Read Lomadeↄ 3

Lomadeↄ3bqc_sim

¹Dɛa Yuda ũ kã́fĩa kpele a vĩi? Ài kpele tↄ̃zↄ̃a vĩi?²A kã́fĩa vĩ zↄ̃ↄ yã́pii guu. Sɛ̃́ia gĩa Lua a yã́ nànɛ́ ń ↄzĩɛ.³Kɛ́ an gbɛ̃eↄ náai vĩo, bↄ́ a vĩi? An náaisai mɛ́ a Lua náai bãdɛa?⁴Ó! Aawo! Lua náai vĩ, baa kɛ́ gbɛ̃́piiá ɛɛdeɛ, lá a kɛ̃a láuwa wà mɛ̀:Tó n yã'ò, n yã́ aↄ zɛvĩ,tó wà yã́kpalɛkɛ̀nnↄ, n yã́ a ble.⁵Tó wá vãikɛ lɛ́ Lua maakɛ bↄ gupuau, bↄ́ yã́ wá oi? Wá o Lua yã́ zɛvĩo, kɛ́ ì pↄkũmabↄbↄwá yã́i yã̀? Gbɛ̃nazĩna yã'oa ↄ̃ málɛ owa.⁶O! Aawo! Tó Lua yã́ zɛvĩo, kpelewa a fↄ̃ yã́kpalɛkɛ ń dṹniaoi?⁷Gbɛ̃e a mɛ, tó a ɛɛdekɛ lɛ́ Lua náai kã́fĩ mɛ́ àlɛ aà tↄbↄ, bↄ́yãi a yãdaaàla lán duunkɛnawai?⁸Tó ń ò màa ńlɛ mɛ wà yãvãikɛ, yãmaa i bↄu. Gbɛ̃eↄ ma tↄbɛ̃ɛsì aa mɛ̀ màa mi o. Lua yãdaanla kↄ̃sìńnↄ.

Gbɛ̃e maao

⁹Too! Wá Yudaↄ wá sã̀ↄ yã̀? Aawo bá! Asa ma bↄbↄ ń Yudaↄ ń buipãleↄ píi kↄ̀, ampiiá duuna zↄↄnɛ.¹⁰A kɛ̃a Lua taalau wà mɛ̀:Gbɛ̃e maao, baa do.¹¹Laaidee kuo, luakĩiwɛɛlɛnae kuo.¹²Aa pã̀alɛ ḿpii, aa fↄkpà,yãmaakɛnae kuo, baa do.¹³An nↄ̀sɛ dɛ lán kaadↄɛmbɛwaɛ.Aaì lɛnakasanɛ́,mlɛ̃̀ sɛwɛ kú ń lɛ́u,¹⁴yã́'ĩi ń gbɛ̃́kaao mɛ́ ń lɛ́ pà.¹⁵Aa wãa ń gbɛ̃dɛao,¹⁶aaì músi ń pↄsiao kpáńzi,¹⁷aa aafia zɛ́ dↄ̃o,¹⁸aa Lua vĩa vĩo.¹⁹Wá dↄ̃ kɛ́ Lua ikoyã píi dɛ gbɛ̃́ pↄ́ kú a ↄzĩↄ yã́ ũɛ, kɛ́ gbɛ̃́pii lɛ́ gↄ̃ kpaaũa, dṹnia gbɛ̃́pii i gↄ̃ tàaede ũ Luaɛ.²⁰Asa gbɛ̃e a bↄ maa Luaɛ ikoyãpi kũa yã́io.Lua ikoyã mɛ́ ì to wà duuna dↄ̃.

Lá Lua ì to yã́ bↄńnↄ na

²¹Lá Lua ì to yã́ bↄńnↄ na bↄ̀ gupuau sa, lá a yã́ kú Mↄizi ikoyã ń ãnabiↄ láↄ guuwa. I kɛ aà ikoyã kũa yã́ no.²²Lua ì to yã́ bↄńnↄ na Yesu Kilisi náaikɛa yã́iɛ. Gbɛ̃́ pↄ́ lɛ́ aà náaikɛ píi yã́ɛ, asa gbɛ̃e adoo.²³Gbɛ̃́pii duunakɛ̀, ↄ̃ aa kɛ̃̀sã Lua gawii.²⁴Lua ì to yã́ bↄńnↄ na gba ũ a gbɛ̃kɛ yã́i ń Kilisi Yesu pↄ́ ń bó gbãao.²⁵Aàpi Lua kpà duuna awakpabↄ ũ gbɛ̃́ pↄ́ aalɛ aà au náaikɛↄnɛ, kɛ́ à ↄlↄ gbɛ̃́piiɛ i yãkɛ a zɛ́waɛ. À mɛnakɛ̀ yãa, i duun ziↄ yãdao,²⁶ↄ̃ tia kɛ́wa a ↄ̀lↄnɛ́ i yãkɛ a zɛ́wa. Beewa Lua ì yãkɛ a zɛ́wa mɛ́ ì to yã́ bↄ ń Yesu náaikɛnaↄ na lↄ.²⁷Lá màaɛ, gbɛ̃nazĩna a fↄ̃ ĩ́anadã lↄe? Bee kuo. Bↄ́yãi ni? Kɛ́ a dɛ yãkɛa yã́ ũo, Yesu náaikɛa yã́ɛ yã́i.²⁸Asa má è Lua ì to yã́ bↄ ń gbɛ̃́o na aà Luapi náaikɛa yã́iɛ, ikoyãkũa ku a guuo.²⁹Luaá Yudaↄ Luaɛ ńdoa? Buipãleↄ Luan sↄ̃oa? Ao, buipãleↄ Luaɛ lↄ.³⁰Asa Lua mɛ̀ndoɛ.A to yã́ bↄ ń gbɛ̃́ pↄ́ tↄ̃zↄ̃̀o na a náai pↄ́ àlɛ kɛ yã́iɛ, mɛ́ a to yã́ bↄ ń gyafↄↄdeo na a náai doũpi musu lↄ.³¹Wálɛ ikoyã bãdɛ ń luanaaikɛao yã̀? Màa no, wálɛ a kpɛlaɛ.

No translations available.

Lomadeↄ 3 / bqc_sim

Gbɛ̃e maao

Lá Lua ì to yã́ bↄńnↄ na

Lomadeↄ3bqc_sim