Asaqi moosaa oonu maru fasiqana innaaru.
1Aandau nammariara aidifanoo maqee maqee aannanai aannanai qidanoo.Qini maraquna fannoo misa naanna raida maqeemaqee oo Anutu ani aaqa mariranara didimarifaqadaannanai daannanai idara foora maridaqa.2Qini nammariara foora kaqi marira Anutunara dididanoo.Yairee fee qinee oonuree minara innaaru qianaura.3Qini namuqaauqa moomoo kari qiniara yaqoo feeani Anutufa marifanee qiafaqa qinee mina iriseeqa qikiraqaidaqa.Faasaana faqa eendaki faqa qeeqa daiqunu daukunu naidaqa.4Qinee ooqai iafannanara irunanoo qimuqusa mandaikidanoo.Ooqai qinee moomoo fasiqa anaaseeindaarunnikiafanaqa Anutuna amaana maqaki fimariqau.Oonuree faaqa fuisee qida asasida Anutunara dufi dufi qira idiuqa reemariqau.5Nanaree qini daundura kaaqa ummaara raidanoo fee, nanaree qinee kaaqa ummaaraki maridee.Qinee Yaaweenasaa kai irirana mundusee kaifaa mina amooqianaura.Mifa qini asumu maree marifa faqa qini Anutufa faqa maridanoo.6Oo qini Anutu, qinee ummaaraki maridaqa Yooradanna maqa maaqaki faqaQeeramoona aaqanasaa faqaMisaraa aaqanasaa faqa maridaqa aniara irianaura.7Qini ummaara firaafa ooruku nammariara foora mandinoo maridanoo.Mi nammarina qamakaurirafa narisaa narisaa arinoo sandaaqai ooru fidanoo aiai qidaoo.Mifa innaarunaindari oondaindariara foora aakuquminoo maqasaa aqufifanoo firaaqoo aiai qidanoo.Ani mi nammari amakaurirafa qini uridaaqaramafi rafaaqafu qimaqaidanoo.8Faasaana Yaaweefa narí sia taikara amuqusirana aiqainanoo qinisaa qumuani.Miqinaqa eendaki qinee minara dufi dufi qira idi raanaura.Qinee Anutufa qini mariranasaa rakisi marina innaaru qima amaqaanaura.9Anutufa qini itita qimaqee marinara qinee minara maaqi qidaqa.Nanaree anee qini qaunuqiseenanee.Naqifee ifaqee qini namuqaa aupurarana qimi mariafaqee oonuree aniree iqa nidee.10Qini namuqaa qini ataasa ataasa ufa qima qimaqeemariafaqa kuqirafa qusaree marifaqara foora aupuraidaqa.Faasaambaasaana qiniara ani Anutufa yaifee maridanoo fee qidaqa.11Nanaree qini daundura kaaqa ummaara raidanoo fee.Nanaree qinee kaaqa ummaaraki maridee.Qinee Yaaweenasaa kai irirana mundusee kaifaa mina amooqianaura.Mifa qini asumu maree marifa faqa qini Anutufa faqa marinara mina amooqianaura.