JEREMAEA31
1Nao Profet Jeremaea i talemaot we Hae God i talem se, “Ol laen* blong Isrel.* I gat taem i stap kam we mi bambae mi God blong yufala, mo yufala bambae i man blong mi bakegen.2Bifo, long draeples, ol bubu blong yufala we oli no ded long faet, mi mi gat sore long olgeta, mi givhan long olgeta long gladhat blong mi. Taem we olgeta oli taed tumas, mo oli wantem spel,3be mi mi aot long ples blong mi we i longwe, mi kamtru long olgeta. Ol laen blong Isrel. Mi mi lavem yufala tumas, mo oltaem, fasin ya blong mi i stap pulum yufala i kam long mi.4Bambae mi stanemap yufala, mi mekem yufala i kam strong bakegen, nao bambae yufala i save tekem ol tamborin blong yufala, yufala i kilim, yufala i danis, yufala i harem gud.5Mo bambae yufala i save planem ol plantesen blong grep* bakegen antap long ol hil ya long Sameria,* mo olgeta we oli planem ol grep ya, bambae oli save kakae frut blong hem.6I gat taem i stap kam we ol wajman bambae oli go stanap long ol hil blong ples ya, nao bambae oli singaot bigwan se, ‘Yumi go antap long hil ya Saeon,* yumi mekem wosip long Hae God we i God blong yumi.’ ”7Mo Profet i gohed i talemaot we Hae God i talem se,“Ol laen blong Isrel.Yufala i sing,yufala i harem gudfrom kantri ya blong yufala.Kantri blong yufala i hae moa,i winim ol narafala kantri long wol.Yufala i sing,yufala i talem se,‘!Yumi presem Hae God!!Yumi ol man blong hem,mo hem i sevem yumi!!Yumi ya we yumi stap laef yet,hem nomo i sevem yumi!’8Yufala we i stap long kantri ya long not,mo yufala we i stap longwe olgetalong ol narafala kantri long wol,mi bambae mi tekemaot yufala,mi karem yufala i kambaklong ples ya bakegen.Yufala we i blaen,mo yufala we i no save wokbaot,bambae yufala tu i kam.Mo yufala ol woman we i gat bel,mo yufala we klosap yufala i bonempikinini blong yufala,yufala tu bambae i kam.Bambae yufala i kambak bakegen long ples ya,we yufala i plante we plante.9Taem mi mi stap lidim yufala i kambak,long rod blong yufala,bambae yufala i stap krae,yufala i stap prea long mi.Bambae mi stap lidim yufala i wokbaotlong wan gudfala rodwe yufala i no save stambol long hem,mo long rod ya,bambae yufala i gat plante springwotablong yufala i dring long hem.Mi mi olsem papa blong yufala evriwan,mo yufala ya we i laen blong Efrem,*yufala i olsem fasbon pikinini boe blong mi.10“Ol man blong ol narafala kantri.Yufala i lesin gud long tok blong mi,nao yufala i go talemaot long ol kantriwe oli stap longlongwe long yufala.Ol man ya blong miwe mi mi bin ronemaot olgeta,be mi bambae mi tekem olgeta i kambak bakegen,mo mi lukaot gud long olgeta,olsem we man blong lukaot long sipsipi stap lukaot gud long ol sipsip blong hem.11Ol laen ya blong Isrel,mi mi sevem olgeta,mi tekemaot olgetalong han blong ol enemi blong olgetawe oli strong moa winim olgeta,mi mekem olgeta oli fri.12Taem oli kam stap long hil ya Saeon,bambae oli singsing,from we oli harem gud, oli glad.Mi bambae mi givim kakae,mo waen, mo olifoel,*mo ol sipsip,mo ol buluk long olgeta,mo bambae oli harem gud long ol samting yawe mi mi givim long olgeta.Bambae oli olsem gudfala garenwe i gat gudfala wota blong hem,mo bambae oli no save sot long wan samting.13Ol gel blong olgetabambae oli glad, oli danis,mo ol yangfala mo ol olfala tubambae oli glad.Olgeta we naoia oli stap harem nogud,oli stap krae,mi bambae mi leftemap tingting blong olgeta,mi mekem olgeta oli harem gud bakegen.14Bambae mi mekem ol pris* blong olgetaoli gat ol gudgudfala kakae,mo bambae mi mekem ol man blong mioli harem gud long ol gudgudfala samtingwe mi bambae mi givim long olgeta.Mi mi Hae God,mo hemia tok blong mi.”15Mo bakegen, profet i talemaot we Hae God i talem se,“Ol man Isrel.