JEREMAEA9
1Sipos hed blong mi i olsem wan welwe i fulap long wota,mo ae blong mi i olsem wan springwota,bambae i moa gud.Bambae mi save krae olwelong dei mo long naet,from ol man blong mi,we ol enemi oli kilim olgeta i ded.2Sipos mi gat ples blong mi long draeples,bambae i moa gud.Bambae mi save ronwe long ol man ya blong mi,mi go stap long hem.Ol man ya, tingting blong olgetai no stap strong nating long Hae God.Oltaem nomo oli stap hivap wanples,blong mekem plan blong kilim man i ded.3Oltaem oli rere blong talem ol giaman toktok.Ol fasin blong giaman i kavremapolgeta ples long kantri ya,i no moa gat trutok i stap.’“Nao mi harem we Hae God i talem se,‘Oltaem ol man blong mioli stap mekem plante rabis fasin.Oli mekem wan sin finis,oli mekem narawan.Oli no save talemaot natingwe mi mi God blong olgeta.4Yufala evriwan i mas lukaot gud,blong ol fren blong yufalaoli no kam spolem yufala.Man i no save trastem brata blong hem,from we olgeta man evriwan i man blong giaman,mo olgeta evriwan oli stap tok nogudlong ol fren blong olgeta.5Oltaem oli stap giamanlong ol fren blong olgeta,i no gat man nating i save talem trutok.Maot blong olgeta i fulaplong ol giaman toktok nomo,mo oli no save lego long ol sin blong olgeta.6Oltaem nomo oli stap mekem faetblong spolem ol narafala man,mo oli stap trikim olgeta.Oli no wantem nating blong talemaotwe mi mi God blong olgeta.Mi mi Hae God, mo hemia tok blong mi.’7“Hae God i gat olgeta paoa, mo mi mi harem we hem i talem se,‘From we ol man ya oli mekem olsem,mi bambae mi stretemgud olgeta,olsem we man i bonem silvablong mekem i klin.Bambae mi traem olgeta,blong faenemaot se oli gud no oli nogud.Hemia nomo mi save mekem long olgeta,from we oli stap mekem i nogud.8Ol tang blong olgeta i gat posen long hem,oltaem oli yusum blong talem olgiaman toktok.Oltaem oli stap toktok gudlong ol fren blong olgeta,be oli stap trikim olgeta nomo,blong kasem olgeta.9Mi mi mas panisim olgeta ya,from ol samting nogud ya we oli stap mekem.Kantri we i stap mekem fasin olsem,be mi mi mas givimbak fasin ya long hem.Mi mi Hae God,mo hemia tok blong mi.’10“Nao mi mi talem se,‘Bambae mi mi krae from ol hil ya,mo mi krae tu from ol gudfala gras ya,from we oli drae evriwan finis,mo i no moa gat man i stap pas long ples ya.Man i no moa save harem krae blong ol buluk,mo ol pijin mo ol wael anamololi gowe evriwan finis.’11“Nao mi harem we Hae God i talem se,‘Mi bambae mi spolem Jerusalem,*mi mekem i kam hip blong ol ston nomo.Bambae hem i kam ples blong ol wael dog.Mo ol taon blong Juda,*bambae mi mekem olgeta oli kam draeples,we bambae i no gat man i stap long hem.’ ”12Nao profet i askem long Hae God se, “?From wanem ples ya i kam nogud olgeta olsem? ?From wanem i kam olsem draeples, we man i no moa stap pas long hem? I no gat man we i waes gud, blong i luksave samting ya, mo yu yu no talemaot samting ya nating long wan man, blong i save kam talemaot mining blong hem long mifala.”13Nao Hae God i talem se, “Mi mi mekem olsem, from we ol man blong mi oli tanem baksaed finis long ol tok blong mi, we mi mi givim long olgeta. Oli no obei long mi, mo oli no mekem ol samting we mi mi talem long olgeta blong oli mekem.14Olgeta oli girap, oli mekem stronghed, mo oli go mekem wosip long god ya Bal,* stret olsem we ol bubu blong olgeta oli tijim olgeta long hem.15Mi mi Hae God, mi gat olgeta paoa, mo mi God blong yufala ol laen* blong Isrel.