LUKA19
1Haŋa hesosoka Yeesu mumukola wa Yeliko, uvane muku kidila muzila ya wowa mukola.2Mu wowa mukola mwene mundu yumo wetaanibwa Zakayo, naiye wene mukulu wababa bakiajya mulambu, na wenange kabobo.3Wevula kumona Yeesu itu ngwayike namuna. Ila kumona wene kapimbi, ndesamuna kumumona Yeesu kukidila bungi bwa bandu.4Kumona beebya, bya yena kumbala kabilo byaka banda haulu hamuti ti wa mumone Yeesu. Manee yivahajya Yeesu wakidile muyee zila. 5Haŋo Yeesu heebufi'a mudedya bua, haya lola heegulu na haya mu sawiila Zakayo ti: «Zakayo, sala bwidibwidi Manee nayananga munyini woobe leelo!»Zakayo wabanda kumuti ti wamone Yeesu6Zakayo haya sala bwidibwidi, haya mu tambula Yeesu na tuseo.7 Bandu booso bemona beebyo, habasomba kuojywa mukuboya ti: «Yee! Wayena kukayakana kukyende kya mundu yidi na bubi!»8Ila, Zakayo haya talu'a busu bwa Yeesu na kumujyongodela ti: «Hee! Vidi-yambi, teejya bangu! Miimi ni gabilanga tusuvi luba lwa mona yaami. Na itu vakenda mundu wooso kindu kukila jyamba, nimuhalushila mala yinaa.» 9Yeesu haya mujyongodela ti: «Leelo kufuuka kwa shweela mukiiki kyendi. Kumona, Yuu naye ngwakilongo kya Abalahamu. 10Kumona Miimi Mwaana wa Mundu vaava kukeba na ufuula baaba babu zizimina.»
Muele wa bavubi basatu
11 Bandu beyidididye kuhudikijya mauya me yakulanga Yeesu. Hetulukeye tonono na kusosoka na mukola wa Yelusalema, bandu haba niijya ti, Butangala bwa Kabejya* ndabukajya mu kyakekye kindi. Kukidila beebyo, Yeesu haya ba teele wuu muele gungi ti:12 «Kuvanange mundu yumu uvanange mu kilongo kya bu kolo. Yowa mundu we yeena mu issi kya ula ti, mukuboya ti bamubajye kauna kabukolo kokwa, ni waaluke kutalukila kisi kyaaye.13 Ila, busu bwaiye kuyena, bya taŋana bandu kumi hamukidi habavubi baayi. Bya baabanyina kila mundu mona yimo kwa yimo na kubasaudila ti: ‹Musunge na yiiyi mona ti yabande, mupaka hambialuka.›14 Ila bandu ba kisi kyaayi bemubenganga. Ni haba yiisha bandu basaule ti: Ndabakivula wabatalukile.15Ila nembebya yowa mundu webajyibwa kauna bya haluka kukisi kyaye. Hehalukeye, hakeaŋa hayaboya bamutaanine baaba bavubi baayi kumi, Kumona uvavula wayuke kila mundu uvafumisha yinga.16Muvubi wabusu bya sosoka nakuboya ti: ‹Vidi-nyambi, yeya mona yiyimo yawenguziila yivabutula yingi kumi.›17Naiye vidi-nyambi waye bya yakula ti: ‹Udimwamulume! Beebe muvubi muleela. Kumona uvanange mutabuki mubindu bisheenene, na kuabila bukolo kwakutebemena mikola kumi.›18Muvubi wakabidi na eyu hayavueya na haya saula ti: ‹vidi yaaulu yiva fuma yingi yitano ku yeya mona yiyimo yauvangwabila.›19vidi naiye byamujyongodela ti: ‹Na beebe nakubajya kauna ka bukolo bwakutebemena mikola yitano.›20Ni muvubi yungi haya vueya na hayaboya ti: ‹vidi-nyambi buula mona yoobe. Mbeyifyamisha bileela mukiba kya ngubu.21 Vanemukukutiina kwa bule, kumona ukiyakananga mwamulume munyumiine. Beebe ukibuulanga bisidi byoobe, na ukiolanga byawashe kuna.›22 Naiye vidi waye bya mujyongodela ti: ‹Beebe ni Muvubi mubimubi! Nakuonesha kukidila kekya kyanyomoka kuusi kwa ludimi lwoobe, uvayuka ti kiyakananga mwamulume munyumine, na ngibuula bindu bisidi byaami, na kungula bindu byambisiva kuna.23Kwa kaayi kaa, nduvabika mona yaami ku banki? Mukualuka kwami, miti mbandi yibanga yavudila!