Read Luku 1

Luku1bqc_sim

¹Gbɛ̃́ↄ ↄkpà yã́ pↄ́ kɛ̀ wá guu dau siua lá guu zɛ́zɛwa dasi,²lá gbɛ̃́ pↄ́ aa dɛ yã́pi seeladeↄ ń a baokpanaↄ ũ za káauↄ òwɛ̃ɛwa.³Tiasa mapi sↄ̃, lá ma wɛtɛ̀ yã́piↄi dodo za a daalɛawa, má è a maa mà kɛ̃nɛ zɛ́zɛ, ma gbɛ̃́ bɛɛɛde Teofili,⁴kɛ́ ǹ e ǹ yã́ pↄ́ wa dànɛ sã́asã dↄ̃.

Malaika dↄaaa Zãa Da'ilɛna ia yã'oa

⁵Yude bùsu kí Elodi gↄↄ sa'onae ku, aà tↄ́n Zakali. A ku Abia sa'onaↄ gãli guuɛ. Aà na tↄ́n Ɛlizabɛti. Aalona buiɛ lↄ.⁶An pla ḿpii aa maa Luaɛ. Aaìↄ ku tàaesai, aa Dii ikoyã ń yã́ pↄ́ a dìlɛↄ kũa.⁷Aa nɛ́ vĩo, asa Ɛlizabɛtiá fĩiɛ, mɛ́ an pla ḿpii aa zikũ̀.⁸Gↄↄ pↄ́ sa'oa kà an gãliwa, Zakali mɛ́ lɛ́ Lua gbagba.⁹Lá sa'onapiↄ ì kɛwa, aa likpà, ↄ̃ lí Zakali sɛ̀ aà gɛ́ tulaletikai tɛ́a Dii kpɛ́u.¹⁰Tulaletikpasagↄↄ bíla kã̀aa kpɛɛlɛ píi, aalɛ wabikɛ.¹¹Ɔ̃ Dii malaikae bↄ̀ mↄ̀wà, à zɛ̀ tulaletikatɛakĩi ↄplaai.¹²Kɛ́ Zakali aà è, à bílikɛ̀, vĩa aà kũ̀.¹³Ɔ̃ malaikapi òɛ̀: Ńsu to vĩa n kũo Zakali. Lua n wabikɛa sì, n na Ɛlizabɛti a nɛ'i gↄ̃ɛ ũ, ní tↄ́kpaɛ̀ Zãa.¹⁴N pↄ a kɛ na, ńyↄ̃ yáalↄ, gbɛ̃́ↄ pↄnakɛ aà ia yã́ musu dasi,¹⁵asa aↄ dɛ Diiɛ gbɛ̃zↄ̃ↄ ũɛ. A wɛ̃ ge í gbãae mio,Lua Nisĩna aↄ dɛdɛawà za aà da gbɛɛuɛ.¹⁶A to Isailiↄ zɛ ń Dii ń Luao dasi,¹⁷a dↄaa Diiɛ ń Lua Nisĩna gbãa pↄ́ Ɛlia vĩ yãao. A to maeↄ lɛdoũkɛ ń ń nɛ́ↄ,a to swã́yãmansaideↄ gbɛ̃maaↄ ↄ̃nↄ sɛ́. A gbɛ̃́ↄ kɛkɛ aaↄ ku sↄu guu Diiɛ.¹⁸Ɔ̃ Zakali ò malaikapiɛ: Kpelewa má yã́pi sĩana dↄ̃i? Asa maezinan ma ũ, mɛ́ ma na zikũ̀ lↄ.¹⁹Ɔ̃ malaikapi wèwà à mɛ̀: Mámɛ má Gabliɛli,miↄ zɛa Lua aɛ. Ɔ̃mɛ ma zĩ yã́pi oinɛ, mà baonapi kpanɛ.²⁰Ma, n lɛ́na a naalɛ, ńyↄ̃ fↄ̃ yã'oo e yã́pi gɛ kɛò, kɛ́ ni ma yã́ pↄ́ a kɛ a gↄↄwa sio yã́i.²¹Gↄↄ bee sↄ̃ wàlɛ Zakali dã́. Aà gɛ̃gɛ̃a Lua kpɛ́u bↄ̀ ń saɛ.²²Kɛ́ à bↄ̀, i fↄ̃ yã'òńnↄo, ↄ̃ wa dↄ̃̀ kɛ́ à wɛ́pungu'è Lua kpɛ́uɛ. Lá aà lɛ́na nàalɛ, ↄ̃ àlɛ yã'onɛ́ ń ↄo.²³Kɛ́ Zakali sa'ogↄↄ lɛ́ kà, ↄ̃ à tà a bɛ.²⁴Bee gbɛa aà na Ɛlizabɛti nↄsì, ↄ̃ à azĩa ùlɛ e mↄ sↄo à mɛ̀:²⁵Dii kɛ̀, à ma wɛ̃nagwà, à wibↄ̀mɛɛ.

