Read Ozee 10

Ozee10bqc_sim

Isailiↄ kpala midɛa

¹Isailiↄá vɛ̃ɛli ↄtaaɛ yãa,aaì nɛ'i ńzĩaɛ.Lá an nɛ́piↄ kↄ̃̀,màa an sa'okĩiↄ kↄ̃̀.Lá an bùsu maakũ̀,màa aa zãblè ń gbɛ̀ tã́aↄwa.²Mↄafili ń sↄ̃ pà,an tàae a wi ń musuɛ sa.Dii a ń sa'okĩipiↄ gbooɛ,í ń gbɛ̀ tã́apiↄ wíwi,³aai gbasa mɛ: Wá kía vĩo,kɛ́ wá Dii vĩa vĩo yã́i.Baa tó wá kía vĩ,bↄ́ a fↄ̃ wowɛ̃ɛi?⁴Aaì lɛ́ pãↄ gbɛ̃gbɛ̃,aaì ɛɛↄ tóto,aaì lɛdoũↄ kɛkɛńnↄ,ↄ̃ kↄ̃ káalakɛa ì ligualán sàpaa dafu kàe nɛ́wa.⁵Samalideↄ mɛ a lua Bɛtavɛ̃ gáae yã́i,wa ↄ́ↄlↄɛ̀, a sa'onaↄ i búbuapɛ.A gawi a midɛ,asa wa símá wà taòɛ.⁶Wa sɛ taò Asili bùsuu falu ũ an kía zↄ̃ↄɛɛ.Ɛflaiũ buiↄ gɛɛ a gↄ̃ kpá ń wɛ́i,wí a Isailiↄ kṹ zɛ́ pↄ́ aa sɛ yã́i.⁷Samali bùsu a midɛ,a kía a gɛ̃zɛalán lí miↄna pↄ́ í lɛ́ sɛ́wa.⁸Gulɛsĩ pↄ́ wa bò tã́aↄnɛↄ bãdɛ,asa a dɛ Isailiↄ duuna ũɛ.Lɛↄ ń lá ṹadeↄ fɛlɛ da ń sa'okĩipiↄla,aai o gbɛsiↄnɛ aa lɛ́lɛ simá,aai o sĩ̀sĩↄnɛ aa kúńla.⁹Za gↄↄ pↄ́ Isailiↄ duunakɛ̀ Gibɛa, aa zɛ̀òɛ.Zĩ a yãbɛ̃ɛkɛnapiↄ le Gibɛao lé?¹⁰Gↄↄ pↄ́ má yei, má ń swã́gagaɛ,buipãleↄ i mↄ kãaańzi,aai mↄkamá ń duuna lɛɛ pla yã́i.¹¹Ɛflaiũ buiↄá zununuɛ,wà zĩdàɛ̀, a ye ésegbɛ̃ai.Má zuudanɛ́ ń nↄɛ maaɛ,mí tó aa soona gálɛ.Yudaↄ i sapa,Yakↄbu buiↄ i gudaaĩ.¹²À maa tↄ̃́, í kɛkɛ gbɛ̃kɛ ũ.À kpase kɛ̃ wásawasa,asa Dii kĩ́i wɛɛlɛa gↄↄ kàɛ,e aàↄ mↄ ɛ̀fãaiↄ pisiiwá.¹³A vãi tↄ̃̀ á kɛ̀kɛ yãbɛ̃ɛ ũ,ↄ̃ a blɛ mↄafilidepi blè.Kɛ́ a ázĩa gbãa náaikɛ̀,mɛ́ a zɛ ń á zĩgↄ̃ dasiↄ yã́i,¹⁴wa zĩ̀ zↄadↄwá,wa á wɛ̃́lɛ bĩ́ideↄ dúuzↄ̃,lá kí Samana Bɛtaabɛ kàalɛà nↄɛↄ ń ń nɛ́ↄ wìwi zĩkagↄↄwa.¹⁵Màa wa kɛɛ́ Bɛtɛlideↄ,asa á vãikɛa kɛ̀ zàiɛ.Tó gu dↄ̀, Isailiↄ kía aↄ ku lↄo.

Ozee 10 / bqc_sim

Isailiↄ kpala midɛa

Ozee10bqc_sim