Read Zelemii 10

Zelemii10bqc_sim

Lua lɛɛũa ń tã́aↄ

¹Isailiↄ, à yã́ pↄ́ Dii lɛ́ oɛ́ ma.²À mɛ̀ ásu buipãleↄ ↄlɛsɛà bílikɛ seela pↄ́ ì bↄ musuwao.Ásu to vĩa lí á kṹ láńwao.³Asa buipãleↄ fɛlɛkaayãá yãpãɛ.Aaì lizↄ̃ sɛ̃u,ↄ̃ sia ì ã́nɛ́ ń kpásagↄ̃nao.⁴Wì zãblewà ń ã́nusuo ń vuao,ↄ̃ wì kusa pápawà ń masanao,kɛ́ asu àↄ zĩazĩao yã́i.⁵Tã́apiↄ lí yã'oo,aa dɛ lán bua bãyabↄↄwaɛ.Aali táa'oo, wì ń sɛɛ.Ásu vĩakɛnɛ́o,aali fↄ̃ vãie kɛ̀nɛ́o,mɛ́ aali fↄ̃ yãmaae kɛ̀nɛ́ sↄ̃o.

⁶Dii, gbɛ̃e muaannↄo, ń zↄ̃ↄ,n tↄbↄ̀ n gbãa yã́ musu.⁷Bui píi Kía, démɛ n vĩa vĩo ni?Ao, a maannↄ màaɛ.Bui píi ↄ̃nↄnaↄ ń ń kpaladeↄ guugbɛ̃e muaannↄo.⁸Aa doũ ḿpiiɛ,sↄũↄnɛ, aa mi vĩo,lí'ãaↄnɛ, aa fↄ̃ lɛdamáe?⁹Wì ã́nusu gbɛ̃gbɛ̃a pↄ́ wà bↄ̀ò Taasisiń vua pↄ́ wà bↄ̀ò Ufaza kúlɛwà,ↄ̃ wì ula búuna ń a gàaluladeo kákapↄ́ pↄ́ sia ń vuazĩkɛnao kɛ̀piɛ.Gↄ̃ideↄ ↄzĩↄnɛ píi.¹⁰Dii mɛ́ Lua sĩande ũ,aàpi mɛ́ ìↄ ku gↄↄpii Kía ũ.Tó aà pↄ fɛ̃̀, tↄↄlɛ ì lualuaɛ,buie a fↄ̃ zɛ aa aà pↄkũma dão.¹¹À o buipiↄnɛ à mɛ dii pↄ́ aamɛ aa musu ń zĩ́lɛo kɛ̀opiↄ aa midɛ dṹniauɛ, aaↄ ku gueio.¹²Dii mɛ́ dṹnia kɛ̀ ń a gbãao,à tↄↄlɛ kàlɛ ń a ↄ̃nↄo,à musu kpàlɛ ń a wɛzɛ̃o.¹³Tó Dii pũ̀na,í pↄ́ kú musu ì kↄ̃fĩkɛɛ,lou ì sisi za dṹnia lɛ́wa.Dii ì bↄ ń ĩ́anao a làasiu,lou i ma ń pílɛao.¹⁴Gbɛ̃nazĩnaↄ sↄũ, aa yãe dↄ̃o,siaↄ gɛɛ a gↄ̃ kpá ń wɛ́itã́a pↄ́ aa pìↄ yã́ musu.Pↄ́ ɛgɛnaↄnɛ, aa wɛ̃ni vĩo.¹⁵Pↄ́ gianaↄnɛ, láanipↄↄnɛ.Yã́kpalɛkɛgↄↄzĩ aa midɛ.¹⁶Dii pↄ́ dɛ Yakↄbu buiↄ baa ũ muaańnↄo,asa ↄ̃mɛ pↄ́pii kɛ̀ń Isaili pↄ́ à ń sɛ́ a pↄ́ ũↄ.Aà tↄ́n Dii Zĩgↄ̃de.

¹⁷Á gbɛ̃́ pↄ́ wà koezↄ̃̀áziↄ,à á pↄ́ↄ ye bↄò á bùsuu.¹⁸Asa ma Dii ma mɛ̀tia kɛ́wa má bùsuɛ bee gbɛ̃́ↄ zuzu lán gbɛwaɛ.Má ń ásookɛɛ, wi ń kṹkũ.

¹⁹Waiyoo wápiↄ, kɛ́ wá wíwia yã́i.Wá bↄá bↄ̀kↄↄɛ.Wálɛ e yãa wá gyãpi bleɛ.²⁰Wà wá zwã̀akpɛↄ kwɛ̀kwɛ,wà a baↄ kɛ̃̀kɛ̃.Wá nɛ́ↄ gɛ̃̀zɛa, aa ku lↄo.Gbɛ̃e ku à zwã̀akpɛ dↄwɛ̃ɛ lↄo,gbɛ̃e ku à a zwãaↄ kpálɛo.²¹Wá dↄaanaↄá sↄũↄnɛ,aali yãgbɛa Diiwao.A yã́i tò an yãe lí bↄ maao,ↄ̃ an gbɛ̃́ↄ fã̀aa píi.²²À ma, wàlɛ mↄ́ baokpai,kↄ̃fĩ zↄ̃ↄ dↄ gugbãntoo oi bùsuu.Wàlɛ mↄ́ Yuda wɛ̃́lɛↄ dɛ̃ↄnzↄ̃i,wɛ̃́lɛpiↄ i gↄ̃ gbɛ̃gbonaↄ tòo ũ.

²³Dii, má dↄ̃ kɛ́ gbɛ̃nazĩna kua dɛ aàzĩa yã́ ũo,gbɛ̃e a fↄ̃ zɛpoo azĩaɛo.²⁴Dii, ma toto a zɛ́wa,i kɛ ń pↄkũmao no.Ńsu ma lao mà gↄ̃ tɛ̃nɛɛo.²⁵Pↄfɛ̃ bↄbↄ bui pↄ́ aa n dↄ̃oↄwa,gbɛ̃́ pↄ́ aali n sísiopiↄ,asa aa Yakↄbu buiↄ mↄ̀mↄɛ,aa ń mↄmↄ bɛ̃̀ɛ,aa ń bùsu ↄ̃̀ↄkpà.

Zelemii 10 / bqc_sim

Lua lɛɛũa ń tã́aↄ

Zelemii10bqc_sim