Read Zelemii 6

Zelemii6bqc_sim

Koezↄ̃a Yelusalɛũi

¹Bɛ̃yãmɛɛ buiↄ, à bↄlɛ Yelusalɛũ,í gɛ́ mikpakĩi wɛɛlɛi!À kuupɛ Tekoa!À to súɛlɛ fɛlɛ Bɛtakɛlɛũ seela ũ.Kìsia lɛ́ bↄ gugbãntoo oi,kaalɛ zↄ̃ↄ looaála.²Má Siↄna midɛ,wɛ̃́lɛ pↄ́ wì mɛ a kɛfɛũ mɛ́ a maa.³Zĩgↄ̃ↄ mↄ bòokpa liai,lán sãdãnaↄ ń ń sãↄwa,baade ń a gbɛ̃́ↄ a bòou.

⁴À sↄukɛ wà si Siↄna ń zĩo,à fɛlɛ wà gɛ lɛ́lɛmá ĩatɛ̃ gbãa zã́.Agya! Ĩatɛ̃'aua pìla,gu lɛ́ gɛ̃kↄ̃u kↄ̀.⁵À fɛlɛ wà gɛ lɛ́lɛmá gwãasĩna,wí gu pↄ́ dɛ aa zɛ giu wíwi.

⁶Ma Dii Zĩgↄ̃de ma mɛ̀:À lizↄ̃zↄ̃,í bùsu kálɛ Yelusalɛũ bĩ́i saɛ.À ĩada wɛ̃́lɛpiwa,asa gbãamↄakↄ̃ɛ mɛ́ kↄ̃̀u.⁷Lá í ìↄ di lↄ̀ↄu,màa yãvãi di wɛ̃́lɛpiu.Taiina ń yãpãsĩo zↄa dↄu,mi e aà gyã ń aà bↄo làa ziio.⁸Yelusalɛũdeↄ, à ma lɛdama ma,kɛ́ másu kɛ̃́wáo yã́i.Tó màan sↄ̃o, má á bùsu dɛ̃ↄnzↄ̃ɛ,gbɛ̃e aↄ ku a guu lↄo.

⁹Ma Dii Zĩgↄ̃de ma mɛ̀:Wa Isaili pↄ́ gↄ̃̀ↄ kↄ̃nwɛ,lá wì vɛ̃ɛ kↄ̃nwɛwa.Wa ɛa a gbɛsisi,lá wì pↄ́ gbɛsisiwa.¹⁰Dé má yã'oɛ̀ mà aà gba laaii?Démɛ a mamɛɛi?An swã́ wɛ̃ao, aa fↄ̃ yãmao,Dii yã́ ì kɛnɛ́ ĩ́iɛ,ìli káńguo.¹¹Dii pↄkũma dɛ̀dɛa,má fↄ̃ màↄ kṹkũa lↄo.Pↄkũmapi bↄbↄ nɛ́ↄwa gãaɛń ɛ̀waaso pↄ́ kãaaa gudoũↄ.To wà gↄ̃ɛ ń a nↄo kũ sãnuń gbɛ̃́ pↄ́ zikũ̀ táotaoↄ.¹²Ma Dii ma mɛ̀,tó ma ↄ lòo bùsuɛbeedeↄla,má ń bɛↄ na gbɛ̃pãleↄnɛ ń ↄzĩɛ,ń ń buaↄ ń ń nↄɛↄ.¹³Nɛ́fɛ̃nɛn gbɛ̃zↄ̃ↄ píi ↄvãi'enaↄnɛ.Ãnabiↄ ń sa'onaↄ píi aaìↄ gbɛ̃́ↄ sãsãɛ.¹⁴Aaì ɛsɛ ma ma gbɛ̃́ↄ bↄwalá a dɛ pↄe ũowa.Aaì mɛ, aafia ku, aafia ku,kási aafia ku we sↄ̃o.¹⁵Yãbɛ̃ɛ pↄ́ aa kɛ̀ ì kɛnɛ́ wí ũe?Aawo! Ìli kɛnɛ́ wí ũo,an gɛɛ lí gↄ̃ kpá ń wɛ́io.A yã́i aa ta gbɛ̃́ pↄ́ gɛ̀ gɛ́kĩiↄ guu,aa kwɛ gↄↄ pↄ́ málɛ ĩadamá.Ma Dii mámɛ má ò.