›24Ni yowa vidi haya basawiila baaba babwanangi haŋa ti: ‹Yu muvubi mumukuuzule yeya mona yeedi nayu, mumugabidi yoowa yidi na kumi.›25Naibo haba musaudila ti: ‹Mulangidijyi, miti yuu udi kalekale na falanga kumi!›26Naiye bya bayaka ti: ‹Nabasaudila ti mundu yowa yidi na kindu ni yiiebwanga na kingi. Ila yowa sidi na kindu, nee ngekya kishee kidiye nakyo bimukuzulanga.27Lungi yowa vidi byaboya ti: Balwishi baami, basheevula ti na yakane kolo wabo, Mubavishe haŋa na mubayae busu bwaami.›»28Haŋa heewa Yeesu kuyakula maamo, bya yidididye na luendo lwaaye ku Yelusalemu iye busu bwa bandu.29Hesosokeye tonono mumukola wa Bethfage na wa Bethania, tonono na kituulu kya Mizeituni. Bya yiisha badingisi* baye babidi, byaba jyongodela ti:30«Mwene mumukola udi kumbala yiinu. Hamuyakana mwashwela mumukola, mubanga mwana wa punda muangibwe, na ndeshwala mundu nee yumo. Mumuangule munguvisheleye haŋa.31Itu mundu wamuyuujya ti kwakayi muki muangula, mubasaudile ti: ‹Vidi-nyambi udi naye sungu.›»32Haŋo baba badingisi* beyishibwa haba yena. Hababanga byakebee biva yakula Yeesu.33Haŋa habenange mukuangula yowa mwaana wa punda, beni waye haba ba yujya ti: «Kwakayi mukiangula yowa mwaana wa punda?»34Naibo haba bayaka ti: «Vidi-nyambi ni yidi naye sungu.»35Haŋo habashwala yowa mwana wa punda kudi Yeesu. Kisha haba baza ngubu yabo haulu ha yowa mwana punda, ni haba bajya Yeesu haulu haye.36Haŋa henange Yeesu mukutuluka muluendo, bandu habasikiye kusikibaza ngubu yabo haulu hazila .37Haŋa he tuluka Yeesu tonono na mukola wa Yelusalemu, mukuulumuka kukituulu kya Mizeituni, kiandu kyooso kya badingisi* baye haba yudibwa na mwenye haba somba kushisha Kabejya kwa muuya ukata kukidila bingulungulu byooso byabemona.38Haba yakana mukuyakula ti:«Wafiyudibwe Kolo uvanga kwa zina dya Vidi-nyambi.Nyaa yayakane ku haulu!na Kabejya watumbibwe!» 39Haŋo bamo Mafalisayo benange mu kiandu haba musaudila Yeesu ti: «Mulangidishi, humisha badingisi* boobe!»40Ila Yeesu byaba saudila ti: «Ngiba saudila, itu baaba bauuma, mabu ni mibajya miuya!»41Haŋa hetuluka Yeesu tonono na mukola wa Yelusalemu, hehumoneye, bya udidila.42Haya jyongola ti: «Itu wandiyuka leelo diino mauya makibambana kuvisha nyaa! Ila buune mafyamishibwa busu bwoobe, ndukibambana kumamona.43Kumona mafuku mavanga balwishi boobe, bikunyunganga ti bakulwiishe kiaya. Na haŋa habiyakana bakwilukila mubwiila wakukwizikila tonono nobe ni habikufinga mbanga yooso.44Biku sobasoba beebe kukumo na bandu boobe. Ndaba kukusamina ibu nee dino didi haulu hadingi, kumona nduvayuka kindi kyeva Kabejya kukufuula.»45Haŋa heshwela Yeesu mu lubunga , bya somba kujyanga baba bakisunga.46bya basaudila ti: «Businye bwa Kabejya makisaula biibi: ‹Kyende kyami kiyakananga kyende kyakuajyila Kabejya.› Ila banyu, mwakifululujyaka lumba dya baba bakiyiba !»47Masu mooso Yeesu we langidila bandu munda mwa lubunga*. Ila bakulu baba Mupelo*, na balangidishi ba Buta*, na Batutu bava vula kumuyaisha.48Ila ndabesamuna kumona bandu booso benange muku muteejya zizii.The Seed Company