Read Zelemii 31

Zelemii31bqc_sim

¹Ma Dii ma mɛ̀gↄↄ bee máↄ dɛ Isailiↄ Lua ũ,aaiↄ dɛ ma gbɛ̃́ↄ ũ.

²Ma Dii ma mɛ̀má maakɛ gbɛ̃́ pↄ́ bↄ̀ fɛ̃nda lɛ́zĩↄnɛ gbáau,má gɛ́ Isailipiↄ gbai ĩ́ampakĩi.³Dii bↄ̀ mↄ̀wá za kãaa à mɛ̀:Ma yeaázi láaa vĩo,a yã́i ma á gálɛ ń gbɛ̃kɛo.⁴Má ɛa á zɛdↄ, íↄ zɛdↄa.Á Isaili nɛnↄnaↄ,á ɛa á sɛ̃́sɛ̃naↄ sɛ lↄ,í bↄlɛ gɛ̃ò pↄnakɛnaↄ ↄ̃wãu.⁵Á ɛa vɛ̃ɛliↄ ba Samali sĩ̀sĩↄ pↄlɛu,mɛ́ a banaↄ mɛ́ aa a bɛ mↄaokɛ.⁶Gↄↄe a mↄ́ kɛ́ gudↄ̃anaↄ lɛ́ gbãa zu Ɛflaiũ gbɛ̀sĩsĩ musu aa mɛ:À fɛlɛ wà gɛ́ Siↄna Dii wá Lua kĩ́i.

⁷Ma Dii ma mɛ̀à lɛsi Yakↄbu buiↄnɛ ń pↄnao,à gulakɛ buiↄ mide yã́ musu.À to wà ma táasilɛa ma dↄ, í mɛ:Dii, ǹ n gbɛ̃́ Isaili kↄ̃naↄ suaba.⁸Má bↄńnↄ gugbãntoo oi bùsuuɛ,mí ń kãaa za dṹnia lɛ́wa.Vĩ̀aↄ ń ɛɛↄ ń nↄsindeeↄ aaↄ kú ń guuń nↄɛ pↄ́ kúlɛa ń nↄwãwãoↄ.Gbɛ̃́ bílapiↄ su la dasidasi,⁹aa su ń wɛ́'io ń awakpaamɛɛo.Máↄ dↄaanɛ́ swa saɛzɛ́ sàlala pↄ́ aa gɛ̃mbↄlɛuo guu,asa Isailiↄ maen ma ũ,Ɛflaiũ buipiá ma nɛgↄ̃ɛ sɛ̃́iaɛ.

¹⁰Á buipãleↄ, à ma yãma,í a kpàwakɛ ísiabaazãzãdeↄnɛ.Ma gbɛ̃́ pↄ́ ma Isailiↄ fã̀aa,má ɛa mà ń kãaa lↄɛ,mí a kpàsa sãpiↄ dↄ̃́a lán sãdãnawa.¹¹Asa má Yakↄbu buiↄ bo,má ń bↄ gbɛ̃́ pↄ́ an gbãa dɛńlaↄ ↄzĩ.¹²Aa mↄ gulakɛ Siↄna sĩ̀sĩ musu,aa pↄnakɛ ń ɛ̀fãai pↄ́ má kɛ̀nɛ́o,pↄ́wɛna ń vɛ̃ɛo ń nísioń pↄtuo nɛ'iao yã́i.Aaↄ dɛ lán swalu idewa,an yɛ̃̀ɛɛ a kɛ̃́sãmá lↄo.¹³Wɛ̃́ndiaↄ pↄnakɛ, aaↄ ↄ̃wãń ɛ̀waasoↄ ń maezↄ̃ↄↄ píi.Má ń ↄↄlↄ lilɛ pↄna ũ,mí ń nↄ̀sɛ níninɛ́,an nↄ̀sɛyaa gbɛu má nↄ̀sɛna danɛ́.¹⁴Má tó blɛ níside fɛ̃ sa'onaↄzi,má tó blɛ maa àↄ di ma gbɛ̃́ↄzi.

