Read Làasoode 3

Làasoode3bqc_sim

Yã́pii ń a gↄↄoɛ

¹Yã́pii ń a gↄↄoɛ,bↄↄlɛ píi ń a kɛgↄↄo.²Nɛ'igↄↄ ku, gagↄↄ ku,pↄ́tↄ̃gↄↄ ku, a wolɛgↄↄ ku.³Dɛgↄↄ ku, gbã́gbãgↄↄ ku,gboogↄↄ ku, a dↄgↄↄ ku.⁴Ɔↄlↄgↄↄ ku, yaalↄgↄↄ ku,wɛ̃nakɛgↄↄ ku, kↄ̃̀ↄ'ogↄↄ ku.⁵Gbɛkↄlɛgↄↄ ku, gbɛkãaagↄↄ ku,bↄ̃̀nↄblegↄↄ ku, a zɛgↄↄ ku.⁶Pↄwɛɛlɛgↄↄ ku, a ↄkpaigↄↄ ku,ↄdidia pↄ́wa gↄↄ ku, a gbaɛa gↄↄ ku.⁷Pↄ́gakɛ̃gↄↄ ku, a namigↄↄ ku,lɛkpaaũgↄↄ ku, yã'ogↄↄ ku.⁸Yenzigↄↄ ku, zangugↄↄ ku,zĩkagↄↄ ku, kálɛa aafia gↄↄ ku.⁹Bↄ́ ài zĩkɛna ì e taasi pↄ́ a kɛ̀wai?¹⁰Ma zĩ pↄ́ Lua dà gbɛ̃nazĩnaↄnɛ aa kɛ è.¹¹Lua tò pↄ́pii maa a gↄↄwa. À kua gↄↄpii làasoo dà gbɛ̃nazĩna sↄ̃u lↄ, kási a fↄ̃ yã́ pↄ́ Lua lɛ́ kɛ za dṹnia daalɛa e a midɛawa gbadↄ̃o.¹²Má dↄ̃ kɛ́ pↄe maa ń gbɛ̃nazĩnao dɛ aà kua pↄna guu ń maakɛao aà wɛ̃ni lɛ́ulao.¹³Tó gbɛ̃́ lɛ́ pↄble, àlɛ imi, àlɛ a zĩ píi sáaukpa, Lua mɛ́ aà gbà.¹⁴Má dↄ̃ kɛ́ yã́ pↄ́ Lua lɛ́ kɛ aↄ ku gↄↄpiiɛ. Wa fↄ̃ pↄe kã́fĩuo, mɛ́ wa fↄ̃ pↄe laouo. Lua kɛ̀ màa, kɛ́ wàↄ a vĩa vĩ yã́iɛ.¹⁵Pↄ́ pↄ́ kú tia ku za zi kↄ̀, mɛ́ pↄ́ pↄ́ aↄ ku zia ku yãa lↄ. Lua ì yã́ pↄ́ kɛ̀ yãaↄ gbɛsisi.¹⁶Ma yã́ è dṹniau lↄ:Gu pↄ́ dɛ yã́zɛde àↄ kuu,yã́zɛsai mɛ́ kú we,mɛ́ gu pↄ́ dɛ yãmaa àↄ kuu,yãvãi mɛ́ kú we.¹⁷Má ò mazĩawa:Lua a yã́kpalɛkɛ ń gbɛ̃maaↄ ń gbɛ̃vãiↄ píi,asa yã́pii ń a gↄↄoɛ,bↄↄlɛ píi ń a kɛgↄↄo.¹⁸Má ò ma sↄ̃ guu lↄ: Gbɛ̃nazĩnaↄ ì kɛ màa, Lua a ń yã́wɛ wɛ̃nɛ́, aai dↄ̃ ńzĩawa wa dɛ lán nↄ̀bↄↄwaɛ.¹⁹Sĩanaɛ, gbɛ̃nazĩnaↄ ń nↄ̀bↄↄ, gó doũ mɛ́ a ń bua. Lá nↄ̀bↄ ì ga, màa gbɛ̃nazĩna ì ga lↄ, an wea doũɛ. Gbɛ̃nazĩna dɛ nↄ̀bↄlao, asa yã́pii pãɛ.²⁰Ampii aaì gɛ́ gudoũ, asa ampii aa bↄ̀ bùsutiuɛ, mɛ́ ampii aa ɛa gↄ̃ bùsutipi ũɛ.²¹Tó gbɛ̃nazĩna nisĩna ì ta musu, nↄ̀bↄ pↄ́ ì ta zĩ́lɛn lò, démɛ dↄ̃i?²²A yã́i tò má è yãe maa ń gbɛ̃nazĩnao dɛ aà a zĩ sáaukpalao, asa aà luakpaman we. Démɛ a to aà dↄ̃ yã́ pↄ́ a mↄ aà kpɛi?

Làasoode 3 / bqc_sim

Yã́pii ń a gↄↄoɛ

Làasoode3bqc_sim