JOSUA19
1Biaen long olgeta ya, nekis graon i go long ol laen* blong Simeon.* Distrik blong olgeta i stap long ol graon we fastaem i insaed long distrik ya Juda.*2Ol taon we i stap long distrik ya, nem blong olgeta, Bereseba, mo Seba, mo Molada,3mo Hajasual, mo Bahala, mo Ejem,4mo Eltolad, mo Betul, mo Homa,5mo Jiklag, mo Betmakabot, mo Hajasusa,6mo Betlebaot, mo Saruhen. Hemia nao ol totin taon we oli stap long saed ya, wetem ol vilej we oli stap raonabaot long olgeta.7Mo i gat fo narafala taon tu, we nem blong olgeta, Aen, mo Rimon, mo Eta mo Asan, wetem ol vilej we oli stap raonabaot long olgeta.8Mo oli kasem ol narafala vilej tu we oli stap long medel blong ol taon ya, go kasem taon ya Bahalat Behere long saot, we narafala nem blong hem Rama. Hemia nao distrik ya we ol laen blong Simeon oli holem i blong olgeta.9Distrik ya Juda i bigfala tumas, ol man blong hem oli stap yusum haf nomo, nao Josua i givim haf blong distrik ya i go long ol laen blong Simeon.10Biaen long olgeta ya, nekis graon i go long ol laen* blong Sebulun.* Distrik blong olgeta, mak blong hem long saed i go long saot i stat long taon ya Sarid,11i ron i go long saed i go long wes, i go bitim Mareal mo Dabeset, i go finis long wan reva klosap long Jokneam saed i kam.12Mak blong olgeta i stat bakegen long Sarid i ron i go long is, nao i go kasem mak blong ples ya Kislotaboro, i go long Daberat, mo i go antap long Jafia.13Mo long saed i go long is mak i stat long ples ya, i go kasem Gatefa mo Itakajin, i go bitim ples ya Rimon, mo i tanem i go long Nea.14Long not, mak i go stret long Hanaton, mo i go finis long reva ya Jiftahel.15Distrik ya blong olgeta i gat ol taon long hem, we nem blong olgeta, Katat, mo Nahalal, mo Simron, mo Jidalaha mo Betlehem. Long distrik ya, i gat twelef taon, wetem ol vilej we oli stap raonabaot long olgeta.16Hemia nao ol taon mo vilej we oli stap long distrik ya we ol laen blong Sebulun ya oli holem i blong olgeta.17Biaen long olgeta ya, nekis graon i go ol laen* blong Isakara.*18Distrik blong olgeta i gat ol taon long hem, we nem blong olgeta, Jisrehel, mo Kesulot, mo Sunem,19mo Hafaraem, mo Sihon, mo Anaharat,20mo Rabit, mo Kision, mo Ebej,21mo Remet, mo Enkanim, mo Enadaha, mo Betpajes.22Mak blong distrik ya i pas long tri taon bakegen we nem blong trifala, Taboro, mo Sahajuma mo Betsemes, mo i go finis long Jodan Reva. Long distrik ya i gat sikistin taon, wetem ol vilej we oli stap raonabaot long olgeta.23Hemia nao ol taon mo ol vilej we oli stap long distrik ya we ol laen blong Isakara oli holem i blong olgeta.24Biaen long olgeta ya, nekis graon i go long ol laen* blong Asere.*25Distrik blong olgeta, i gat ol taon blong hem long saot, we nem blong olgeta, Helkat, mo Hali, mo Beten, mo Aksaf,26mo Alamelek, mo Amead, mo Misal. Mak blong hem long saed i go long saot, i stat klosap long bigfala hil ya Kamel long wes, i folem reva ya Siholibnat i go antap.27Long ples we reva ya i tanem, i kamaot long is, mak i ron i go long not, i bitim Betagon, mo i pas long mak blong distrik ya Sebulun* mo reva ya Jiftahel, mo i ron i go long not i bitim tufala taon ya Betemek mo Nehiel. I stap ron i go long not, i bitim ol taon ya, Kabul,28mo Ebron, mo Rehob, mo Hamon, mo