¹⁵Ma Dii ma mɛ̀wàlɛ wii ma dↄ Lama,wàlɛ búbuapɛ,wàlɛ ↄ́ↄlↄ wɛ̃nannↄ.Lasɛli mɛ́ lɛ́ a nɛ́ↄ ↄ́ↄlↄ,à gì awamai,kɛ́ aà nɛ́ↄ ku lↄo yã́i.

¹⁶Ma Dii ma mɛ̀ásu ↄ́ↄlↄ lↄo,ásu to wɛ́'i bↄwá lↄo,asa má á taasi ài kpáwáɛ.Ma Dii mámɛ má ò.Á buiↄ bↄlɛ ń ibɛɛↄ bùsuu aa su.¹⁷À wɛ́ dↄ á ziai,asa á buiↄ su ń bùsuuɛ.Ma Dii mámɛ má ò.

¹⁸Ma Ɛflaiũ buiↄ wɛ̃nakɛa mà aa mɛ̀:Wá dɛ lán gáae pↄ́ zĩ dↄ́ɛ dↄ̃owa,ↄ̃ n wá swãgàga maamaa.Wá gbɛsi, wí su,asa ḿmɛ ń wá Lua ũ.¹⁹Wa bↄ n kpɛ, ↄ̃ wa nↄ̀sɛlìlɛ,wá wɛ́kɛ̃a gbɛa wa wázĩa gbɛ̃̀gbɛ̃.Wí wá kṹ wá ɛ̀waasogↄↄ yã́ musu,wá gɛɛ gↄ̃̀ kpá wá wɛ́i.²⁰Ɛflaiũ buiↄá ma nɛ́ yenzideↄnɛ,ma pↄ dↄmáo lé?Baa kɛ́ miↄ ń lele an yã́ↄ yã́i mↄ̀ↄmↄↄ,an yã́ lí sãmaguo.A yã́i ma pↄ i bↄ ń guuo,má wɛ̃nadↄ̃nɛ́ maamaa.Ma Dii mámɛ má ò.

²¹À lípɛlɛpɛlɛ á zɛ́u seela ũ,à tó á sↄ̃ àↄ ku zɛ́ pↄ́ á bɛupiwa.Isaili lɛ́so, su n wɛ̃́lɛↄ guu,²²Nɛnↄɛ pↄ̀ↄbↄzãkɛna,ńyↄ̃ↄ liaaliaa e bↄɛ ni?Ma Dii má yã́ dafu dilɛ dṹniau,nↄɛpi mɛ́ aↄ ↄlia a gↄ̃i sa.²³Ma Dii Zĩgↄ̃de Isailiↄ Lua ma mɛ̀, tó ma suńnↄ ń pá ziu, gbɛ̃́ pↄ́ kú Yuda bùsuuↄ ń a wɛ̃́lɛdeↄ mɛ: Dii báaada a sĩ̀sĩ pↄ́ a kua adoau, gu pↄ́ yã́zɛde kuu.²⁴Wa zↄ̃lɛ Yuda bùsuu ń a wɛ̃́lɛↄ, sɛ̃̀wanaↄ ń dã́dãkɛnaↄ píi.²⁵Asa má gbɛ̃́ pↄ́ imi ń yɛ̃̀ɛɛ sìmáↄ gba í, mí tó gbɛ̃́ pↄ́ nↄana ń gbãa sìmáↄ kã́.²⁶Gↄↄ bee ↄ̃ wɛ́pungu pↄ́ málɛ e wèea. Kɛ́ ma gugwà, yã́ pↄ́ má è i guupi na.

