:Ǹ vĩna kɛ Ludanɛ,ǹgↄ̃ a yãditɛnanↄ kũna,zaakũ gbɛ̃ sĩnda pínki yãn gwe.¹⁴Luda ni yãkpatɛ kɛ ó yã sĩnda pínki musu,kũ yã kũ utɛnaao pínki,bee a mana ke a vãni.

LAASUNDE 12 / bqp_sim

Yã pì lakanaa

LAASUNDE12bqp_sim