Kanaha, gogo kasem bigfala taon ya Saedon longwe.29Nao mak i tanem i go long Rama, i go kasem taon ya Taea we bigfala stonwol i goraon long hem. Mo i tanem i go long Hosa, nao i go finis long Mediterenian Si we i mak blong hem long wes. Distrik ya i gat ol narafala taon tu, we nem blong olgeta, Mahalab, mo Aksib,30mo Umaha, mo Afek mo narafala Rehob bakegen. Long distrik ya i gat twanti tu taon wetem ol vilej we oli stap raonabaot long olgeta.31Hemia nao ol taon mo vilej we oli stap long distrik ya we ol laen blong Asere oli holem i blong olgeta.32Nao nekis graon i go long ol laen* blong Naftali.*33Mak blong distrik blong olgeta long saed i go long saot, i stat long taon ya Helef long saot, i ron i go long is, mo i go kasem bigfala oktri* ya long Jahananim, mo i go kasem taon ya Adaminekeb, mo i go long taon ya Jabnehel, gogo i kasem taon ya Lakum mo i go finis long Jodan Reva.34Mak i stat bakegen long Helef i ron i go long taon ya Asnotaboro long saed i go long wes, nao i folem mak blong distrik ya Sebulun* go kasem taon ya Hukok. Mak blong hem long wes i mak blong distrik ya Asere,* mo mak blong hem long is, Jodan Reva.35Distrik ya i gat ol taon we bigfala stonwol i goraon long olgeta, we nem blong olgeta, Jidim, mo Jere, mo Hamat, mo Rakat, mo Kineret,36mo Adama, mo Rama mo Hajoro,37mo Kedes, mo Edrei, mo Enajoro,38mo Jiron, mo Migdalel, mo Horem, mo Betanat mo Betsemes. Long distrik ya, i gat naentin taon wetem ol vilej we oli stap raonabaot long olgeta.39Hemia nao ol taon mo vilej we oli stap long distrik ya we ol laen blong Naftali oli holem i blong olgeta.40Nao nekis graon i go long ol laen* blong Dan.*41Ol taon we i stap long distrik blong olgeta, nem blong olgeta, Jora, mo Estaol, mo Irisemes,42mo Sahalabim, mo Aealon, mo Jitlaha,43mo Elon, mo Timnaha, mo Ekron,44mo Elteke, mo Gibeton, mo Bahalat,45mo Jehud, mo Beneberak, mo Gatrimon,46mo Meakon mo Rakon, wetem ol ples raonabaot long Jopa.47Be biaen, taem olgeta ya oli lusum graon ya blong olgeta, oli go mekem faet long ol man Laes, nao oli winim taon ya, oli kilim ol man blong hem, mo oli holem ol graon raonabaot long hem. Oli mekem ples blong olgeta long hem, mo oli jenisim nem ya Laes, oli putum nem blong hem se Dan we i nem blong olfala bubu blong olgeta bifo, we i stamba blong laen blong olgeta.48Hemia nao ol taon mo ol vilej we oli stap long distrik ya we ol laen blong Dan oli holem i blong olgeta.49Nao taem olgeta ya oli seraot ol graon ya i go long ol laen* blong olgeta finis, oli givim wan pis i go long Josua, blong i holem i blong hem.50Bifo, Hae God i bin talem se sipos hem i askem wan taon, bambae olgeta oli mas givim taon ya long hem, nao hem i askem taon ya Timnatsera, mo oli givim long hem.51Long taem ya, Eleasara we i Hae Pris* wetem Josua we papa blong hem Nun, mo olgeta lida blong ol famle blong ol laen blong Isrel* oli kam wanples long Silo, long doa blong Haos Tapolen ya blong Hae God, we oli stap kam long hem blong mit wetem hem. Mo long fes blong hem, oli seraot ol graon ya i go long ol laen blong olgeta, we oli sakem ol spesel ston* blong faenemaot se wanem graon i go long wanem laen. Nao long fasin ya, oli finisim ol bisnes ya blong seraot graon.
Bible Society of the South Pacific