SING BLONG SOLOMON2
1Mi ya mi olsem waelflaoa ya nomowe i stap gru long ples ya Saron.Mi olsem narafala waelflaoa ya nomo,we i stap gru long levelpleslong medel blong ol hil.”2Nao man ya i talem se,“Daling,taem yu stap wetem ol narafala woman,yu yu olsem wan gudfala waelflaoawe i stap grulong medel blong rop we i gat nil.”3Nao woman ya i talem se,“Man blong mi,mi mi laekem yu tumas,i winim olgeta narafala man.Taem yu stap wetem ol narafala man,yu yu olsem gudfala tri ya apol*we i stap long medel blong ol narafala tri long bus.Mi mi laekem tumasblong sidaon long sed blong tri ya,mo taem mi kakae frut blong hem,mi harem i swit we i swit.4Yu yu tekem mi mi go long haos yawe yu stap mekem lafet long hem,mo yu stap soemaot i kliawe yu laekem mi tumas.5Yu putum lef han blong yuaninit long hed blong mi,mo yu stap holeholem milong raet han blong yu.Oltaem mi wantem yu tumas,nao mi kam slak olgeta from.Plis yu givim drae grep long mi,blong mi kakae,mi strong bakegen,mo yu givim apol long mi,blong mi kakae, mi harem gud.”7Nao man ya i talem long ol woman ya se,“Ol woman Jerusalem,plis yufala i mekem wan strong promes long milong nem blong anamol ya dia*mo gudfala anamol ya gasel,*se bambae yufala i no save spolem mitufalataem mitufala i stap wanples. ”8Nao woman i talem se,“Mi stap harem voes blong man blong mi.Hem i stap resis antap long ol hili stap kam,hem i stap krosem ol hil,blong spid i kam long mi.9Hem i save ron kwik tumasolsem gudfala anamol ya gasel.*Hem i save spidolsem wan smol man dia.Hem i stap stanap afsaed long wol blong haos,i stap lukluk i kamtru long windo,i stap lukluk i kam insaed.10Hem i stap toktok wetem mi.”Nao man ya i talem se,“!Ale, daling yu girap!Yu yu naes we yu naes,yu kam afsaed, yumitufala i go.11Koltaem i finis nao.Rentaem i finis finis.12Naoia, long bus,ol waelflaoa oli stap kamkamaot.Naoia i taemblong ol pijin oli stapsingsingaot, mo long bus,mi harem ol sotleg* oli stap krae.13Naoia ol figtri* oli stap karem kakae,mo ol rop ya grep* oli stap karem flaoawe i mekem ples i smel gud tumas.!Daling yu girap!Yu yu naes we yu naes,yu kam afsaed, yumitufala i go.14Yu yu stap haedolsem wan sotleg we i fraet,i stap haed long hol blong ston.Plis,mi wantem harem voes blong yu,we i gud we i gud.Mo mi wantem luk fes blong yu,we i naes we i naes.”15Nao man ya i talem long ol woman ya se,“Plis yufala i go ronem ol wael dog ya,yufala i holem olgeta.I nogud oli spolem plantesen blong mitufala.Ol grep long plantesen ya oli karem flaoa finis.”16Nao woman ya i talem se,“Daling, mi mi laekem yu tumas.Yu yu blong mi, mo mi mi blong yu.Yu yu stap lidim ol sipsip blong yu,oli pas long ples blong waelflaoablong oli tekem kakae,17mo oli stap long ples yagogo kasem we kol win blong moning i blu i kammo tudak i lus, delaet i kamtru.Daling,plis yu kambak kwikolsem anamol ya gasel,yu spid olsem smol man dia blong hilblong ples ya Beta.
Bible Society of the South Pacific