Bulus sẽkoo yɛnɛ shɔ Korinti Yutasinɛ Bulus sẽkoo au pɛsiyɛ yɛnɛ shɔ Koranti,6
1Au vishonɛ a Ɗalapani, u gaki wɔtɔ, ɔ shɔgbete ɔ kpaa Ɗalapa tɔ̃vɨn shonɛnkɔ, ɔkɔɔ yaanɛ u ɔ lɛsi weze.2Ɔ nta vigbete Ɗalapa shayɛ nɛ:<<Ang ɗa tɔ̃vɨn pɛlinɛN weshotɔ awɔ nyani;A lee gbete n ɗa shɔraanɛ a yɛ,n pɔ̃sɔɔnaatɔ.>>Ɔ weshopɛ! Shɔm ɗagbete ɔ kpaa Ɗalapa tɔ̃vɨn shonɛkɔ, nɛm pɛ lee gbete n yɛ raawɔyɛ.3U ji kasi ɓa shɔwɔɔ u kpaa yukɔnɛrɛ au vishonɛni ɓa, aru nankɔ u ji kasi ɓa u ɔ̃ shɔwɔɔ tari dɔkɔnɛ ɓa.4Ama a vigbete u pɛliyɛ kpai u tasitɔ nɛ u pɛ Ɗalapa jawɛrɛyi, a nyaba sisɨnmɛɛnɛ a ɗaa yukɔnɛ, a ɗaa raɓoonɛ, a ɗaa ratasinɛ,5Shɔ wautɛ, shɔ pɔ̃utɛ a jahm, shɔ ntariu nɔrɔ vɔrɔtɛ, u pɛli vishonɛ gbete tɛu kakatɛ, u ji kpaa nɔrɔ roonɛ ɓa ko vishaanɛ shaanɛ ɓa.6Ukɛ ɔ̃nɛ wɔsɔ-wɔsɔ, a vizɛnɛ, a sisɨnmɛɛnɛ, a tɔ̃vɨn pɛlinɛni, u tasitɛ nɛu pɛ Ɗalapa jawɛrɛyi a nyaba Ɗa suru a ɔrinɛ nizɛni,7au nyaba gbete u geli shɔ ruu tɔ̃vɨnyɛ, a Ɗalapa kakani, u tɔ̃vɨn aka nakɨn ni gbete u yɛ waaba a wuniyɛ, gbete aka nagang u raau yuu awuni.8Shɔ basiutɛ, shɔ ãu yusẽtɛ, shɔ dãutɛ, shɔ bɛliu sɔ̃ntɛ, shɔ tuu naa shɔ nyayelinɛyi, a shɔmni kpai u sha ruu tɔ̃vɨntɔ;9naa shɔ ji zɛu nii ɓa, ama shɔ zɛu nii tɛttɔ kpai; naa siu vɔ tɛttɔ ama naa ɔ zɛ yɛ u a suruni. Shɔ tasiu raattɛtɔ ama shɔ ji nyou vɔrɔ ɓa;10ko u a yɛti sisɨn lɛsinɛ, kopiɗaviya u a sisɨn puruni; shɔ zɛu naa shɔraayi ama u pɔ̃ shɔ waanɛ i ɔ̃ shɔvinaayi; shɔ zɛu naa u vi ɓa, a shɔmni u vi aɗɔn piti kpai.11N shɔbii ɔrinɛ Koranti! U nwanyatɛ ɔkɔɔni u ji ɓusɔɔ viwɔɔ ɓa, u ɓelɔɔ sisɨn tɛttɔ kpai.12U tasɔɔ ɔrinɛtɛ a sisɨn; ama ɔ ji tasiu ɔrinɛ ɓɛɛjo ɓa.13N nwanya dɔdɔrim a ɔkɔɔni naa ɔ pɛ majaayiː ɔ tasiu ji ɔrinɛ gbete u tasɔɔyɛ, ɔ ɓelɔɔ sisɨntɔ gbolo-gbolo au biini!
Ɔkɔɔ Ɓasi Yuunɛ a Shɔgbete i ji Ãsisɨn Ɓa a Ɗalapa biini ɓa
14Ɔkɔɔ ɓasi yuunɛ a shɔgbeteyi i ji ã sisɨn ɓa Ɗabiini ɓa, aruviya shɔ tɔ̃vɨn a shɔ kɔ̃linɛni i ɔ̃ ɓa ɗɔgbeteni ɓa. Ko Ɗɔsẽsẽ a ɗɔkɨnrini i ɓasi ɓa a nyazɔni ɓa.15Kirisi a japɛ̃pɛ̃ɛ̃ni i nya yɛ ɔ̃ kati gbete niya? Ivi ɓasi shɔ gbeteyi ãsisɨntɛ a Ɗabii a shɔ gbeteyi i ji ãsisɨn ɓa Ɗabiini ɓa viya?16Ivi ɓasi wɛrɛ Ɗa vi a vigãngkini viya? Aruviya ukɔu ɔ̃rɛ Ɗalapa gbete u suru aɗɔnyɛ wɛrɛ! Ji na gbete Ɗalapa au yuu shayɛ nɛ,<<N yɛn tɔ̃rin wɛrɛ ang shɔbiiyini,n ɔ̃ ayini nyazɔɔ,n yɛn ɔ̃ i Ɗalapa, i yɛ ɔ̃ n shɔbiiyi.>>17Aru nankɔ Uɓeyelapa shanɛ,<<Ɔ̃rɔɔtɛ kaka jazɨng akɔrɔ ɔ yaayi ɗɔbiitɔɔ vawɔ yuutɔ ai tetteni.ɔkɔɔ pɛli vigbete ɓa wɔsɔ-wɔsɔ ɓanɛ,n yɛn tɛwɔ naatɔ.18N yɛn ɔ̃ ɔ ɓeye,ɔ yɛ ɔ̃ sɔ̃njo n javɔshɔ a jasoroyini,Uɓeyelapa shɔ gbete vitɛu kaka ɓa ukɔ sharɛ.>>The Word for the World International