Bulus sẽkoo yɛnɛ shɔ Korinti Yutasinɛ Bulus sẽkoo au pɛsiyɛ yɛnɛ shɔ Koranti,2
1Arumkɔ n pɔ̃ a sisɨn n-tɔ n yɛn awɔ ɗɔbii toti n pɔ̃wɔ sisɨn lɛsinɛrɛ ɓa.2Aru nkɛ pɔ̃wɔ sisɨn lɛsinɛnɛ, kɛpiyɛ pɔ̃rɛ n suru u nta tɔ̃vɨn piya? Ama shɔ gbete n pɔ̃rɛ u sisɨn lɛsiyɛkɔ.3Aruukɔ n beerɔɔ sẽkoowarɛ, n ji kasiɓa n a shɔ gbete tɔ̃tɔ i pɔ̃ng sisɨn puru, i lɛsing sisɨnrɛ ɓa. aruviya n zɛtɛ nkɛ ɔ̃nɛ a ɓuzɨn sisɨn puru ɔkɔɔma ɔ yɛ ɔ̃ ji a ɓuzɨn sisɨn purukɔ.4N beerɔɔ rɛ sin a ɓuzɨn raɓoonɛ a sisɨn hɨmrini, a muruni nɔɔ fɛ̃ɛm, n pɛli nankɔ ɓanɛ ɔ sisɨn u lɛsitɔ ɓa, ama aru u pɔ̃wɔrɛ ɔ zɛ nɔgbete n ɔrɔɔyɛ piti kpai.
A Yaasi Shɔ Gbete Pɛlaa Ruuvinitɔ
5Naa shɔu kɛ pɔ̃ shɔwɔ sisɨn lɛsinɛ nɛ, ji pɛli ɓa nkɔ ɓa ama pɛli jo ɔkɔɔ piti kpai. N sha vim ɓanɛ aru u ɔ̃rɔɔ yukɔnɛ ɓa.6Ayuu jamkɔ ratasinɛ gbete awɔ shɔ gãsiyi i tasiuyɛ teesitɛ nankɔ.7Dɔdɔrim anɔgbete ɔ tasiu raayɛ ɔ yasiu ruuvini ɔ masiubiitɔ, nɔgbete u sisɨn hɨmri yɛ tɛu kaka ɓa.8Arumkɔ n gaki ɔtɔ ɔ tasiunɛ ɔ ɔriutɔ fɛ̃ɛm.9N beerɔɔ sẽkoom aru n ntawɔ sisɨn pɛ, n zɛkɨn ko ɔ bimanɛ a ɗɔnnya, kopiɗaviya ɔ gɨn n nya-ãsinɛ kati ya.10Naa ɔ kɛ yaasi shɔ ruuvini nɛ, aru vigbeteyi pɛliyɛni, n kɔma n yaasiyi ruuvinitɛ jo, aru nkɛ yaasi shɔ ruuvininɛ, kɛ ɔ̃nɛ ɗɔn, naa nkɛ kasi shɔ ruuvini yaasinɛ kpai awɔ yuu n pɛli a Kirisi ɗekɨn,11Aru japɛ̃pɛ̃ɛ̃ ukɔu kpaa kaka gbete yɛ shau kakabiyɛnɛ, aru u zɛ tɛttɔ kopileepiya u ɗɔ gbete kã nyaba nɛu sãu yuuyɛ.Bulus Yuyɔrinɛ a Toruwasi
12Naa n to Toruwasitɛ aru n nwari shɔ ruu tɔ̃vɨn a Kirisi yuu, N kpaarɛ Uɓeyelapa ɓeli nyaba vishonɛtɛ a ɗɔuni.13Ama n yɔriyuu fɛ̃ɛm aru n ji kpaa mazɔ Titus ɓa a ɗɔnni ɓa. Aruukɔ n vasi shɔ nyarɛ, ang tɛɛrɛ yanɛ Makidoniya.Ɗasharinɛ a Ɓuzɨn Kirisi
14N dɔ̃ri Ɗalapatɛ! Au tɛsiu ɗekɨn kopileepiya Ɗashariutɔ a Kirisi kabii naa shɔjahmyi. Ɗalapa pɛli vishonɛ a ukɔni aru u sãti Kirisi ruubii kopiɗɔpiya naa nɔsũrũ au sɛ̃ɛ̃ tɔ̃vɨn shɔ ɓaanɛ tulari.15U pɛ naa tulari au sɛ̃ɛ̃ tɔ̃vɨn gbete Kirisi ã Ɗalapayɛ, ama u shɔ gbete Kirisi raautɛyɛ u sɛ̃ɛ̃ sũrũ-sũrũ n ti suru a shɔ gbeteyi a nyaba vɔnɛyɛ u sɛ̃ɛ̃ kɔ̃linɛ.16A shɔ gbeteyi a nyaba vɔnɛyɛ, sɛ̃ɛ̃m pɛ sɛ̃ɛ vɔrɔ, ama shɔ gbete ai ranaatɛ, sɛ̃ɛm pɛ sɛ̃ɛ gbete n ti sururɛ, pi zɛnɔɔ vishonɛn kɛpiya?17U ɓa naa shɔwɔyi ɓa, shɔ gbeteyi nwari shɔ Ɗanyaruubii aru i kpaa viwɔ a yuuni. Ama aru Ɗalapa shoupɛrɛ, u nwanya a sisɨn gbete au ɗekɨn, naa shɔ gbeteyi sho vishonɛ Ɗalapayɛ.The Word for the World International