Read Ozee 2

Ozee2bqc_sim

¹Ń beeo Isailiↄ aaↄ dasi lán ísialɛ ũfãawaɛ, wa fↄ̃ ń lɛ́ dↄ̃o, wa fↄ̃ ń naoo.Gu pↄ́ má òunɛ́ ma gbɛ̃́ↄ no, we wa ń sísiu Lua bɛ̃́ɛ nɛ́ↄ.²Yudaↄ ń Isailiↄ kãaa ń lɛdoũo, aai dↄaana mɛ̀ndona dilɛ ń pↄ́ ũ. Aa bↄlɛ bùsu ń bùsuo, asa Yezɛlɛɛ gↄↄpi aↄ zↄ̃ↄɛ.³À o á gbɛ̃́ↄnɛ, gↄ̃ɛ ń nↄɛo, ma gbɛ̃́ↄn ń ũ, ma ń wɛgwà.

Isailiↄ dɛa Dii nↄ gbãsĩkɛna ũ

⁴Isailiↄ, à zↄadↄ á dawa,à zↄadↄwà,asa ma nↄn aà ũ lↄo,mɛ́ aà zã́n ma ũ lↄo.Aà káaluakaa bↄ a wɛ́ɛ,i mikɛ̃ gbãsĩkɛawa.⁵Tó màa no, má pↄ́ piliwàɛ,i gↄ̃ puizi,má tó aà gↄ̃ láilai,lá wà aà ìwaɛ.Má tó aà gↄ̃ gbáa ũɛ,má aà li gugii ũɛ,mí tó aà ga ń imio.⁶Má aà nɛ́ↄ wɛgwao,asa gĩnasↄↄnɛↄnɛ.⁷An da dↄ́ɛ'ĩi kɛ̀,ↄ̃ à ń nↄsì wisaikɛa guu.À mɛ̀ á gɛ́ a gↄ̃pↄsɛↄwaɛ,aai a gba pↄblea ń ío ń sãkãoń bàabaao ń nísio ń vɛ̃ɛo.⁸Ayãmɛto má zɛdɛɛ̀ ń lɛo,má gĩ liaaàzi,kɛ́ asu tɛ a dàaio yã́i.⁹Tó à sù bↄ̀ pɛ̀lɛ a gↄ̃pↄsɛↄzi sↄ̃,a ń leo,a kpálɛkɛńzi, a ń eo,i mɛ á ɛa ta a gↄ̃ sɛ̃́iawaɛ,asa aà pↄ na yãa dɛ tiaa.¹⁰I dↄ̃ kɛ́ mámɛ ma pↄ́wɛna ń vɛ̃ɛo kpàwao.Ma nísi ń ã́nusuo ń vuao nↄ̀nↄaaɛ̀,ↄ̃ à a mↄaokɛ̀ Baaliwa.¹¹A yã́i má ɛa mà a pↄ́wɛna síwàń ma vɛ̃ɛo a kɛkɛgↄↄń sãkão ń bàabaa pↄ́ à a puizi ùlɛoo,¹²mí aà wisaikɛ kaɛ̀ a ↄzĩaà gↄ̃pↄsɛↄ wáa.Gbɛ̃e a e à aà bↄ ma ↄzĩo.¹³Má aà pↄnakɛa midɛ píiɛ,dikpɛ pↄ́ ì kɛ wɛ̃ ń wɛ̃o pↄ́ↄń mↄ dafu pↄ́ↄ ń kã́mabogↄↄ pↄ́ↄ.¹⁴Má aà vɛ̃ɛliↄ ń aà kaadↄɛnliↄ dɛɛlɛɛ,lí pↄ́ à mɛ̀ a gↄ̃pↄsɛↄ mɛ́ fĩabòòɛpiↄ,mí tó gupi gↄ̃ tàaa ũ, sɛ̃̀anↄbↄↄ i ble.¹⁵Lá à tulaletikàtɛa tã́aↄnɛ,à azĩa kɛ̀kɛ ń tãanaↄ ń nↄamblebↄↄ,à pɛ̀lɛò a gↄ̃pↄsɛpiↄzi,ↄ̃ ma yã́ sã̀aàgu,yã́piↄ yã́i má aà wɛtãɛ.Ma Dii mámɛ má ò.¹⁶Má tó Isailiↄ ma yã́zɛ e,má gɛ́ńnↄ gbáauɛ,mí ń nↄ̀sɛ níninɛ́.¹⁷We má ń vɛ̃ɛbuↄ sↄaaunɛ́,mí Akoo guzulɛ kɛnɛ́ pↄ'ezɛ ũ.Aa ma yãma lá aa mà ń wɛ̃́ndia gↄↄ,gↄↄ pↄ́ aa bↄ̀ Egipi.¹⁸Ma Dii ma mɛ̀:Gↄↄbeezĩ aa omɛɛ ń zã́,aa omɛɛ Baali lↄo.¹⁹Má tã́aↄ tↄbↄ ń lɛ́u,an tↄ́ aↄ dↄńgu lↄo.²⁰Gↄↄ bee má yãdilɛ pↄ́ↄnɛ píi an yã́ musu,sɛ̃̀anↄbↄↄ ń bãↄ ń pↄ́taa'onkuawaↄ.Má sá ń fɛ̃ndao ń zĩo midɛ an bùsuu,mí tó aaↄ ku we dↄdↄa.²¹Má á kɛ ma nↄ ũ e gↄↄpiiɛ,má á kɛ ma nↄ ũ a zɛ́wa súsuɛ,mí wɛ̃nadↄ̃ɛ́ gbɛ̃kɛ guu.²²Má á kɛ ma nↄ ũ ń náaio,íↄ ma dↄ̃ Dii ũ.²³Ma Dii ma mɛ̀:Gↄↄ bee má swãwɛ̃.Má swã́sɛ musu yã́i,musu i swã́sɛ tↄↄlɛ yã́i,²⁴tↄↄlɛ i swã́sɛ pↄ́wɛna ń vɛ̃ɛo ń nísio yã́i,aai swã́sɛ bui pↄ́ má tↄ̃̀ yã́i.²⁵Má ń tↄ̃́ ń bùsuu mazĩa pↄ́ ũ.Bui pↄ́ ma tↄkpàɛ̀ Wɛ́gwaakuopi,má ń wɛgwa.Bui pↄ́ ma tↄkpàɛ̀ Magbɛ̃ↄnopi,má onɛ́ ma gbɛ̃́ↄ,aai omɛɛ ń Lua.

Ozee 2 / bqc_sim

Isailiↄ dɛa Dii nↄ gbãsĩkɛna ũ

Ozee2bqc_sim