Malaika dↄaaa Yesu ia yã'oa

²⁶A mↄ soolode guu Lua malaika Gabliɛli zĩ̀ Galile wɛ̃́lɛ pↄ́ wì mɛ Nazalɛti guu.²⁷À gɛ̀ nɛnↄɛ lɛ́so pↄ́ aà tↄ́n Maliama kĩ́i. A gↄ̃kpama vĩ Davidi bui ũ, aà tↄ́n Yosɛfu.²⁸Kɛ́ malaikapi gɛ̃̀ aà kĩ́i, a òɛ̀: Fↄↄ báaade! Dii kunnↄɛ.²⁹Maliama bílikɛ̀ yã́piwa, à làasookɛ̀ à mɛ̀: Fↄ bee mi dɛa ni?³⁰Ɔ̃ malaikapi òɛ̀:Maliama, ńsu to vĩa n kũo,asa Lua báaadànguɛ.³¹Ma! Ńyↄ̃ nↄsi, ní nɛ'i gↄ̃ɛ ũ,ní tↄ́kpaɛ̀ Yesu.³²Aↄ dɛ gbɛ̃zↄ̃ↄ ũ, wàli oɛ̀ Musude Nɛ́.Dii Lua a aà kpa aà dezi Davidi kpalau,³³iↄ dɛ Yakↄbu buiↄ kía ũ gↄↄpii,aà kpala aↄ láaa vĩo.³⁴Ɔ̃ Maliama ò malaikapiɛ: Lá mi gↄ̃ɛ dↄ̃ yãao, bee a kɛ kpelewa ni?³⁵Malaika wèwà à mɛ̀:Lua Nisĩna a dinɛ,Musude gbãa i mↄma.A yã́i nɛ́ pↄ́ ńyↄ̃ ipi kua aↄ adoa,wàli oɛ̀ Lua Nɛ́.³⁶N daɛ Ɛlizabɛti nɛgↄ̃ɛ nↄsia sↄ̃ a zikũ guu. Nↄɛ pↄ́ wa dìlɛ fĩi ũpi kú ń nↄ̀ mↄ sooloo tia.³⁷Asa Lua lí fu yãewao.³⁸Ɔ̃ Maliama mɛ̀: Dii zↄ̀blenan ma ũ. Aà kɛmɛɛ lá ń òwa. Ɔ̃ malaikapi aà tò we.

Maliama gɛa Ɛlizabɛti gwai

³⁹Gↄↄ bee Maliama fɛ̀lɛ gɛ̀ wɛ̃́lɛ pↄ́ kú Yude bùsu gusĩsĩdeu gↄ̃̀ↄ.⁴⁰À gɛ̀ Zakali bɛ, ↄ̃ à fↄkpà Ɛlizabɛtiwa.⁴¹Kɛ́ Ɛlizabɛti Maliama fↄpi mà, aà nɛ́ vĩ̀vĩ aà gbɛɛ guu, ↄ̃ Lua Nisĩna dɛ̀dɛ Ɛlizabɛtiwa,⁴²Ɛlizabɛti wii gbãa lɛ̀ à mɛ̀: Báaaden n ũ dɛ nↄɛ píila. Báaaden nɛ́ pↄ́ kú ń gbɛɛu ũ lↄ.⁴³Bↄ́n ma ũ kɛ́ ma Dii da mↄ̀ ma gwaii?⁴⁴Gↄↄ pↄ́ ma swã́lɛ̀ n fↄwa lé, nɛ́ pↄ́ kú ma gbɛɛu vĩ̀vĩ ń pↄnaoɛ.⁴⁵Báaaden n ũ, asa ń sì yã́ pↄ́ Dii ònɛ a kɛ.⁴⁶Ɔ̃ Maliama mɛ̀: Báaaden n ũ, asaMálɛ Dii tↄbↄ ma sↄ̃ guu,⁴⁷ma nↄ̀sɛ lɛ́ yáalↄ Lua ma Suabanawa,⁴⁸asa à ma yãdà,mapi aà zↄ̀blena pↄ́ mi ka pↄe ũo.Za tia e gↄↄpii wàli omɛɛ báaadeɛ,⁴⁹asa Lua Gbãadepi yãzↄ̃ↄkɛ̀mɛɛ.Aà tↄ́ kua adoa.⁵⁰Ì wɛ̃nadↄ̃ gbɛ̃́ pↄ́ aaì vĩakɛɛↄnɛ e ń buiwa.⁵¹À a gã̀sĩ pòo à a gbãa ↄ̀lↄnɛ́,à waladeↄ fã̀aa ń ń làasooↄ.⁵²À gbãadeↄ bↄ̀ kpalau,à táaaↄ kã̀fĩ.⁵³À pↄmaaↄ kpà nↄandɛnaↄwa aa kã̀,à ↄdeↄ gbàɛ ↄgii.⁵⁴À a zↄ̀blena Isailiↄ ĩ̀a,an yã́ i sãaàguo.⁵⁵À wɛ̃nadↄ̃̀ Ablahaũ ń a buipiↄnɛlá à a lɛgbɛ̃̀ wá deziↄnɛwa.⁵⁶Maliama zↄ̃̀lɛ ń Ɛlizabɛtio lán mↄ àaↄ̃wa, ↄ̃ à gbàsa tà a bɛ.

