OL KRAE2
1Hae God i kros tumas,nao i kavremap taon ya Jerusalem* long tudak.Fastaem, hem i mekem taon yai gudfala tumas,be long dei ya we hem i kros,hem nomo i spolemgud taon ya bakegen,mo hem i no moa tingbaot haos* blong hem.2Ol vilej ya long Juda,*Masta* blong yumii no sore long olgeta nating,hem i spolem olgeta evriwan.Hem i brekemdaon ol taonwe oli strong ples blong haed blong yumi,nao yumi wetem ol king blong yumi,hem i mekem yumi evriwan i sem tumas.3Yumi ol laen* blong Isrel,*be hem i kros tumas long yumi,nao i flatemgud paoa blong yumi.Taem ol enemi oli kam,hem i no wantem givhan long yumi.Hem i faerap long yumi,i spolemgud yumi olsem faeawe i kakae evri samting.4Hem i makem yumi long ol ara blong hemmo i stap sutum yumi,olsem we hem i enemi blong yumi.Olgeta we oli stap mekem yumi harem gud,yumi glad,hem i kilim olgeta evriwan oli ded.Long ples ya long Jerusalem,kros blong hem i kasem yumiolsem we faea i kakae yumi.5Masta ya blong yumihem i kam olsem wan enemi blong yumiwe i spolemgud yumi.Hem i spolemgud ol taon blong yumiwe oli strong ples blong haed,mo hem i spolemgud ol haos blong king blong yumi.Yumi ol laen blong Isrelwe yumi kamaot biaen long olfala Juda,be hem i mekem we yumi harem nogud,yumi krae we yumi krae.6Hem i smasemgud haos blong hem,we yumi stap wosipim hem long hem.Mo hem i mekem we yumi no moa tingbaotol tabu dei mo ol Sabat* dei,we yumi stap holem long Saeon.*Ol king mo ol pris blong yumi,be hem i panisim olgeta evriwan tu,from we hem i kros tumas long olgeta.7Masta blong yumi,hem i tanem baksaedlong olta blong hem,mo hem i gowe finislong haos ya we i tabu, i blong hem.Hem i letem ol enemi oli kam pulumdaonol stonwol blong haos ya.Ples ya we bifo yumi stap glad,yumi stap mekem wosip long hem,be ol enemi oli kam long hem,mo oli stap singsingaot bigwan,from we olgeta oli win.8Hae God i gat strong tingtingse ol stonwol blong taon ya Jerusalemoli mas folfoldaon.Hem i makemgud ol stonwol yablong soemaot we hem bambae i spolemgud olgeta.Naoia ol wajhaos* mo ol stonwol blong taon ya,olgeta evriwan oli foldaon finis.9Mo ol doa blong hem,ol enemi oli brebrekem ol lok blong olgeta,nao oli folfoldaon,graon i berem olgeta.Naoia king blong kantri yawetem ol haeman blong hemoli go wok slef* long narafala kantri.Naoia, ol tija blong Loa* blong Godoli no moa tijim ol man,mo Hae God i no moa soem ol vison*long ol profet blong ples ya.10Ol ololfala blong Jerusalemoli harem nogud,nao oli werem ol rabis klos,mo oli putum asis long hed blong olgetaoli go sidaon long graon, oli stap kwaet nomo.Mo ol yang gel tu oli harem nogudoli bodaon we hed blong olgetai go kasem graon.11Mi mi harem nogud tumas,nao mi krae we mi krae,gogo ae blong mi i soa from,mo tingting blong mi i kam nogud olgeta.Ol enemi oli kilim ol man ples blong mi oli ded,nao ol pikinini wetem ol bebioli stap olbaot nomo long ol rod long taon yawe oli hafded.Mi mi sore tumas long olgeta,nao mi stap krae from olgetagogo mi slak we mi slak olgeta.12Ol pikinini ya oli stap kraelong ol mama blong olgeta,oli stap talem se,“!Mi mi