Tasinɛ15
Ɗajashonɛlapa Gbete i N ti vɔrɔ Nakunɛyɛ
1Kɛɗɔn n zɛ viyukɔnɛ wɔ a konyasi, pɛ̃niba, vibiizaanɛ, Ɗajashonɛlapayi manzii a yukɔnɛ manzii au kunayɛ, shɔgbete ai kunayɛ, aru ikɔyi ɔ̃rɛ vigbeteyi tasi Ɗalapa sisɨn lɛsinɛ dangdang.2Kɛɗɔn n zɛ viwɔ au naa wapo zɛlivini au rãa a yaa, ang zɛ wɔsɔ̃n shɔgbeteyi ɗashaariyi a viɓili au jasuru yuuni, wɔsɔ̃n shɔgbeteyi nii shikɛ ayuu nɔmbayɛ, i ɗɔshinɛ a wapo zɛlivini, i sã hmtaa gbete Ɗalapa ãiyɛ,3i ɗɔ Musa soo tɔ̃nɛ, Ɗalapa jashonɛ a jamɛrɛ̃ɛ̃ sooniː i shanɛ;Uɓeyelapa Ɗalapa shɔ gbete vi tɛu kaka ɓayɛ,vigbete a pɛliyɛ aa vinɔlusinɛni i pɛ̃niba fɛ̃ɛmǃKpati au sã shɔ tipiyi yɛ,a nyaba pɛ tɔ̃vɨn, pɛ nizɛ tɔkɨnǃ4Piyɛ ntaa seti ɓa piya Uɓeyelapa?kɛpiyɛ bɛ̃ɛ̃ a bassinɛ piya?mɔkaa ɔ̃rɛ shɔ wɔsɔ-wɔsɔ sheeli.shɔzɛ koo piti i yɛ aa ɗɔbiitɔi bassaa rɛ,aruviya a vipɛlinɛ tɔ̃vɨn kopiya zɛtɛttɔ piti kpai.>>5A kɨnti vim n zɛrɛ wɛrɛ Ɗa a kolapa ɓelitɛ a tali viɓusinɛ a ɗɔnni.6Kɛɗɔn Ɗajashonɛlpayi maazii ai yukɔnɛ manzii ai ɗɔbii i shɛrɛ a ɓuzɨn wɛrɛ Ɗauni, i tosi fãrã lili ɓolo-ɓolo, ai ma tarimɛɛ ai ɗɔ nɔsisɨnni.7Kɛɗɔn vi gbete atette visuru a Ɗalapa shɛshiyɛ nɛ̃ɛ̃ti ã Ɗajashonɛlapa manziiyi pii tarimɛ̃ɛ̃ au yitɛttɔ lot a Ɗalapa sisɨn lɛsinɛni, au ɔ̃ a suru ni dangdang yɛ.8Kɛɗɔn zɨnri au shɛ aɗɔ gbete shɔ bassi Ɗalapa yɛ au kakani raa wɛrɛ Ɗau kpai. Shɔwɔ ji zɛnɔɔ wɛrɛ Ɗau tonɛ ɓa, see Ɗajashonɛlapayi ai n ti yukɔnɛ manzii yisinya pɛtɔ.The Word for the World International