Read Zelemii 17

Zelemii17bqc_sim

Sↄ̃ mↄafili vĩ dɛ pↄ́piia

¹Wà Yudaↄ duuna yã́ kɛ̃̀nɛ́ ń sↄ̃wa ń pɛ̃nkɛ̃bↄo.Wa kɛ̃̀ ń sa'okĩiↄ kↄ́baↄwa ń gbɛkãoo.²An sa'okĩiↄ ń ń Asetaati lipɛlɛↄ yã́ ìↄ dↄ ń nɛ́ↄgu se.Aa ku lí yɛ̀lɛlɛↄ gbáu sĩ̀sĩ lɛsĩↄ musu.³Má a gbɛ̀sĩsĩ na á ibɛɛↄnɛ ń ↄzĩń á àizɛɛↄ ń á pↄ́ ↄdeↄń gulɛsĩ pↄ́ á bòↄɛduuna pↄ́ á kɛ̀ á bùsuu yã́i.⁴Á ↄkpa bùsu pↄ́ má kpàwázi,mí tó à zↄble á ibɛɛↄnɛ bùsu pↄ́ á dↄ̃o guu,asa á tò ma pↄ fɛ̀lɛ lán tɛ́waɛ,mɛ́ tɛ́pi aↄ kũ gↄↄpiiɛ.

⁵Ma Dii ma mɛ̀, gbɛ̃́ pↄ́ bↄ̀ ma kpɛà gbɛ̃nazĩnaↄ náaikɛ̀,a daa ń gã̀u gↄ̃̀ láaipↄ ũɛ.⁶A dɛ lán lí pↄ́ kú gugiiuwaɛ.Tó nama mↄ̀, a e bleo.Aↄ ku guwaiwaiuɛge bùsu wiside pↄ́ gbɛ̃e kuuo.

⁷Báaaden gbɛ̃́ pↄ́ lɛ́ ma náaikɛ,àlɛ sↄ̃kpalɛmazi ũ.⁸A dɛ lán lí pↄ́ wa bà swa saɛ,a zĩ́napɛlɛa íuwaɛ.Aà bàa kú ń guwãaoo,a lá ìↄ siaɛ.Ìli imina yãdao,nɛ'i ĩaaànↄo.

⁹Sↄ̃ mↄafili vĩ dɛ pↄ́piia,a kɛkɛa vĩo,démɛ a fↄ̃ à a yã́ↄ dↄ̃i?¹⁰Ma Dii, mámɛ mi sↄ̃ yↄɛ,mi nↄ̀sɛ yã́ tàasika,mí fĩabo baadeɛ a yãkɛawa,mí kɛɛ̀ lá a kɛ̀wa.¹¹Gbɛ̃́ pↄ́ ↄda è zɛ́ vãi guu dɛlán dↄ̃na pↄ́ gbe kↄ̃mpa pìpiwaɛ.Gↄↄ pↄ́ a ku a gↄↄ soplawa,ↄ̃api a láawàɛ, i gↄ̃ sↄũ ũ gbɛzã.

¹²Wá Lua kpɛ́ mɛ́ aà kpalabaa gawide ũ,kpɛ́pi mɛ́ fuańla za asĩnizĩ.¹³Dii, ḿmɛ Isailiↄ wɛ́ dↄnzi,wí a gbɛ̃́ pↄ́ pãkpànziↄ kṹ.Gbɛ̃́ pↄ́ bↄ̀ ma kpɛↄ dɛ lán tↄ́ pↄ́ wa kɛ̃̀ tↄↄlɛwawaɛ,asa aa pãkpà n gbɛ̃́ pↄ́ ń dɛ nibↄna í wɛ̃nide ũziɛ.