hanggri! !Mi mi tosta!”Oli stap folfoldaon long rodolsem we oli karekil,nao oli stap long han blong mama blong olgetaoli stap harem nogud gogo oli ded.13!Jerusalem,mi mi laekem yu tumas!?Be bambae mi save talem wanem samting long yublong givhan long yu??Bambae mi save leftemap tingting blong yuolsem wanem?I no gat man samtaemwe i harem nogud tumas olsem yu.Trabol blong yu i bigwan we i bigwan,i bitim mak.I no gat man i save mekem yuyu gud bakegen.14Ol profet blong yuoli stap talemaot long yuol samting we oli stap luklong ol rabis vison blong olgeta,be oli stap giaman nomo.Neva oli soemaot ol sin blong yu long yu,blong yu tanem tingting blong yu from.Nao from we oli stap mekem olsemyu yu stap ting se yu stret nomo.15!Jerusalem!Olgeta we oli stap pas klosap long yu,oli stap lukluk rabis long yu,mo oli laf nogud long yu.Oli stap seksekem hed blong olgeta,from we ol enemi blong yu oli spolemgud yu,mo oli stap jikim yu,oli talem se, “?Olsem wanem?!Hemia nao ples yawe olgeta man long wololi stap talem se i beswan olgeta!”16Ol enemi blong yuoli stap laf nogud long yu,oli no laekem yu nating.Oli stap jikim yu,oli talem se,“!Yumi spolem hem finis!!Hemia nao dei yawe yumi stap wet from!”17Tok ya we Hae God i talem bifo olgetase bambae i spolem yumi,be hem i mekem finis.Hem i spolem yumi,we i no gat sore long yumi nating,olsem we hem i talem.Hem i givhan long ol enemi blong yumi,nao oli kam winim yumi.Mo taem olgeta oli winim yumi,hem i mekem olgeta oli glad we oli glad.18Ol man Jerusalemoli krae i go long Masta ya blong yumi.!Ol bigfala stonwol blong Jerusalem!I gud yufala i krae we i kraelong dei mo long naet,we wota blong ae blong yubambae i ron olsem reva.I gud yufala i harem nogud,yufala i krae gogo yufala i kam slak.19Oltaem long naet,taem ol wajman oli stap jenis,yu mas girap,yu krae i go long Masta blong yumi.Yu mas talemaotgud olgeta tingting blong yu,mo yu mas askem long hemblong hem i sore long ol pikinini blong yu.Ol pikinini ya oli hanggri tumas,nao olbaot long ol kona blong rod,olgeta oli stap ded from.20Nao taon ya Jerusalem i tok, i talem se,“!Hae God!Yu luk ol man yawe yu mekem olgeta oli harem nogud.Nating we ol woman oli lavem tumasol pikinini blong olgeta,be oli stap kakae dedbodi blong olgeta.Ol pris blong yu mo ol profet blong yu,be ol enemi oli stap kilim olgetainsaed long haos blong yu.21“Nating we yangfala no olfala,be olgeta evriwan i sem mak nomo,olgeta evriwan oli ded finis,oli stap olbaot long rod.Ol yang man mo ol yang woman,yu letem ol enemi oli kilim olgetaoli ded long naef blong faet.Long dei ya we kros blong yu i kam strong,yu yu kilim olgetawe yu no gat sore long olgeta nating.22“Olsem we yu stap singaot ol manoli kam long lafet,long sem fasin, yu singaot ol enemioli aot long evri saed,nao oli kam mekem mi mi fraet.Long dei ya we kros blong yu i kam bigwan,i no gat wan man natingwe i save ronwe.Ol pikinini ya blong miwe mi lavem olgeta tumas,mo mi stap lukaot long olgetagogo oli kam bigwan,be ol enemi yaoli kam kilim olgeta evriwan oli ded.”
Bible Society of the South Pacific