OL SAM90
1Masta. I stat bifo olgeta kam kasem tede,oltaem,yu yu olsem hom blong mifala.2Bifo,taem we yu no mekem ol hil ya yet,long taem ya we yu no wokem wol ya nating yet,be yu yu stap fastaem finis.Yu yu God we yu stap we yu stap,mo bambae yu save stap oltaem,gogo i no save finis.3Fastaem yu tekem graon,yu mekem mifala long hem,mo oltaem yu stap mekem mifalai gobak long graon bakegen.Yu stap talem se,“Ol man long wol,yufala i mas gobak long graon.”4Long yu,wan taosen yia i olsem wan dei nomo,i olsem yestedei we i pas finis,i olsem wan aoa nomo long naet,we i pas kwiktaem nomo.5Yu yu stap tekemaot mifala,olsem wota we i ron bigwan,we i brumumaot ol samting.Mifala i no save stap longtaem,mifala i olsem drim nomo.Mifala i olsem gras we i stap gru olbaot.6Long moning, hem i karem flaoa,be long sapa, flaoa ya i drae,i foldaon.7Yu yu kros,nao yu spolem mifala.Yu yu kros tumas long mifala,nao mifala i fraet we i fraet nogud.8Yu stap mekemwe ol sin blong mifala i kamaot klia long fes blong yu,yu stap luk ol rabis fasin yawe mifala i stap mekem long haed nomo.9Yu yu kros,nao yu stap katemlaef blong mifala i kam sotfala.Mifala i stap lus,olsem win we i godaon, i finis.10Yia blong mifala i save kasem seventi nomo,no sipos bodi blong mifala i stap strong oltaem,mifala i save kasem eiti,be oltaem mifala i stap kasem trabol,mifala i stap harem nogud nomo.Laef blong mifala i save finis kwiktaem nomo,nao mifala i go lus olgeta.11I no gat man samtaemwe i kasem fulpaoa blong kros blong yu.I no gat man yetwe i savegud fasin blong yu blong kros,nao i fraet gud long yu from.12Plis yu mekem mifala i savewe laef blong mifala i sotfala nomo,blong mifala i save kam waes.13Hae God.?Bambae yu yu stap kros long mifalagogo kasem wetaem?Mifala i man blong wok blong yu,plis yu sore long mifala.14Plis yu mekemwe evri moning, mifala i savegudwe oltaem yu yu lavem mifala tumas,nao bambae mifala i save singsing,mifala i save glad oltaem long laef blong mifala.15Long ol yia we i pas finis,yu yu stap mekem mifala i harem nogud tumas.Plis naoia,yu mekem mifala i harem gud,stret long mak we bifoyu bin mekem mifala i harem nogud.16Mifala i man blong wok blong yu.Plis yu letem mifala i lukol bigbigfala wok blong yu,mo yu letem olgetawe bambae oli stap kamaot biaen long mifalaoli luk bigfala paoa blong yu.17God,yu yu Masta* blong mifala.Plis yu givim ol gudgudfala samting blong yu long mifala,mo yu mekem we bambae mifala i stap win oltaemlong olgeta samting we mifala i stap mekem.
Bible Society of the South Pacific