OL SAM20
1King.Hae God i God blong Jekob,*mo hem i God blong yu.Hem i stap long ples blong hemlong tabu hil* ya Saeon.*Prea blong mise sipos yu stap long trabol,hem bambae i harem krae blong yu,hem bambae i lukaot gud long yu, i sevem yu,mo bambae i givhan long yu, i kam halpem yu.3Prea blong miwe hem bambae i no fogetem olgeta presen yawe yu yu givim long hem,hem bambae i glad long ol sakrefaes yawe yu bonem blong mekem wosip long hem.4Prea blong miwe hem bambae i givim olgeta samting long yuwe yu yu wantem,mo hem bambae i mekem yu yu winlong olgeta plan blong yu.5Nao bambae mifala i stap singaot bigwanfrom we mifala i glad we yu yu win.Bambae mifala i mekem lafet from samting ya,bambae mifala i stap presem God blong yumi from.Prea blong miwe Hae God bambae i mekem olgeta samting yawe yu yu stap askem long hem.6Hae God i jusumaot king blong yumi,mo hem i putumap hem,mo naoia mi mi savewe hem bambae i givhan long hem,i mekem hem i win.Hae God i stap long tabu ples blong hem long heven,mo bambae hem i harem prea blong king ya,i givhan long hem.Long paoa blong hem,hem bambae i stap mekem hem i win bigwan.7Sam man oli stap trastemol kat blong faet blong olgeta,mo sam oli stap trastemol hos blong olgeta,be yumi,Hae God i God blong yumimo yumi trastem paoa blong hem.8Ol narafala man ya,bambae oli stambol,oli foldaon,be yumi,bambae yumi stanap strongwe yumi no save muf.9Hae God.Plis yu givhan long king ya,yu mekem hem i win.Taem mifala i singaot i kam long yu,plis yu harem mifala.
Bible Society of the South Pacific