¹⁶Ma Dii ma mɛ̀:À zɛ zɛ́kpaau à a zɛ́ káauↄ gwa,í a pↄ́ pↄ́ maa gbɛa àↄ bɛu,á sↄ̃ i níni.Ɔ̃ a mɛ̀ áↄ bɛuo.¹⁷Ma gudↄ̃anaↄ dìlɛɛ́,má òɛ́ àli swãdↄ an kuupɛai,ↄ̃ a mɛ̀ á swãdↄio.¹⁸Ayãmɛto buipãleↄ, à yãma,í yã́ pↄ́ a ma gbɛ̃́ↄ le dↄ̃!¹⁹Dṹnia gbɛ̃́ↄ, à yãma,málɛ mↄ́ gbɛ̃́piↄ ásookɛi.Yã́ pↄ́ aalɛ yáↄ gbɛn we,asa aai swãdↄ ma yã́io,aa gì ma ikoyãiɛ.²⁰Seba tulaleti dɛmɛɛ pↄe ũo,ge kanɛli fee gĩnana pↄ́ bↄ̀ bùsu zã̀zãu.Mili sa pↄ́ i oa i a pↄ́ kátɛu à tɛ́kũ sio,á sa'oaa lí kamaguo.²¹Ayãmɛto ma Dii ma mɛ̀:Má gbɛ pↄ́ gbɛ̃́ↄ ì gɛ̃mbↄlɛwàↄ kálɛ gbɛ̃́piↄnɛ ń aɛ,maeↄ ń ń nɛ́ↄ, gbɛ̃́ ń a gbɛ̃́oaai kpákpaa ḿpii aa gaga.

²²Ma Dii ma mɛ̀:Gugbãntoo oi bùsudeↄ gwa,aa fɛ̀lɛ,bui zↄ̃ↄpiↄ lɛ́ bↄ za dṹnia lɛ́wa,aalɛ mↄ́.²³Aa sáↄ ń sↄ̃naↄ kṹkũa,aa pãsĩ, aali gbɛ̃e wɛ̃nagwao.An kↄ̃fĩ ìↄ dↄ lán ísia kↄ̃fĩwa,aa didi sↄ̃́ kpɛ, aa zĩ'ↄpòo,aalɛ mↄ́ lɛ́lɛiwá, Siↄnadeↄ.

²⁴Wa ń bao mà,wá ↄ gↄ̃̀ dↄwázi.Yã'ↄ̃ma wá kṹ gbãa,wálɛ wãwãma lán nɛ'inawa.²⁵Ásu gɛ́ buao,ásu àↄ bɛ zɛ́uo,asa ibɛɛↄ ń fɛ̃ndaↄ kṹkũaɛ,vĩa pↄ́ↄ liaaázi.²⁶Ma gbɛ̃́ↄ, à zwã̀nkasaↄ dↄdↄ á pi,í gbeembo túfu guu.À ↄ́ↄlↄ lán nɛ́ mɛ̀ndona gaamáwa,à búbuapɛ pãsĩpãsĩ,asa gbɛ̃kaalɛna a mↄ́wá kã́ndoɛ.

²⁷Ma n dilɛ mↄ̀baasana ũɛ,ma gbɛ̃́ↄ mɛ́ gbɛ̀ mↄde ũ.Ǹ ń yãkɛaↄ yↄ̃, ní ń dàa dↄ̃.²⁸Swã́yãmansaideↄnɛ ḿpii,aaìↄ bɛbɛ wàↄ yãdↄdↄmáɛ.Aa fèe lán mↄgotɛ̃ ge mↄsiwaɛ,yãkpaanlakɛnaↄnɛ ḿpii.²⁹Sia lɛ́ tɛ́vu,kɛ́ mↄ̀gbↄ̃ e láa tɛ́piu,kási àlɛ mↄ baasa pãɛ,gbɛ̃vãiↄ lɛ́ kɛ̃́ gbɛ̃maawao.³⁰Wì onɛ́ ã́nusu giana,asa Dii gìńziɛ.

Zelemii 6 / bqc_sim

Koezↄ̃a Yelusalɛũi

Zelemii6bqc_sim