JOB31
1Nao Job i talem se,“Trifala.Mi mi mekem wan strong promes finis,se sipos mi luk wan gel,bambae mi no save tingting nogud long hem.2“God i gat olgeta paoa,mo oltaem hem i stap givim pei long yumi,stret long ol wok we yumi mekem.3Hem i stap sanembigfala trabol i kam long olgetawe oli stap mekem ol samting nogud,mo i stap spolem olgeta.4?Be olsem wanem??Hem i no save olgeta samtingwe mi mi stap mekem??Hem i no save olgeta pleswe mi mi stap pas long hem?5“Tru mi talem long yufala,neva mi mi mekem samting nogud,mo neva mi giaman long narafala man.6I gud God i skelem laef blong milong skel we i stret gud,nao bambae hem i save lukwe mi mi no mekem samting nogud nating.7Sipos mi mi gowe long rod we i stret,no samting we mi luk i pulumtingting blong mi i gowe longGod,no han blong mi i mekem sin,8i gud hem i spolem ol kakaelong garen blong mi,no i letem ol narafala man oli kakaeol kakae we mi mi planem.9“Sipos mi stap tingting nogudlong woman blong fren blong mi,nao mi kalkal, mi go haed,mi stap wet long doa blong hem,10i gud woman blong mi i go kukumkakae blong narafala man,mo i slip long bed blong hem.11Sin olsemia,ded nomo i stret panis blong hem.12Hem i olsem bigfala faea blong hel,*we i save kakae olgeta samtingwe mi mi gat.13“Taem man blong wok blong mi,no woman blong wok blong mii harem nogud long sam samting,nao i kam talemaot samting ya long mi,oltaem mi mi stap lesin long hem,mo mi stap mekem i stret long hem.14?Sipos mi no mekem olsem,bambae mi save kam long fes blong Godolsem wanem??Sipos God i jajem mi,bambae mi mi talem wanem?15God ya we i mekem mi,hem i sem God ya nomo we i mekem olgeta.16“Oltaem nomo,mi mi stap givhan long ol puaman,mo neva mi stap lukluk nating long ol widowe tingting blong olgeta ifoldaon.17Taem mi mi stap kakae,neva mi letem ol pikininiwe papa blong olgeta i dedoli stap hanggri.18Oltaem long laef blong mimi stap lukaot gud long olgeta.19“Taem mi luk ol man we oli pua tumas,we oli no save pem klos,20oltaem mi stap givim kloslong olgeta,we ol man blong mi oli wokem long wulwe i kamaot long ol sipsip blong mi nomo,mo ol man olsem oli stap presem miwe tingting blong olgeta i glad tumas.21“Sipos mi stap giaman long pikininiwe papa blong hem i ded,blong mi tekemaot oltingwe hem i gat raet long hemfrom we mi savese bambae mi mi win long kot,22i gud God i brekemtufala han blong mi,i pulumaot tufalalong solda blong mi.23Mi mi save we God i hae tumas,mo mi fraet long paniswe hem i save givim,nao from samting ya,mi no save mekem wan samting olsem.24“!Neva mi trastem ol gudgudfala samtingwe mi mi gat!!Neva mi putum tingting blong mii stap long ol gol blong mi!25Mi mi wan rijmanwe mi gat plante samting,be neva mi mi save flas from.26San i saen we i saen,mo mun i stap saen i gud tumas,be neva mi mekem wosip long wan long tufala.27!Neva wan samting i pulum tingting blong miblong mi mekem wosip long wan long tufala!!Mi no save leftemap han blong miblong soemaot we mi ona long tufala!28!Sin olsemia,ded nomo i stret panis blong hem!God i hae tumas,mo sin ya i soemaotwe man i no bilif long hem.29“Fasin blong mi,neva mi mi gladtaem ol enemi blong mi oli harem nogud,mo neva mi mi harem gudtaem bigfala trabol i kasem olgeta.30Neva mi foldaon long sin yawe mi prea long Godblong i kilim olgeta oli ded.31Olgeta man we oli stap wok blong mioli save we oltaem mi mi gladblong tekem ol strenjaoli kam long haos blong mi.32Olgeta we oli stap wokbaotblong go long narafala ples,mi mi stap singaot olgetaoli kam long haos blong mi.Neva mi livim olgetaoli stap slip olbaot long rod.33“Ol narafala man oli stap traemblong haedem ol sin blong olgeta,be mi no.Neva mi traem haedem sin blong mi.34Mi mi no save fraet long ol tokwe ol man oli save talem.Nating we mi tingse ol man bambae oli save laf long mi,be mi mi no save go haedlong haos blong mi.35“Sipos i gat man i save lesinlong ol tok ya blong mi,bambae i gud tumas, be i no gat.Tru mi talem long yufala,evri tok ya blong mi i tru nomo.Be God i gat olgeta paoa.!I gud hem i givim ansa long mi!“Ol poen we ol enemi blong mioli stap talem agens long mi,sipos oli raetemdaon olgetablong mi mi luk,36bambae mi glad blong karem olgetalong solda blong mi,no bambae mi putum olgetalong hed blong mi blong flasem mi.37Sipos oli mekem olsem,bambae mi no save sem nating,bambae mi go stanap long fes blong God,mi talemaot long hemolgeta samting we mi mi mekem.38“Sipos graon yawe mi stap wokem garen long hem,mi tekemaot long stret man blong hem,we mi stilim nomo,39no sipos mi stap kakaeol kakae blong garen ya,be ol man we oli planemoli stap hanggri nomo,40i gud wit* mo bale,*tufala i no moa gru long ples ya,ol gras nil mo ol rabis tri nomobambae oli gru long hem.”Ol tok blong Job i finis long ples ya.
Bible Society of the South Pacific