OL SAM45
1Taem mi stap wokem sing ya blong king,tingting blong mi i fulap long ol gudgudfala tok.Tang blong mi i rere nomo blong mekem wan sing,olsem we pen blong man we i waes blong raeti rere blong raet.2King,yu yu naes moa,yu winim olgeta man,mo yu wan gudfala man blong tok.Oltaem God i stap blesem yu.3Yu yu strong man blong faet.Yu yu gat ol gudgudfala samting,mo yu hae we yu hae.Yu mas tekem naef blong faet blong yu,yu hangem long saed blong yu,4mo yu raed long hos blong yu,yu go long paoa blong yublong yu winim ol enemi blong yu.Yu mas faet from fasin yawe man i gat sore long narafala manmo from trutok mo stret fasin,blong ol fasin ya oli save stanap oltaem.Paoa blong yu bambae i mekem yu yu winwe yu win bigwan.5Ol ara blong yu oli sap,bambae oli stikim bodi blong ol enemi blong yu,go kasem hat blong olgeta.Ol man blong narafala kantribambae oli foldaon long leg blong yublong ona long yu.6Paoa we God i givim long yublong yu yu king,bambae i stap oltaem nomo,i no save finis. Yu yu stap rulum ol man blong yulong stret fasin.7Yu yu laekem ol fasin we i stret,be ol fasin we i nogudyu agens long olgeta.Nao from samting ya,God, we i God blong yu,hem i jusumaot yu finis,mo i mekem yu yu glad moa,i winim we i mekem long ol narafala king.8Tufala senta ya, mir* mo alos,*oli stap putum long klos blong yu.Yu yu stap long ol gudfala haos blong yuwe oli flasem long tut blong elefen,mo ol man blong stringban oli stapplei blong mekem yu yu glad.9Long haos blong yu ol woman oli stapwe samfala oli dota blong ol king,mo kwin i stap stanaplong raet saed blong jea blong yu.Hem i putum ol flas samtingwe oli wokem long gol we i beswan.10Yu we tede yu mared long king,yu lesin long samting we bambae mi talem.Yu mas fogetem ol man ples blong yumo ol famle blong yu.11Bambae king i wantem yu tumas,from we yu yu naes we yu naes.Hem i masta blong yu,mo yu mas ona long hem.12Ol man Taea bambae oli tekem olpresen i kam long yu,mo ol rijman bambae oli traemblong mekem yu yu glad long olgeta.13Gel ya we bambae i mared long king,hem i naes we i naes.Hem i werem klos blong hemwe oli wokem long gol tred,mo we i gat plante kala long hem.Nao hem i wokbaot i go insaed long haos blong king,mo oli tekem hem i go long king,we ol gel blong folem hem longmared oli biaen long hem.15Olgeta ya oli go insaed long haos blong king,we oli glad we oli glad.16King,ol pikinini blong yuwetem olgeta we bambae oli kamaot biaen long olgeta,bambae olgeta tu oli kingolsem ol bubu blong yu bifo.Mo bambae yu mekem olgeta oli rullong olgeta ples long wol.17Sing ya blong mibambae i holem nem blong yu,i stap oltaem nomo.Mo olgeta manbambae oli stap presem nem blong yu,gogo i no save finis.
Bible Society of the South Pacific