Read Zelemii 1

Zelemii1bqc_sim

Dii Zelemii dilɛa ãnabi ũ

¹Ilikia nɛ́ Zelemii, Anato pↄ́ kú Bɛ̃yãmɛɛ buiↄ bùsuu sa'onae yã́n kɛ.²Dii yã'òɛ̀ Amↄ nɛ́ Yosia,Yudaↄ kía kpalablea wɛ̃̀ kuɛ'aaↄ̃de guu³ń Yosia nɛ́ Yoakiũ,Yudaↄ kía kpalablea gↄↄo e Yosia nɛ́ Zedekia,Yudaↄ kía kpalablea wɛ̃̀ kuɛdode mↄ sↄode guu, gↄↄ pↄ́ wà Yelusalɛũdeↄ kũ̀kũ zĩ̀zↄↄ ũ.

⁴Dii yã'òmɛɛ à mɛ̀:⁵E màↄ gɛ́ n íkasai nɛasakpɛu,má n dↄ̃,e ǹyↄ̃ gɛ́ bↄi gbɛɛu,ma n sɛ ma pↄ́ ũɛ,ma n dilɛ ãnabi ũ buiↄnɛ.⁶Ɔ̃ ma mɛ̀: Á'a Dii Lua! Má yã'oa dↄ̃o, asa ɛ̀waasonan ma ũ.⁷Ɔ̃ Dii òmɛɛ:Ńsu o ɛ̀waasonan n ũo.Gɛ́ gbɛ̃́ pↄ́ ma n zĩmáↄ kĩ́i píi,ní yã́ pↄ́ má danɛ píi onɛ́.⁸Ńsu vĩakɛnɛ́o,asa má kunnↄ n misia yã́iɛ.Ma Dii mámɛ má ò.⁹Ɔ̃ Dii ↄbↄ̀ a zↄ̃̀ ma lɛ́wa à mɛ̀:Ma a yã́ sòso má kànɛ n lɛ́uɛ.¹⁰Gwa! Ma n dilɛ buiↄnɛ ń ń bùsuↄ,ńyↄ̃ ń wo ń bùsuu,ńyↄ̃ ń gbãa kↄ'ɛ,ńyↄ̃ ń kaalɛ, ní ɛa ǹ ń zɛdↄ,ńyↄ̃ ń gboo, ní ɛa ǹ ń kɛkɛ.¹¹Dii yã'òmɛɛ à mɛ̀: Zelemii, bↄ́ ń èi? Ɔ̃ má wèwà: Lí pↄ́ wì mɛ wɛ́tɛi gↄ̃na málɛ e.¹²Ɔ̃ Dii òmɛɛ: Ń è wásawasaɛ, asa málɛ wɛ́tɛ ma yã́i, kɛ́ à e papa yã́iɛ.¹³Dii yã́ ɛ̀a dɛ̀dɛa à mɛ̀: Bↄ́ ń èi? Má wèwà: Ma oo è, àlɛ pusu bↄ, à yɛ̀ɛlɛ, a zí dↄ gugbãntoo oi.¹⁴Ɔ̃ Dii òmɛɛ: Za gugbãntoo oi wa bↄu wà yã́yia bùsuɛbeedeↄwa.¹⁵Málɛ bùsu pↄ́ kú gugbãntoo oiↄ gbɛ̃́ↄ sisi aa mↄ píiɛ.An kíaↄ ń kpalabaaↄ kpálɛ Yelusalɛũ bĩ́ibↄlɛↄu.Aa koezↄ̃ a bĩ́i pↄ́ liaizi,aa lɛ́lɛ Yudaↄ bùsu wɛ̃́lɛↄwa.¹⁶Màa má yã́kpalɛkɛ ń ma gbɛ̃́ↄvãi pↄ́ aa kɛ̀ aa bↄ̀ ma kp yã́i.Aa tulaletikàtɛa dii pãleↄnɛ,aa kùlɛ ń pↄkɛaↄnɛ.¹⁷Sↄukɛ, ní fɛlɛ yã́ pↄ́ má danɛ onɛ́ píi.Ńsu to sↄ̃ kɛ̃ngu an yã́io.Tó màan sↄ̃o, ḿmɛ má tó sↄ̃ kɛ̃ngu ń aɛ.¹⁸Ma n kɛ lán wɛ̃́lɛ bĩ́idewa gbãɛ,lán mↄ̀pɛlɛ ge mↄgotɛ̃ bĩ́iwa.Yuda kíaↄ fↄ̃ kpanɛo,ge a gbãadeↄ ge a sa'onaↄ ge a gbɛ̃́pii.¹⁹Aa ãnama, kási aa n fuo,asa má kunnↄ n misia yã́iɛ.Ma Dii mámɛ má ò.

Zelemii 1 / bqc_sim

Dii Zelemii dilɛa ãnabi ũ

Zelemii1bqc_sim