Zãa Da'ilɛna ia

⁵⁷Ɛlizabɛti nɛ'igↄↄ kà, ↄ̃ à nɛ'ì gↄ̃ɛ ũ.⁵⁸Kɛ́ aà fã́anideↄ ń aà daɛↄ mà lá Dii wɛ̃nadↄ̃̀ɛ̀, aa pↄnakɛ̀aànↄ.⁵⁹A gↄↄ swaaↄ̃de zĩ́ aa mↄ̀ tↄ̃zↄ̃i nɛ́piɛ,aai aà mae Zakali tↄ́kpaɛ̀,⁶⁰ↄ̃ aà da mɛ̀: Aawo! Wàli oɛ̀ Zãa.⁶¹Aa òɛ̀: Gbɛ̃e ku n daɛↄ guu, a tↄ́ bee vĩo.⁶²Ɔ̃ aa yã'ò aà maeɛ ń ↄo, kɛ́ aa e dↄ̃ lá a ye wà tↄ́kpaɛ̀.⁶³Zakalipi pↄ́ pↄ́ á e lákɛ̃wà gbɛ̀a, ↄ̃ a kɛ̃̀wà: Aà tↄ́n Zãa. Yã́pi bↄ̀ ń saɛ ḿpii.⁶⁴Wegↄ̃ↄ aà lɛ́na gòlɛ, à lɛbↄ̀ lɛ́ yã'o, àlɛ Lua sáaukpa.⁶⁵Ɔ̃ vĩa ń fã́anideↄ kũ̀ píi, ↄ̃ Yude bùsu gusĩsĩde gbɛ̃́ↄ lɛ́ yã́pi galikɛ píi.⁶⁶Ɔ̃ gbɛ̃́ pↄ́ aa yã́pi màↄ kũa ń nↄ̀sɛ guu aa mɛ̀: Bↄ́ nɛ́pi aↄ dɛ a ũ ziai? Asa Dii ↄliaaaàziɛ.⁶⁷Lua Nisĩna dɛ̀dɛ aà mae Zakaliwa, ↄ̃ à ãnabikɛkɛ̀ à mɛ̀:⁶⁸Wà Dii Isailiↄ Lua sáaukpa!À mↄ̀ a gbɛ̃́ↄ bò.⁶⁹À Suaban gbãade bↄ̀wɛ̃ɛa zↄ̀blena Davidi bui guu,⁷⁰lá a dà a ãnabiↄnɛ aa ò za ziwa.⁷¹Aa mɛ̀ a wá sí wá ibɛɛↄwa,a wá bↄ gbɛ̃́ pↄ́ zawágupiↄ ↄzĩ.⁷²Màa à wá deziↄ wɛ̃nagwà,aà bàa pↄ́ kúńnↄ yã́ i sãaàguo.⁷³À lɛgbɛ̃̀ wá dezi Ablahaũɛ⁷⁴à mɛ̀ á wá bↄ wá ibɛɛↄ ↄzĩ,í wá gba zɛ́ wà zↄbleɛ vĩasai,⁷⁵wá kua iↄ adoaɛ̀ gbɛ̃maaↄ ũe wá wɛ̃ni lɛ́u.⁷⁶Mpi sↄ̃ ma nɛ́, wàli onɛ Musude ãnabi,asa ḿmɛ ńyↄ̃ dↄaa ǹ zɛkɛkɛ Diiɛ.⁷⁷Ńyↄ̃ to aà gbɛ̃́ↄ dↄ̃ lá a ń suaba,lá a ń duuna kɛ̃́má,⁷⁸kɛ́ wá Lua nↄ̀sɛ sósobi vĩ yã́i.Bↄa musu a mↄ wá gwai lá gu ì dↄwa,⁷⁹i gupu gbɛ̃́ pↄ́ kú gusiauↄnɛń gbɛ̃́ pↄ́ kú ga lɛ́zĩↄ,i wá gbá pɛ́lɛ aafia zɛ́u.⁸⁰Nɛ́pi zↄ̃ↄkũ̀ à gↄ̃̀ kã́gbãade ũ. A ku gbáau e gↄↄ pↄ́ à bↄ̀ gupuau Isailiↄwa.

Luku 1 / bqc_sim

Malaika dↄaaa Zãa Da'ilɛna ia yã'oa

Malaika dↄaaa Yesu ia yã'oa

Maliama gɛa Ɛlizabɛti gwai

Zãa Da'ilɛna ia

Luku1bqc_sim