¹⁴Ma gbã́gbã Dii, mí gbã́gbã,ma bↄ Dii, mí bↄ,asa n táasi miↄ lɛ gↄↄpii.¹⁵Wì mɛ yã́ pↄ́ Dii ò ku máɛ?Aà kɛ wà e mɛ!¹⁶Mi gí dↄaainɛ n gbɛ̃́ↄnɛo,ń dↄ̃ kɛ́ mámɛ mi wɛ́tɛ̃agↄↄ nidɛo,yã́ pↄ́ ì bↄ ma lɛ́u ulɛanɛo.¹⁷Ńsu to sↄ̃ kɛ̃maguo,ḿmɛ ń ma ulɛkĩi ũ yãpãsĩgↄↄ.¹⁸To wí ma wɛtãnaↄ kṹ,mapi sↄ̃, ńsu to wí ma kũo.To sↄ̃ kɛ̃́ńgu,mapi sↄ̃, ńsu to sↄ̃ kɛ̃maguo.Ǹ ń ká yãpãsĩpi gↄↄwa,ní ń wíwi e lɛɛ pla.

Kã́mabogↄↄ

¹⁹Dii òmɛɛ: Gɛ ǹ zɛ Gbɛ̃́ↄ Bↄlɛu, gu pↄ́ Yuda kíaↄ ìↄ gɛ̃u, aaìↄ bↄu, ní gɛ́ Yelusalɛũ bↄlɛ kĩniↄu lↄ píi.²⁰Ní onɛ́ aa swã́kpa aa ma yãma, Yuda kíaↄ ń Yelusalɛũdeↄ píi ń Yuda pↄ́ aalɛ gɛ̃ bↄlɛpiↄuↄ píi.²¹Ma Dii ma mɛ̀: À laaika!Ásu asosɛ kã́mabogↄↄzĩo,ásu gɛ̃ò Yelusalɛũ bↄlɛↄuo.²²Ásu bↄò á ua kã́mabogↄↄzĩo,ásuli zĩe kɛ gↄↄpi zĩ́o.Àliↄ dↄ̃ kɛ́ kã́mabogↄↄá ma pↄ́ɛ,lá má dìlɛ á deziↄnɛwa.²³Kási aai mao, aai swã́sɛio,aa ń swã́ kàkaɛ, aai mao,aa gì totoaiɛ.²⁴Ma Dii ma mɛ̀, tó a ma yãmà, álɛ gɛ̃ wɛ̃́lɛpi bↄlɛↄu ń asoo kã́mabogↄↄzĩ lↄo, tó á dↄ̃ kɛ́ gↄↄpiá ma pↄ́ɛ, álɛ zĩe kɛ gↄↄpi zĩ́o,²⁵kía pↄ́ aa zↄ̃lɛa Davidi kpalauↄ gɛ̃ wɛ̃́lɛɛ beepi bↄlɛↄu ń ń ìwaↄ kua sↄ̃́goↄ guu ń dia sↄ̃́ↄ kpɛo. Yelusalɛũdeↄ ń Yudaↄ aaↄ kúńnↄ, aaiↄ ku wɛ̃́lɛɛ beepiu gↄↄpii.²⁶Wa bↄ wɛ̃́lɛ pↄ́ liaa Yelusalɛũiↄ guu ń Yuda wɛ̃́lɛↄ píi ń Bɛ̃yãmɛɛ bui wɛ̃́lɛↄ ń gusalalao ń gusĩsĩdeo ń Nɛgɛvɛ guwaiwaio, wi mↄ ma kpɛ́u ń sa pↄ́ wì a pↄ́ kátɛu à tɛ́kũ obↄↄ ń sa pãle obↄↄ ń pↄ́wɛntio ń tulaletio ma sáaukpaa yã́i.²⁷Tó i ma yãma á dↄ̃̀ kɛ́ kã́mabogↄↄzĩá ma pↄ́ɛo, mɛ́ álɛ gɛ̃ Yelusalɛũ bↄlɛↄu ń asoo kã́mabogↄↄzĩ, má tɛ́ka bↄlɛpiↄuɛ, i kṹ á zɛgikĩiↄwa. Wa fↄ̃ tɛ́pi dɛo.

Zelemii 17 / bqc_sim

Sↄ̃ mↄafili vĩ dɛ pↄ́piia

Kã́mabogↄↄ

Zelemii17bqc_sim