OL SAM101
1Hae God.Sing ya blong mi i blong tokbaot fasin yawe mi wantem holem ol promes we mi mekem wetem yu,mo we mi wantem jajem ol man long stret fasin.Bambae mi sing long hemblong presem yu.2Mi wantemse bambae mi stap folem rodwe i stret olgeta.Mi mi wantem tumas,se bambae yu kam stap wetem mi.Long haos blong mi,bambae mi stap folem ol fasinwe i klin gud long fes blong yu,3neva bambae mi letem rabis fasini kam spolem mi.Mi mi no laekem natingwok blong olgeta ya we oli gowe long yu,mo bambae mi no save go joen wetem olgeta.4Bambae mi no save mekem ol giaman fasinmo bambae mi no save go joen wetem ol man nogud.5Man we i stap tok smosmolblong spolem nem blong narafala man,bambae mi sakemaot hem.Mo man we i stap praod,no we i stap tok flas,bambae mi no save letem hem i stap.6Be olgeta we tingting blong olgetai stap strong long yu,bambae mi tekem olgetaoli kam stap wetem mi.Olgeta we fasin blong olgeta i stret gud,bambae mi letem olgeta oli wok blong mi.7Man we i stap wokem trikbambae i no save stap long haos blong mi,mo man we i stap giamanbambae i no save stap wetem mi.8Hae God.Evri dei bambae mi stap spolem ol man nogudlong kantri blong mifala.Bambae mi stap sakemaot olgeta manwe oli stap mekem i no stret,oli gowe long taon blong yu.
Bible Society of the South Pacific