JOB27
1Nao Job i gohed, i talem se,2“God i laef,mo hem i gat olgeta paoa.Hem nao i no save letem mi mi kasemol fasin we i stret blong mi kasem,mo hem i stap mekem laef blong mii kam nogud tumas.3Be long nem blong hem,mi promes se olwe long laef blong mi,4neva bambae mi save talemwan tok we i nogud,mo neva bambae mi save talem wan giaman tok.5Oltaembambae mi mi strong blong talemse mi mi no mekem wan samting nogud,gogo kasem we mi mi ded.Mo neva bambae mi save talemse tok ya blong yufala i stret.6Bambae mi mi no save stap kwaet.Bambae mi mas gohed olweblong talem se tok blong mi i stret.Mi harem long tingting blong mise mi mi stap mekem i stret nomo.7“Olgeta ya we oli agens long mi,we oli stap kam faet long mi,i moa gud God i panisim olgetaolsem we i stap panisim ol man nogudwe laef blong olgeta i no stret.8Long taem we hem bambae i tekemaotlaef blong ol man we oli no bilif long hem,ol samting we tingting blong olgeta i stap long hembambae i lus wetem olgeta.9Hem i gat olgeta paoa,mo i stret blong oli luk long hemblong hem i mekem olgeta oli glad,mo i stret blong oli stap prealong hem oltaem,be oli no mekem olsem.Nao taem trabol i kasem olgeta,nating sipos oli stap krae long hem,be bambae hem i no save harem olgeta.11“Mi mi wantem tijim yufalablong yufala i savewe paoa blong God i bigwan tumas.Mi wantem talemaot long yufalamining blong ol plan blong hem.12Be yufala i luk ol samting ya finis.?From wanemyufala i stap talem ol tok yawe i olsem tok blong manwe i no gat hed?13 “Taem we God i stap panisim ol man nogud,we oli stap spolem ol narafala man,fasin blong hem i olsem.14Sipos man olsem i gat plante pikinini,be olgeta evriwan bambae oli ded long faet.Nao ol pikininiwe oli stap kamaot biaen long hemneva bambae oli gat kakaewe i naf long olgeta.15Sipos sam long olgeta oli laef i stap,be rabis sik bambae i kilim olgeta oli ded.Mo taem olgeta oli ded,nating we ol woman blong olgeta nomo,be bambae oli no save kraelong olgeta.16Man nogud olsem i save hivimap vatuwe man i no save kaontem,mo i save tekem plante kloswe hem i no naf blong werem.17Be ol gudfala manwe oli stap mekem i stret nomobambae oli werem ol klos ya,mo oli holem ol mane ya i blong olgeta.18Haos blong man nogud olsembambae i no save stap longtaem.Bambae i olsem nes blong spaeda nomo,no bushaos we man i wokemlong garen blong hem.19Be i gat dei stap kam,we man nogud we i rijmanbambae i go blong slip,be taem i wekap,bambae i sek we olting blong hemoli lus finis.20Nao wantaem nomo,fraet bambae i kam holem hemi mekem hem i harem nogud tumas,olsem we wota i ron bigwan,i kam flatem ples wantaem.Long naet,bigfala win bambae i blui kam karemaot hem.21Win bambae i kamaot long isi brumumaot hemi gowe long ples blong hem.22Nating we i traehad blong ronwe,be bambae i no save mekem.Win ya bambae i blu strong tumas long hem,we i no gat sore nating.23Taem hem i stap resis blong ronwe,win ya bambae i blu stronglong hem.Paoa blong win yabambae i spolemgud hem,mo noes blong hembambae i mekem hemi fraet we i fraet.”S
Bible Society of the South Pacific