Read Yobu 4

Yobu4bqc_sim

Gbɛ̃́ pↄ́ Lua ì aà toto mɛ́ báaa vĩ

¹Ɔ̃ Temani gbɛ̃́ Ɛlifaza yã́zãsìwà à mɛ̀:²Tó gbɛ̃́ wↄ́ↄ fↄ̃̀ yã'ònɛ, ńyↄ̃ mɛnaòoa?Asa ma lɛ́ a fↄ̃ àↄ kpaaũao.³Gwa, n lɛdà gbɛ̃́ↄwa dasi,n gbɛ̃́ pↄ́ an yɛ̃̀ɛɛ làaↄ gbà sↄ̃.⁴N yã́ gbɛ̃́ pↄ́ lɛ́ fuↄ sɛ̀ lɛsĩ,n gbɛ̃́ pↄ́ naalɛaↄ gbà gbãa.⁵Kɛ́ yã́ n le sa sↄ̃, ńlɛ fu,kɛ́ à n le, ↄ̃ bíli n kũ.⁶N vĩakɛa Luaɛ lí tó n mi àↄ daa íao lé?N kua tàaesai lí tó n nↄ̀sɛ àↄ daa doũo lé?⁷Làasookɛ!Démɛ i yãe kɛo, ↄ̃ à mìdɛi?Gbɛ̃maa ku má ↄ̃ wà aà suumpai?⁸Gbɛ̃́ pↄ́ vãi sa pà à yãkele tↄ̃̀wà,málɛ e bee mɛ́ ì bↄlɛɛ̀.⁹Lua lɛ́'ĩana ì aà midɛ,aà pↄbↄa a níu ì aà tↄ̀lↄzↄ̃.¹⁰Aà kãaa lán nↄ̀ↄmusuwa lɛ́ ì ká,Lua ì aà swaa ɛ́'ɛɛ̀.¹¹Ì ga lán nↄ̀ↄmusu pↄ́ nↄ̀ↄ wɛ̀ɛlɛ kùawàwa,aà nɛ́ↄ i fãaa.

¹²Yã́kpãina mↄ̀a ĩ́ana guu,yã́pi feena gɛ̃̀ ma swã́u,¹³gↄↄ pↄ́ málɛ nana yàaa o gwãasĩna,gↄↄ pↄ́ izↄ̃ↄ daa gbɛ̃́ↄla.¹⁴Vĩa ma kũ, málɛ lualua,ma mɛ̀ bṹu lɛ́ dee.¹⁵Ĩana ma oa pà,ma mɛkã fɛ̀lɛ sĩ̀.¹⁶À zɛ̀, mi a taa dↄ̃o,pↄ́pi ku ma aɛ,ↄ̃ ma aà lↄↄ kpã́ina mà à mɛ̀:¹⁷Gbɛ̃nazĩna yã́ aↄ na Luaɛe?Démɛ a fↄ̃ àↄ zɛ̃a a Kɛna aɛi?¹⁸Lá Lua lí a malaikaↄ náaikɛo,mɛ́ ì a zↄ̀blenapiↄ tàae e,¹⁹wa wá gbɛ̃́ pↄ́ wá mɛ dɛ gĩ̀ kpɛ́ ũ,mɛ́ wá daalɛa dɛ bùsu giina ũ,wì wá suumpa lán kitolowa pↄ́ oa?²⁰Za kↄↄ e oosi gbɛ̃́ↄ ì gaga,aaì sãalɛ e gↄↄpii, wìli ń fãnkɛo.²¹Lua ì ń kpɛ́pi gbapɛlɛ wolɛnɛ́,ↄ̃ aaì ga ↄ̃nↄkũsai.

Yobu 4 / bqc_sim

Gbɛ̃́ pↄ́ Lua ì aà toto mɛ́ báaa vĩ

Yobu4bqc_sim