OL SAM118
1Olgeta.Yumi talem tangkiu long Hae God,from we hem i gud tumas.Oltaem bambae hem i lavem yumi,gogo i no save finis.2Yumi ol laen* blong Isrel,*yumi talem se,“Oltaem bambae hem i lavem yumi,gogo i no save finis”3Yufala ol pris* blong hem,yufala i talem se,“Oltaem bambae hem i lavem yumi,gogo i no save finis.”4Yumi evriwan we yumi stap mekem wosip long hem,yumi talem se,“Oltaem bambae hem i lavem yumi,gogo i no save finis.”5Taem mi mi stap long trabol,mi krae i go long hem,mo hem i harem krae blong mi,i mekem mi mi fri.6Oltaem hem i stap wetem mi,nao bambae mi mi no save fraet.Man i no save mekem wan samtingblong spolem mi.7Hae God nomo i stap givhan long mi.Mi mi savegudwe hem bambae i winim ol enemi blong mi.8I nogud we man i putum tingting blong hemlong man nomo,i moa gud hem i trastem Hae God.9I nogud we man i putum tingting blong hemlong ol lida we oli man nomo,i moa gud hem i trastem Hae God.10Ol man blong ol narafala kantrioli kam plante raonabaot long mi,be mi mi flatemgud olgetalong paoa blong hem.11Oli kam plante raonabaot long miwe oli plante we plante,be mi mi flatemgud olgetalong paoa blong hem.12Oli kam hivap raon long miolsem ol sugabag,*be mi mi flatemgud olgetalong paoa blong hem.Olgeta oli finis kwiktaem nomo,olsem we faea i bonem waetgras.13Olgeta oli strong tumas,mo oli kam faet long miwe klosap oli winim mi,be hem i givhan long mi.14Hem i stap givim paoa long mi,i stap mekem mi mi strong.Hem nao i stap sevem mi.15Mifala ol man blong Hae God,mifala i stap long ol haos tapolen blong mifala.Mifala i win finis,mo mifala i glad tumas from,nao mifala i stap singsingaot se,“Hae God i gat bigfala paoa,mo hem i mekem mifala i win.16Hem i mekem samting yalong paoa blong hem.!Paoa blong hem i strong tumas long faet!”17Bambae mi no save ded,bambae mi stap,mi talemaot ol samtingwe Hae God i mekem.18Hem i panisim mi we i meksave mi,be hem i no letem mi mi ded.19Plis yufala i openem ol doa blong yadblong haos* blong Hae God long mi,nao bambae mi go insaed,mi talem tangkiu long hem.20Hemia ol doa blong Hae God ya.Ol stret man nomo oli save kam insaed long hem.21Hae God.Oltaem mi mi presem yu,from we yu yu harem mi,yu mekem mi mi win.22Olgeta.Pos ya we ol man blong wokem haos oli sakem finis,naoia hem i kam nambawan pos blong haos.23Samting ya, Hae God i mekem,mo yumi luk we i gud tumas.24Dei ya,hem i dei we hem i win long hem,i gud yumi glad,yumi mekem lafet.25Hae God.Plis yu sevem mifala.Plis yu mekem mifala i win.26Olgeta.Mifala i stap long haos blong Hae God,mo prea blong mifalawe hem bambae i blesem man yawe i kam long nem blong hem,mo we bambae i blesem yufala.27Hae God, hem nao i God,mo hem i mekem laet blong hemi saenaot i kam long yumi.Yufala i kam mekem wosip,yufala i holem ol han blong tri,yufala i maj i goraon long olta.28Hae God.Yu yu God blong mi,oltaem bambae mi talem tangkiu long yu,oltaem bambae mi talemaot hae nem blong yu.29Olgeta.Yumi talem tangkiu long Hae Godfrom we hem i gud tumas.Oltaem bambae hem i lavem yumi,gogo i no save finis.
Bible Society of the South Pacific