OL SAM77
1Long laef blong mi,mi mi stap krae bigwan long God.Mi mi krae we mi krae,mo hem i harem mi.2Taem trabol i kasem mi,mi mi prea long Masta blong yumi.I stat long sapa,go kasem long moning,mi stap leftemap han blong mi,mi prea,be tingting blong mi i no kam gud.3Nao taem mi tingbaot God,mi pulum win blong mi from.Oltaem, taem mi tingting long hem,be tingting blong mi i stap foldaon.4Hem i mekem mi mi no save slip,mi stap wekap gogo kasem delaet,nao mi wari tumas, mi no save toktok.5Mi stap ting long ol deiwe i pas finis,mo mi stap tingbaot ol yiawe i pas longtaem finis.6Long naet,mi stap tingting we mi tingting tumas,mi stap tingting longtaemlong ol samting ya,nao mi stap tingting se,7“?Naoia i olsem wanem??Bambae Masta* blong mifala i tanem baksaed long mifalagogo i no save finis??Bambae hem i no moa save gladlong mifala bakegen?8?Olsem wanem??Hem i lego mifala finis??Ating hem i no moa lavem mifala?Mi luk se promes blong hemi no moa stanap nao.9Hem i fogetem mifala finis.Naoia hem i no moa sore long mifala.Bifo hem i kaen long mifala,be naoia i kros long mifala bakegen.”10Nao mi tingting bakegen se,“No, be ol tingting ya i minse God i hae we i hae,be i no moa gat paoa nao.!Samting ya naoi spolem tingting blong mi moa!”11Hae God.Bambae mi mi stap tingbaotol bigbigfala wok blong yu,mo ol merikel ya we yu yu mekem bifo.12Bambae mi stap tingting gudlong olgeta bigbigfala wok ya blong yu.13God,fasin blong yu i klin olgeta,i tabu,i no gat narafala god i stapwe i hae olsem yu.14Yu yu God blong wokem merikel.Yu yu soemaot paoa blong yu finislong medel blong olgeta man.15Long paoa blong yu,yu sevem ol laen* ya blong Jekob* mo ol laen blong Josef,we olgeta oli man blong yu,yu mekem olgeta oli stap gud.16God,taem solwota i luk yu, hem i fraet,mo dipsi ya i fraet, i seksek.17Bigfala klaod blong ren i kamnao i ren bigwan.Tanda i faerap long skae,mo laetning i kamaot long olgeta ples.18Yu yu mekem tanda ya i faerap bigwan,mo yu mekem laetning ya i laet long olgeta ples long wol,nao graon i fraet, i seksek.19Yu yu wokbaot long medel blong ol wef,yu gokros long dip solwota go kasem narasaed,be man i no save luk trak blong yu.20Yu yu putum ol man blong yulong han blong Moses mo Eron,nao yu stap lidim olgetaolsem we man blong lukaot long sipsipi stap lidim ol sipsip blong hem.
Bible Society of the South Pacific