* Nao from we olgeta ya oli mekem olsem, bambae mi givim ol kakae we i konkon long olgeta, blong oli kakae, mo bambae mi givim posen long olgeta, blong oli dring.16Bambae mi ronemaot olgeta oli go wanwan olbaot long ol narafala kantri, we yufala wetem ol bubu blong yufala bifo, neva yufala i save ol ples ya samtaem. Mo bambae mi sanem ol enemi oli go faet agens long olgeta, gogo oli flatemgud olgeta.”17Bakegen profet i talemaot se, “Hae God i gat olgeta paoa, mo hem i talem se,‘Yufala i mas tingting gudlong ol samting ya we i stap hapen.Yufala i go singaot ol woman yawe oli waes blong krae long dedman,oli kam wanples.Olgeta ya oli save krae gud long man we i ded.’ ”18Nao ol man oli talem se,“I gud olgeta ya oli mas hareapblong kam stap wetem mifala,blong krae long krae blong dedman.Oli mas krae gogo kasem we mifala tu i krae,we wota blong ae blong mifala i ron bigwan.”19Mo profet i talem se,“Yufala i lesin long bigfala krae yawe i kamaot long Saeon.*Ol man oli stap krae bigwan se,‘Naoia, ples blong yumi i kam nogud olgeta,mo yumi sem we yumi sem.Yumi mas aot long kantri blong yumi,yumi gowe,from we ol enemi oli flatemgudol haos blong yumi.’ ”20Be profet i talem long ol woman se,“Yufala i mas lesin long tok blong Hae God,mo yufala i mas harem ol samtingwe hem i stap talem long yufala.Yufala i mas lanem ol gel blong yufalalong fasin blong krae long dedman,mo yufala i mas tijim ol fren blong yufalalong ol singsing blong ded.21Yufala i mas mekem olsem,from we ded i kamtrulong ol windo blong yumi finis.Hem i kam insaed long ol haosblong king blong yumi finis,nao ol pikinini blong yumioli no moa save pleplei long rod,mo ol yang man oli no moa save hivaplong ples blong maket.”22Bakegen profet i talemaot we Hae God i talem se,“Ol dedbodi bambae oli stap olbaotlong evri ples,olsem ol hip blong doti nomo.Bambae oli stap ledaon olbaot,olsem ol bandel wit* we fama i livim i stap,mo bambae i no gat man blong karem i go.23“Ol waesman.Yufala i no mas tok flasfrom waes blong yufala.Ol strong man.Yufala i no mas tok flasfrom paoa blong yufala.Ol rijman.Yufala i no mas tok flasfrom ol gudgudfala samting we yufala i gat.24Man we hem i wantem tok flas,i gud hem i tok flasfrom we hem i luksave tingting blong mi,mo i savegud mi,we fasin blong mi blong lavem mani gudfala tumas,mo ol wok we mi mi stap mekem long wol ya, oli gud mo oli stret nomo.Ol samting ya nao, mi mi glad long olgeta.Mi mi Hae God,mo hemia tok blong mi.”25Bakegen, profet i talemaot we Hae God i talem se, “I gat taem i stap kam, we mi bambae mi panisim yufala ol man Juda,* mo ol man Ijip, mo ol man Edom, mo ol man Amon, mo ol man Moab, mo olgeta ya we oli stap long draeples, we oli stap katem hea* blong olgeta i sotsotfala. Yufala evriwan i stap mekem sakomsaes long yufala, be yufala i no stap holem promes we mi mi mekem wetem ol bubu blong yufala bifo, we sakomsaes ya i saen blong hem. Ol laen* blong Isrel.* I no gat wan long yufala nating we i holem promes ya.”
Bible Society of the South Pacific