Dii bàa ɛa kua ń Isailiↄ

²⁷Ma Dii ma mɛ̀ gↄↄe a mↄ́ kɛ́ má tó gbɛ̃nazĩnaↄ ń pↄtuoↄ gupa Isaili ń Yuda bùsuo.²⁸Lá ma wɛdↄ̀nɛ́ yãa, ma ń fuangba, ma ń gboo, ma ń pisabò, ma yãyìamá, màa má wɛ́tɛńzi sa, má ń zɛdↄ, má ń gba gbãa. Ma Dii mámɛ má ò.²⁹Gↄↄ bee aa mɛ maeↄ vɛ̃ɛbɛ kũ̀ma blè ↄ̃ nɛ́ↄ swaa fɛ̃́nkpào,³⁰asa baade a ga a duuna yã́iɛ. Gbɛ̃́ pↄ́ vɛ̃ɛbɛ kũ̀ma blè swaa mɛ́ a fɛ̃́nkpa.³¹Ma Dii ma mɛ̀, a gↄↄ a mↄ́ kɛ́ ma bàa a ɛa àↄ kú ń Isailiↄ ń Yudaↄ dafu.³²Ma bàa aↄ kúńnↄ lá a kú ń ń deziↄ gↄↄ pↄ́ ma ń kṹ ń ↄwa ma ń bↄ́lɛ Egipiwao. Asa baa kɛ́ má dɛ ń zã́ ũ, aa ma bàakuańnↄ yã́ gbòoɛ. Ma Dii mámɛ má ò.³³Lá ma bàa aↄ kú ń Isailiↄ gↄↄ bee gbɛan kɛ.Má a ikoyã danɛ́ ń nↄ̀sɛ guu,má kɛ̃́ ń sↄ̃wa.Máↄ dɛ ń Lua ũ,aaiↄ dɛ ma gbɛ̃́ↄ ũ.³⁴An gbɛ̃e a yãdada a deeɛo,gbɛ̃e a ma dↄ̃a da a gbɛ̃́ɛo,asa ampii aaↄ ma dↄ̃ɛ,nɛ́fɛ̃nɛn gbɛ̃zↄ̃ↄ píi.Ma Dii ma mɛ̀má ń tàaeↄ kɛ̃́má,má ń duuna yãda lↄo.

³⁵Ma Dii ma mɛ̀mámɛ ma ĩatɛ̃ dìlɛ à gupu fãanɛ,ma mↄvua ń saanaↄ pɛ̀pɛ aa gupu gwã́,mi to ísia fɛlɛ, a ikooaↄ pũna,ma tↄ́n Dii Zĩgↄ̃de.³⁶Mɛ́ i kɛ pↄ́piↄ gòmalao,Isaili bui a midɛmɛɛ bauo.Ma Dii mámɛ má ò.

³⁷Ma Dii ma mɛ̀mɛ́ i kɛ wà musu yↄ̃̀wà dṹnia zĩ́mpɛlɛↄ asii dↄ̃̀o,má gí Isaili buiↄzi píiyã́ pↄ́ aa kɛ̀ yã́io.Ma Dii mámɛ má ò.³⁸Ma Dii ma mɛ̀ gↄↄe a mↄ́ kɛ́ wa ɛa wɛ̃́lɛpi kálɛmɛɛ sɛa za Ananɛli kalangawa e Gola Bↄlɛu.³⁹Za we wa ba poo gɛò Galebu sĩ̀sĩwa, wi liaa gɛò Goai.⁴⁰Guzulɛ pↄ́ dɛ gɛvĩkĩi ń nísigbↄ̃kↄlɛkĩio ũ ń bua pↄ́ kú we e za Sedↄ̃ swaiↄ e Sↄ̃́ Bↄlɛu gukpɛ oi, apii aↄ dɛ ma pↄ́ ũɛ. Wa wɛ̃́lɛpi wi lↄo, wa gboo bauo.

Zelemii 31 / bqc_sim

Dii bàa ɛa kua ń Isailiↄ

Zelemii31bqc_sim