NAMBA34
1Nao Hae God i givim tok blong hem long Moses2blong i go talemaot long ol laen* blong Isrel.* Hem i talem se, “Taem yufala i go insaed long kantri ya Kenan,* mak blong kantri ya bambae i olsem.3Long saed i go long saot, mak blong hem bambae i stat long Ded Si,* long saed blong hem long saotis, long draeples ya Jin, nao i ron i folem mak blong graon blong ol man Edom, long saed blong hem long wes.4Bambae mak ya i ron i go long saot go kasem ples ya we rod i gotru long ol hil long ples ya Akrabim, nao i ron i gotru long draeples ya gogo kasem ples ya Kadesbanea. Nao long ples ya, bambae i tanem i go long not lelebet, i go long ples ya Hajarada, nao i ron i go long ples ya Asmon.5Nao long ples ya, bambae i tanem i go long bigfala krik ya we i mak blong graon blong ol man Ijip, nao i folem krik ya go kasem Mediterenian Si.6“Mo long saed i go long wes, mak ya bambae i stat long krik ya long saot, i folem Mediterenian Si, i ron i go kasem saed blong hil ya Horo long not.7“Mo long saed i go long not, mak ya bambae i stat long solwota, i pas long hil ya Horo,8nao i ron i go long is, i go long ples ya we rod i pastru long ol hil, long Hamat, nao i go long ples ya Jedad,9nao i go long ples ya Sifron, mo i go finis long Hajarenan.10“Mo long saed i go long is, mak ya bambae i stat long Hajarenan, i ron i go long saot, i go long ples ya Sefam,11nao bambae i go moa, i go long ples ya Habel, long narasaed ples ya Aen long is, nao bambae i go long ples blong hil long saed blong Lugun ya Galili* long is.12Nao bambae i folem saed blong Jodan Reva long is, i ron i go long saot, i go kasem Ded Si bakegen, nao i folem Ded Si ya long saed i go long is, go kasem stat blong hem bakegen.
“Hemia nao mak blong kantri ya blong yufala.”13Nao Moses i go talemaot ol tok ya, mo i talem se, “Hae God i makemaot graon ya finis se i blong ol naen laen ya blong yufala, wetem haf ya blong ol laen blong Manase.* Bambae yufala i mas sakem ol spesel ston* blong faenemaot se wanem laen bambae i kasem wanem graon.14Ol laen blong Ruben* wetem ol laen blong Gad,* mo narafala haf ya blong ol laen blong Manase oli kasem graon blong olgeta finis,15long ples ya we yumi stap long hem, we taon ya Jeriko i stap narasaed reva ya i go, mo oli seraot ol graon ya finis, folem ol famle blong olgeta.”16Nao Hae God i talem long Moses se,17“Hae Pris Eleasara wetem Josua we papa blong hem Nun, tufala bambae i seraot ol graon ya i go long ol man.18Mo bambae i mas gat ol lida blong ol laen* ya blong yufala wanwan, blong oli givhan long tufala.19Nem blong ol lida ya bambae i olsem.
“Lida blong ol laen blong Juda,* Keleb we papa blong hem Jefune.20“Mo lida blong ol laen blong Simeon,* Selumiel we papa blong hem Amihud.21“Mo lida blong ol laen blong Benjamin,* Elidad we papa blong hem Kislon.22“Mo lida blong ol laen blong Dan,* Buki we papa blong hem Jogli.23“Mo lida blong ol laen blong Manase,* Haniel we papa blong hem Efod.24“Mo lida blong ol laen blong Efrem,* Kemuel we papa blong hem Siftan.25“Mo lida blong ol laen blong Sebulun,* Elijafan we papa blong hem Panak.26“Mo lida blong ol laen blong Isakara,* Paltiel we papa blong hem Asan.27“Mo lida blong ol laen blong Asere,* Ahihud we papa blong hem Selomi.28“Mo lida blong ol laen blong Naftali,* Pedahel we papa blong hem Amihud.”29Hemia nao ol man we Hae God i jusumaot olgeta blong oli seraot ol graon ya long Kenan* i go long olgeta.
“Hemia nao mak blong kantri ya blong yufala.”13Nao Moses i go talemaot ol tok ya, mo i talem se, “Hae God i makemaot graon ya finis se i blong ol naen laen ya blong yufala, wetem haf ya blong ol laen blong Manase.* Bambae yufala i mas sakem ol spesel ston* blong faenemaot se wanem laen bambae i kasem wanem graon.14Ol laen blong Ruben* wetem ol laen blong Gad,* mo narafala haf ya blong ol laen blong Manase oli kasem graon blong olgeta finis,15long ples ya we yumi stap long hem, we taon ya Jeriko i stap narasaed reva ya i go, mo oli seraot ol graon ya finis, folem ol famle blong olgeta.”16Nao Hae God i talem long Moses se,17“Hae Pris Eleasara wetem Josua we papa blong hem Nun, tufala bambae i seraot ol graon ya i go long ol man.18Mo bambae i mas gat ol lida blong ol laen* ya blong yufala wanwan, blong oli givhan long tufala.19Nem blong ol lida ya bambae i olsem.
“Lida blong ol laen blong Juda,* Keleb we papa blong hem Jefune.20“Mo lida blong ol laen blong Simeon,* Selumiel we papa blong hem Amihud.21“Mo lida blong ol laen blong Benjamin,* Elidad we papa blong hem Kislon.22“Mo lida blong ol laen blong Dan,* Buki we papa blong hem Jogli.23“Mo lida blong ol laen blong Manase,* Haniel we papa blong hem Efod.24“Mo lida blong ol laen blong Efrem,* Kemuel we papa blong hem Siftan.25“Mo lida blong ol laen blong Sebulun,* Elijafan we papa blong hem Panak.26“Mo lida blong ol laen blong Isakara,* Paltiel we papa blong hem Asan.27“Mo lida blong ol laen blong Asere,* Ahihud we papa blong hem Selomi.28“Mo lida blong ol laen blong Naftali,* Pedahel we papa blong hem Amihud.”29Hemia nao ol man we Hae God i jusumaot olgeta blong oli seraot ol graon ya long Kenan* i go long olgeta.
Bible Society of the South Pacific