Read Isaia 40

Isaia40bqc_sim

Lua gbɛ̃́ↄ nↄ̀sɛninianɛ

¹Á Lua mɛ̀:À ma gbɛ̃́ↄ nↄ̀sɛ níninɛ́,à ń nↄ̀sɛ níninɛ́.²À yã́ nana o Yelusalɛũdeↄnɛ,à onɛ́ an zↄzĩ làa,an tàae wì ń musu kↄ̀,aa ń duuna fĩabò Diiɛ lɛɛ pla.

³Kpàwakɛna lↄↄ ma dↄ, àlɛ mɛ:À zɛkɛkɛ Diiɛ gbáau,à zɛda poo wá Luaɛ sɛ̃u.⁴Guzulɛ píi a tata,gbɛ̀ lɛsĩↄ ń sĩ̀sĩↄ daaĩ píi,gutoũtoũↄ kpaaĩ,gusĩsĩdeↄ gↄ̃ gusalalaↄ ũ.⁵Dii gawi a bↄ,gbɛ̃́pii a wɛsiɛ sãnusãnu.Dii lɛ́ mɛ́ ò.

⁶Ma lↄↄ mà dↄ à mɛ̀: Kpàwakɛ!Ma mɛ̀: Mà kpàwakɛ mà o kpelewai?À mɛ̀: Gbɛ̃nazĩna píi dɛ lán sɛ̃waɛ,an kɛfɛnkɛ dɛ lán sɛ̃vuwaɛ.⁷Sɛ̃ ì gaga, a vú ì kwɛ́,kɛ́ Dii ì ĩ́anapɛwà yã́i.Gbɛ̃nazĩnaↄ dɛ lán sɛ̃wa sĩanaɛ.⁸Sɛ̃ ì gaga, a vú ì kwɛ́,wá Lua sↄ̃, aà yã́ ìↄ ku gↄↄpiiɛ.

⁹Siↄna baonakpana,dɛdɛ gbɛ̀sĩsĩ lɛsĩwa, lɛda ía.Yelusalɛũ baonakpana,yã'o gbã́ugbãu vĩasai,o Yuda wɛ̃́lɛdeↄnɛ: Á Lua kɛ!¹⁰À gwa! Dii Lua lɛ́ mↄ́ ń ikoo,àlɛ mↄ́ kiblei ń gã̀sa gbãao.À gwa! A a asea kũa,a a zĩ ài kpán'aɛkɛ.¹¹Ì a pↄ́ↄ dã lán sãdãnawa,ì a sãnɛↄ sↄlↄ a ↄu,ì ń kpá a kùɛ,ì a nɛadeↄ tàlakpa.

Dii dɛa pↄ́piia

¹²Démɛ ísia í yↄ̃̀ a ↄ guui?Démɛ luabɛ yↄ̃̀ ń ↄtãoi?Démɛ dṹnia bùsuti kà zaau píii?Démɛ gbɛ̀sĩsĩↄ dì kiloowai?Démɛ sĩ̀sĩↄ gbia yↄ̃̀i?¹³Démɛ Dii làasoo dↄ̃i?Démɛ yãdàɛ̀ à lɛdàwài?¹⁴Dé Dii yãkpàlɛ aà gɛ̃zĩ aà lɛdawai?Démɛ aà dà zɛ́ súsuwai?Démɛ dↄ̃a kã̀fĩɛ̀i?Démɛ ↄ̃nↄ dàɛ̀i?

¹⁵Bui píi dɛɛ̀ lán itona pↄ́ tↄ̃̀ soo guuwaɛ,lán luutɛ̃ pↄ́ kpá kiloowawa,ísia gũgũnaↄ gbia dɛɛ̀ lán gbɛ́tiwaɛ.¹⁶Libã likpɛ i ka Dii gbagbayaa ũo,a nↄ̀bↄↄ i ka wà sa'oowào.¹⁷Bui píi dɛɛ̀ yãfũnnↄɛ,àlɛ ń gwa fooonnↄɛ,aa dɛɛ̀ pↄe ũo.

¹⁸Dé á Lua lɛɛũòi?Bↄ́ á mɛ a muaaòi?¹⁹Tã́a sↄ̃, ↄzĩkɛna mɛ́ ì pí,ↄ̃ sia ì vua í lɛ́wà,ì ã́nusu yàbaa kɛ daɛ̀.²⁰Gbɛ̃́ pↄ́ a ↄ lɛ́ a kpɛ leoì lí pↄ́ lí vlão sɛ́,ↄ̃ ì li'ãn gↄ̃ide wɛɛlɛaà tã́a pɛ́lɛɛ, kɛ́ asu lɛ́lɛo.

²¹Á dↄ̃o lé? I mao lé?Wi oɛ́ za asĩnizĩo lé?I dṹniakalɛgↄↄ yãmao lé?²²A zↄ̃lɛa bàlumaa dṹnia musu,a gbɛ̃́ↄ dɛɛ̀ lán kwaↄwaɛ.Ì musu poo lán zwã̀akpɛwa a bɛ ũ.²³Ì to kpalablenaↄ gↄ̃ fooonnↄ,ì dṹnia dↄaanaↄ sↄaa aa gↄ̃ kpɛɛ.²⁴Wà ń dílɛn lò,wà ń kpán lò,an zĩ́na gɛ̃̀ tíun lò,tó à ĩ́anapɛ̀má, aaì giigagaɛ,zàa i ń sɛ́ lán sɛ̃̀ keleↄwa.

²⁵Lua pↄ́ a kua adoa mɛ̀:Dé á ma lɛɛũòi?Dé álɛ e wá sáai?²⁶À wɛ́sɛ musu gwa.Démɛ pↄ beeↄ kɛ̀i?Démɛ ì to aa bilɛ ń dasilɛuà ń baade sísi a tↄ́wai?Aà iko zↄ̃ↄ ń aà gbãa pãsĩomɛ́ tò a keeli kɛ̃́são.

²⁷Yakↄbu buiↄ, bↄ́yãi i mɛ Dii á zɛ́ dↄ̃o ni?Isailiↄ, àkɛa álɛ o á Lua á yã́ fãn vĩo ni?²⁸Á dↄ̃o lé? I mao lé?Dii mɛ́ Lua bɛ̃́ɛ ũ, dṹnialɛdana ũ.Ìli kpasao, ìli fuo,mɛ́ wa fↄ̃ aà ↄ̃nↄ lɛ́ dↄ̃o.²⁹Ì gbãa kã́fĩ gbɛ̃́ pↄ́ kpàsaↄnɛ,ì gbɛ̃́ pↄ́ gↄ̃̀ dↄ̀lↄlↄↄ gba yɛ̃̀ɛɛ.³⁰Ɛ̀waasoↄ ì kpasa aa fu,gbɛ̃́ gbãaↄ ì gɛ̃mbↄlɛ aa lɛ́lɛ,³¹gbɛ̃́ pↄ́ an wɛ́ dↄ Diiziↄ sↄ̃,an gbãa ìↄ dɛdɛɛ.Aa fɛlɛ ń gbãao lán kúuwa,aa bàalɛ aa kpasao,aa táa'o aa fuo.

Isaia 40 / bqc_sim

Lua gbɛ̃́ↄ nↄ̀sɛninianɛ

Dii dɛa pↄ́piia

Isaia40bqc_sim