Read 1 Zãa 5

1 Zãa5bqc_sim

Lua Nɛ́ náaikɛa

¹Gbɛ̃́ pↄ́ Yesu náai vĩ Mɛsii ũ, Lua mɛ́ ade ì. Gbɛ̃́ pↄ́ ye dei ye nɛ́iɛ lↄ.²Tó wá ye Luazi mɛ́ wá yã́ pↄ́ a dìlɛↄ kũa, beewa wá dↄ̃ kɛ́ wá ye Lua nɛ́ↄzi.³Asa yea Luazi mɛ́ yã́ pↄ́ a dìlɛↄ kũa ũ.Yã́ pↄ́ a dìlɛpiↄ zĩ'ũ sↄ̃o,⁴asa gbɛ̃́ pↄ́ Lua aà ì ì zĩble dṹniawaɛ. Wá luanaaikɛa mɛ́ ì to wà zĩble dṹniawa.⁵Démɛ ì zĩble dṹniawai? Gbɛ̃́ pↄ́ sì Yesuá Lua Nɛ́ɛ bàasio.⁶Yesu Kilisipi mɛ́ gbɛ̃́ pↄ́ mↄ̀ à da'ilɛkɛ̀, aà au bↄ̀lɛ ũ. I kɛ da'ilɛɛ adoo, à da'ilɛkɛ̀, aà au bↄ̀lɛ lↄ. Lua Nisĩna mɛ́ aà seelade ũ, asa ↄ̃mɛ sĩande ũ.⁷Seelaↄ ku àaↄ̃ɛ:⁸Lua Nisĩna ń ípio ń aupio, mɛ́ an àaↄ̃ píi an yã́ doũɛ.⁹Lá wi gbɛ̃nazĩna seeladekɛ sí, Lua seeladekɛ dɛ beea, asa Lua yã́pi ò a Nɛ́ yã́ musuɛ.¹⁰Gbɛ̃́ pↄ́ Lua Nɛ́ náai vĩ seelapi vĩ a sↄ̃ guu. Gbɛ̃́ pↄ́ i Lua yã́ sio, ade Luapi dìlɛ ɛɛde ũɛ, asa i yã́ pↄ́ Lua ò a Nɛ́ musu sio.¹¹Yã́ pↄ́ a òn kɛ: Lua wá gbá wɛ̃ni láasai, mɛ́ wɛ̃nipi ku aà Nɛ́ kĩ́iɛ.¹²Gbɛ̃́ pↄ́ Lua Nɛ́ vĩ wɛ̃ni láasai vĩ. Gbɛ̃́ pↄ́ Nɛ́pi vĩo wɛ̃nipi vĩo.¹³Ma yã́ beeↄ òɛ́, á gbɛ̃́ pↄ́ álɛ Lua Nɛ́ náaikɛↄ, kɛ́ àↄ dↄ̃ á wɛ̃ni láasai vĩ.¹⁴Lá wá sↄ̃ ìↄ dilɛa Lua aɛn kɛ: Tó wa pↄ́ wabikɛ̀wà lá a yeiwa, ì wá yãmaɛ.¹⁵Lá wá dↄ̃ ì wá wabikɛa ma, wá dↄ̃ kɛ́ wa pↄ́ pↄ́ wa a wabikɛ̀wà è kↄ̀.¹⁶Tó gbɛ̃́ a gbɛ̃́dee è, àlɛ duuna pↄ́ lí ń kaalɛo kɛ, aà wabikɛɛ̀, Lua i aà gba wɛ̃ni. Duuna pↄ́ lí ń kaalɛo má ò. Duuna pↄ́ ì ń kaalɛ kú, i kɛ bee má ò aà a wabikɛo.¹⁷Yãvãikɛa píiá duunaɛ, ãma duuna pↄ́ lí ń kaalɛo ku.¹⁸Wá dↄ̃ kɛ́ gbɛ̃́ pↄ́ Lua aà ì líↄ tɛ duunawao, asa Lua Nɛ́ ì aà dↄ̃́a, Setãu lí fↄ̃ ↄkã̀wào.¹⁹Wá dↄ̃ Lua gbɛ̃́ↄn wá ũ, mɛ́ dṹnia bṹu kú Setãu ↄzĩɛ.²⁰Wá dↄ̃ kɛ́ Lua Nɛ́ mↄ̀, ↄ̃ à wá wɛ́ kɛ̃̀, kɛ́ wà e Sĩande dↄ̃. Wá kú Sĩandepi guu ń aà Nɛ́ Yesu Kilisio. Ɔ̃mɛ Lua sĩandepi ũ. Ɔ̃mɛ wɛ̃ni láasai ũ.²¹Ma nɛ́ↄ, à laaika dii ɛgɛnaↄzi.

1 Zãa 5 / bqc_sim

Lua Nɛ́ náaikɛa

1 Zãa5bqc_sim