OL SAM86
1Hae God.Mi mi no strong, mi no gat paoa.Plis yu harem krae blong mi,yu ansa long mi.2Mi mi man blong wok blong yu,mi trastem yu.Oltaem tingting blong mi i stap strong long yu.Plis yu sevem mi,yu no letem mi mi ded.3Yu yu God blong mi,plis yu sore long mi.Oltaem, mi mi stap prea long yu,i stat long moning go kasem long sapa.4Masta ,mi mi man blong wok blong yu.Mi stap prea i go long yu nomo.Plis yu mekem mi mi glad.5Yu yu gud tumas long mifala,mo yu stap fogivim mifala,yu stap tekemaot ol sin blong mifala.Ol man we oli stap mekem prea long yu,oltaem yu yu lavem olgeta tumas.6Hae God,mi stap krae blong yu givhan long mi.Plis yu lesin long prea blong mi,mo yu ansa long mi.7Oltaem, taem mi mi stap long trabol,mi stap singaot long yu,from we mi savese yu yu stap ansa long ol prea blong mi.8Masta,i no gat narafala god we i olsem yu.I no gat wan i stapwe i stap mekem ol gudgudfala wokolsem we yu yu bin mekem.9Ol man blong olgeta kantri,yu yu bin mekem olgeta,mo bambae oli kam,oli bodaon long yu,oli presem hae nem blong yu.10Yu nomo yu God.Yu yu gat paoa,mo yu stap mekem ol bigbigfala samting.11Hae God,plis yu tijim mi long ol samtingwe yu wantem blong mi mi mekem,nao bambae mi obei long yu,mi holem trutok blong yu.Yu mekem we mi bambae mi wantem tumasblong mekem ol wok blong yu nomo.12God, yu yu Masta* blong mi.Bambae mi stap presem yulong olgeta tingting blong mi,bambae mi stap leftemap hae nem blong yu oltaem,gogo i no save finis.13Oltaem yu yu lavem mi tumas.Fasin ya blong yu i gud we i gud.Yu yu bin sevem mi blong mi no go long beregraon.14God,ol praod man oli kam oli agens long mi.Wan grup blong ol man nogudoli stap traem blong kilim mi.Olgeta ya,neva oli save lesin long yu.15Be Masta , yu yu God.Fasin blong yu,oltaem yu yu gat sore long man,mo yu lavem hem tumas.Oltaem yu stap mekem tingting blong yu i longfala,mo yu yu kaen tumas,oltaem yu stap holem ol promes blong yu.16Plis yu lukluk i kam long mi,yu sore long mi, yu sevem mi,mo yu mekem mi mi strong,from we mi mi stap wok blong yu,olsem we mama blong mi i stap mekem bifo.17Hae God,plis yu soemaot long miwe fasin blong yu i gud tumas,nao taem olgeta we oli no laekem mi natingoli luk we yu yu stap givhan long mi,yu stap leftemap tingting blong mi,bambae olgeta oli sem.
Bible Society of the South Pacific