Yɔhana15
Yesɔ ukɔ ɔ̃rɛ laa inabi nizɛ
1Nkɔ laa inabi nizɛ, maye ukɔ u shɔ ɓanɛ.2Nalaa gbete ji rɛɛ jaa ɓa ang biini ɓa, yɛ koli kati a ɓili, u tɔ̃ri nalaa gbete rɛɛ jaatɔ tɔ̃vɨn, nɔgbete n ɗau rɛɛ jaa kɛ waanɛ.3Ko dɔdɔrimkɔ shɔ sɔɔ ɔ tɛttɔ gboti wasak aru vi gbete n matɔɔmini.4Ɔ ɓasi yuutɔ a nkɔni, nkɔ ma n yɛ ɓasi yuutɔ a ɔkɔni. Nalaa rɛɛ jaa ɓa au yuuni ɓa; setɛ ɓasinɛ a laani. Yɛ ɔ̃ sɔ̃njo nankɔ ɔ yɛ rɛɛ jaa ɓa setɛ ɔ ɔ̃tɛ a nkɔni.5<<Nkɔ ɔ̃rɛ laa inabi, a ɔkɔɔ ɔ̃rɛ nalaa. Shɔ gbete i kɛ ɔ̃nɛ ang bi, nkɔ ma n yɛ ɔ̃ sɔ̃njo ai bi. Ɔ yɛ rɛɛ jaa waanɛ; nkɛ ɔ̃ ɓa ɗɔmɓa ɔ yɛ pɛli viwɔɔ dɔɔɓa.6Shɔ gbete i ji ɔ̃ ɓa a nkɔni ɓa u pɛ naa nalaa gbete shɔ lokirɛ au waatiyɛ; nalaa watiwi shɔ tolirɛ a loki a yaa u shaarɛ.7Ɔ kɛ ɔ̃nɛ ang yɛti, a n ruubii kɛ ɔ̃nɛ awɔ sisɨn, kɛɗɔn vigbete ɔ kasiyɛ kpai ɔ kɛ gakinɛ, ɔ yɛ kpaatɔ.8Maye bassinɛ yɛ tasitɔ awɔ biini naa ɔkɛ rɛɛ jaanɛ waanɛyɛ; a nyabankɔ ɔ yɛ ɔ̃kɛ n jaɗɔɔyi.9Ji nagbete maye ɔrinyɛ, n kɔma n ɔrɔɔ ji nankɔ. ɔ ɔ̃ ji a ɓusɨng ɔrinɛ gbete n pɛlɔɔnkɔ.10Ɔkɛ gɨn n nya-ãsinɛ nɛ, ɔ yɛ ɔ̃ ang tete ɔriyɛ, ji nagbete n gɨn maye nya-ãsinɛyɛ, a n ɔ̃ au ɓuzɨn ɔrinɛ.11<<N gelɔɔ vim aru n binyatɔ̃nɛ u ɔ̃ a ɔkɔɔni, a nɔgbete ɔ binyatɔ̃nɛ u ɔ̃ jo piti kpai.12N nya-ãsinɛ ukɔ ɔ̃rɛ nɛː ɔ ɔrii zɔtɔ, ji nagbete n ɔrɔɔ yɛ.13Ɔrinɛ pẽniba gbete ɔ yɛ tasi mɛsayi yɛ, ukɔ ɔ̃rɛ ɔ ãwɔ suru ai yuu.14Ɔ pɛ masayi naa ɔkɛ pɛli vigbete n ãsɔɔnyanɛ ayuu.15N ji ɓawɔɔ toti nɛ fooyi ni ɓa, aru fooyi i ji zɛ vigbete i shɔwɛrɛ pɛliyɛ ɓa. Ama n ɓawɔɔ nɛ masaayi, aruviya n gelɔɔ vigbete n nta a maye nyayɛ tɛttɔ kpai.16Ɓa ɔkɔɔ ɔ lɔnrɛ ɓa, ama nkɔ lɔɔrɛ n tasɔɔ naa abi ɔ yɛrɛ ɔ rɛɛ jaa waanɛ, zɔng nɔlaa gbete yɛ ɔ̃ dangdang yɛ. kɛɗɔn maye yɛ ãwɔ ko iviya tɔ gbete ɔ kɛ gakinɛ ang nii yɛtɔ.17Shompɛ nya ãsinɛ gbete n ãsɔɔyɛ; ɔ ɔri zɔtɔ.>>Koo yɛ bɛ̃ɛ̃ Yesɔ Jadɔɔyi Tɔ
18<< Naa shɔkɛ bɛ̃ɛ̃ wɔnɛ a koo, ama ɔ kpaa sisɨntɔ i gaa bɛ̃ɛ̃nɛ pɛjo nkɔ.19Naa ɔkɛ ɔ̃nɛ shɔ kootipimiyikɔ, shɔ gbeteyi a kotipi i yɛ ɔrɔɔtɔ aru gbete ɔ pɛyi ɓɛɛ. Ama n lɔɔ ɔpɛ a kootipimkɔ, ɔ ɓa shɔ kootipimkɔ ɓa; Arumkɔ shɔ bɛ̃ɛ̃ wɔ ruubi nɔni.20Ɔ kpaa sisɨntɔ aru gbete n gelɔɔ yɛ ni: <Fooyi i ji tɛɛ ɓɛshɔwɛrɛyi ɓa a banɛni ɓa.>Naa shɔkɛ tasin ranɛ, shɔyɛ tasɔɔ raa sɔ̃njo; shɔ kɛ gɨnn n vimatinɛ ni, shɔ yɛ gɨnn ɔ ɓɛɛtɔ.21Ama i yɛ pɛlɔɔ vimtɔ kpai aru ɔ pɛ mma; aru i ji zɛ shɔgbete shonyɛ ɓa.22N si ji a ɓa a nwarinya ayuu ruuvini pɛlinɛni ɓa; i si ji ã yuu ɓa nɛi shɔ ruuvini ɓa, ama dɔdɔrim i nyaba naraanɛ tɔɓa aru ruuvinini ɓa.23Shɔgbete kɛ bɛ̃ɛ̃n nɛ, bɛ̃ɛ̃ maye sɔ̃ntɛjo.24N si ji pɛli vibii-zaanɛ ɓa ai ɗɔbiini gbete shɔwɔyi i ji pɛlinɛ ɓa shããni ɓa, i ruuvini si ɓa; Ama i zɛ vigbete n pɛlitɛ, i bɛ̃ɛ̃ntɛ a mayeni.25Vim ɔ̃ nankɔ aru u yisinya vi gbete shɔ bee ai nya-ãsinɛ nɛu ɔ̃ nizɛ, n ji pɛli vikɔ̃linɛ wɔɔ ɓa piti shɔmni kpai i bẽẽn ruubitɔ.>>26Shɔ naapɔ̃nɛ yɛ atɔ ukɔ pɛ Suru, gbete yɛ tasɔɔ tɔ̃vɨn aru Ɗalapa yɛ, gbete shɛ a maye ɗɔbii, kɛɗɔn n yɛn shourɛ awɔ ɗɔbii, ukɔ yɛ nwanyarɛ ang yuu.27Ɔkɔɔma ɔ yɛ nwanyatɔ ang yuuni, aru ɔ ɔ̃tɛttɔ a nkɔni au gaanɛ.The Word for the World International