Read Yáasiↄ 25

Yáasiↄ25bqc_sim

Salomↄↄ yáasi pãleↄ

¹Salomↄↄ yáasi pↄ́ Yudaↄ kí Ezekia gbɛ̃́ↄ è aa kɛ̃̀ↄn kɛ:²Lua gawi vĩ kɛ́ à yã́ ulɛ,kíaↄ gawi vĩ kɛ́ aa yã́ tàasika.³Luabɛ lɛsĩ lɛ́ ń tↄↄlɛ gèele lɛ́oń kía làasooo tàasikaa vĩo.⁴Ãnusu gbãsĩ bↄlɛ,ã́nusuzĩkɛna i pↄmaa piò.⁵Vãikɛnaↄ bↄlɛ kía ìwaↄ guu,aà kpala i zɛdↄ yã́zɛde musu.⁶Ńsu ǹ nzĩa dilɛ gbia kía aɛo,ńsu zɛ gbɛ̃zↄ̃ↄ gbɛuo.⁷Asa aà oanɛ, mↄ aɛ la, maa dɛaà n dilɛ kɛ̃́sãa gbɛ̃́ gbiaↄ aɛa.⁸Yã́ pↄ́ n wɛ́ è ńsu ǹyↄ̃ wã ń a gↄ̃́gↄ̃aoo.Tó wà yɛlɛdìnɛ, bↄ́ ńyↄ̃ kɛ gbɛzãi?⁹Tó ńlɛ yã́gↄ̃gↄ̃ ń n gbɛ̃́deeo,ńsu bↄ ń gbɛ̃pãle asiioo.¹⁰Tó à su mà, a widamaɛ,n tↄ́ ĩ́i a láa lↄo.

¹¹Yã́na'oa a gↄↄwa kɛfɛũlán mao tɛ̃a pↄ́ da ã́nusu tauwa.¹²Ɔ̃nↄna lɛdama maa gbɛ̃́ pↄ́ nↄ̀sɛ vĩɛlán vua nↄamblebↄwaɛ.¹³Lá í niɛ ìↄ dɛ pↄkɛkɛnaↄnɛ,màa zĩna náaide dɛ gbɛ̃́ pↄ́ aa aà zĩↄnɛ,ì ń nↄ̀sɛ níninɛ́.¹⁴Gbɛ̃́ pↄ́ ì gbadaa lɛgbɛ̃ mɛ́ ìli daodɛ lán lou pↄ́ sìsi à ĩ́ana kàka i maowaɛ.¹⁵Mɛnakɛa ì to kía ń yã́zɛ e,kpálɛa yã́i ì tó ń yã́ ble.¹⁶Tó n zↄ́ è, ble n lɛ́ lɛ́u,kɛ́ ńsu ble zↄ̃ↄ ǹ pisio yã́i.¹⁷Ńsu ǹ n gbɛ̃́dee bɛ zɛ́ sↄo,kɛ́ asu kpasannↄ à zanguo yã́i.¹⁸Gbɛ̃́ yãdↄa a gbɛ̃́deewadɛ lá à aà kɛ̀'ĩa ń goo ge fɛ̃nda ge ń kaowaɛ.¹⁹Sↄ̃kpalɛa náaisaidezi taasikɛgↄↄdɛ lán swaa gyãe ge gbá kↄ̃̀ↄwaɛ.²⁰Pↄna lɛsia pↄsiadeɛdɛ lán ulawoloama ĩ́ampuuge yↄ̃una kaa bↄwawaɛ.

²¹Tó nↄa lɛ́ n ibɛɛ dɛ, blɛ kpawà,tó imiɛ sↄ̃, ǹ aà gba í,²²asa ńlɛ aà ↄ kaɛ̀ a lɛ́un we,mɛ́ Dii a fĩabonɛ.

²³Lá gukpɛ ĩ́ana ì mↄ́ ń louo,màa gbɛ̃pea ì mↄ́ ń oa fɛ̃́nkpaao.²⁴Ia gↄ̃u zãu maadɛ kua kpɛ́u sãnu ń nↄ sòledeola.²⁵Baona bↄa bùsu zã̀zãudɛ lán í niɛ kpaa gbɛ̃́ pↄ́ a yɛ̃̀ɛɛ làawawaɛ.²⁶Gbɛ̃maa pↄ́ misìilɛ vãikɛnaɛdɛ lán nibↄna pↄ́ a í yàwaɛ,lán lↄ̀ↄ pↄ́ a í ↄ̃̀ↄkpàwa.²⁷Zↄblea gɛ̃agɛ̃a maao,gbɛ̃́ azĩa kpɛlaa gbiao.²⁸Gbɛ̃́ pↄ́ azĩa kũa dↄ̃odɛ lán wɛ̃́lɛ pↄ́ a bĩ́i gbooawaɛ.

Yáasiↄ 25 / bqc_sim

Salomↄↄ yáasi pãleↄ

Yáasiↄ25bqc_sim