*Olgeta long Rama oli harem wan womanwe i krae we i krae,from we hem i harem nogud tumas.Hemia Rejel ya,we i stap krae from ol pikinini blong hem.Mo hem i no moa wantemblong man i kam toktok gud long hemblong mekem hem i harem gud bakegen,from we ol pikinini blong hem oli lus finis.16Nao mi mi talem long hem se,‘Rejel.Yu no moa krae,yu waepemgud wota blong ae blong yu,from we bambae yu gat pei from ol wok blong yuwe yu mekem long ol pikinini blong yu.Ol pikinini ya blong yubambae oli aot long ples blong ol enemi blong olgeta,nao oli kambak long ples ya.17Yu mas putum tingting blong yui stap strong long ol samting yawe bambae i kamtru,from we ol pikinini blong yubambae oli mas kambak bakegenlong stret ples blong olgeta.’Mi mi Hae God,mo hemia tok blong mi.18“Mi mi stap harem ol man Isrel we oli harem nogud tumas,oli stap talem se,‘Hae God.Mifala i olsem pikinini blong wael bulukwe man i no save mekem hem i stap kwaet,be yu nomo yu tijim mifala,blong mifala i obei long yu.Yu yu God blong mifala.Mifala i rere nomo blong kambak long yu.Bifo, mifala i gowe long yu,be naoia, mifala i wantem kambak long yu bakegen.Plis yu tekem mifala i kambak long yu.Taem yu yu panisim mifalamifala i sem tumas,we mifala i no wantem lukluk i go antap.Mifala i sem,from we bifo,taem mifala i yangfala yet,mifala i bin mekem i nogud agens long yu.’20“Ol man Isrel.Yufala i pikinini blong mi,we mi mi lavem yufala tumas.Mi mi glad tumas long yufala,mo oltaem,taem mi talem nem blong yufala,mi mi stap tingbaot yufala,we mi lavem yufala tumas.Oltaem nomo,tingting blong mi i stap long yufala,mo bambae mi gat sore long yufala.21Yufala i mas faenem rod ya bakegenwe yufala i pas long hem bifoblong kambak long ples yawe yufala i stap long hem fastaem,mo yufala i mas putum ol saenblong makem rod ya.Yufala i mas kamhom.Yufala i mas kambak long ol taon blong yufala bakegen.22?Yufala yawe tingting blong yufalai no stap strong long mi,bambae yufala i gat tu tingtinggogo kasem wetaem?Mi mi mekem wan samting long wol ya,we i niuwan mo i narafala olgeta.Samting ya i olsem we woman i blokem manblong i mared long hem.”23Nao Profet Jeremaea i talemaot we Hae God ya we i gat olgeta paoa, hem i God blong yumi, mo hem i talem se, “!Ol man Juda*! Taem mi mi mekem yufala i stap gud bakegen long kantri blong yufala mo long ol taon blong yufala, bambae yufala i save talem long Tabu Hil* ya long Jerusalem* se,‘Tabu Hil.Hae God bambae i blesem yu.Yu yu ples blong hemwe hem i stret olgeta.Yu yu tabu ples blong hem,mo hem i stap long yu.’24Bambae yufala i stap gud long kantri blong yufala mo long ol taon blong hem. Sam long yufala bambae oli save wokem ol garen blong olgeta, mo sam bambae oli save lukaot long ol sipsip blong olgeta.25Yufala we i harem nogud, bambae mi mekem yufala i harem gud bakegen, mo yufala we i hafded long hanggri, bambae mi givim kakae long yufala blong mekem yufala i strong bakegen.26Nao bambae yufala i slip, mo biaen, bambae yufala i save talem se, ‘Mi mi go slip, mo taem mi wekap, mi harem gud bakegen.’27“Mi mi Hae God, mo i gat taem i stap kam, we bambae mi mekem olgeta ples long Isrel* mo long Juda i fulap bakegen long man mo anamol.28Bifo, mi gohed blong pulumaot yufala long kantri blong yufala, mo blong brebrekemdaon ol taon blong yufala, mo blong spolem paoa blong yufala, mo blong flatemgud yufala, mo blong mekem evri samting i kam nogud. Be naoia bambae mi lukaot gud blong stanemap yufala, blong yufala i kam strong, mo blong wokemgud ol taon blong yufala bakegen.29Long taem ya, ol man bambae oli no moa save talem tok ya se,‘Ol papa oli kakae frut blong grep* we i konkon,be ol pikinini blong olgetaoli stap kasem konkon blong hem.’30Be man we i stap kakae frut blong grep we i konkon, hem nomo bambae i harem nogud from. Sipos man i mekem sin, hem nomo bambae i mas ded from sin ya blong hem.31“Ol man Isrel mo ol man Juda. I gat taem i stap kam, we mi bambae mi mekem wan niufala promes* wetem yufala.32Promes ya bambae i no olsem olfala promes ya we mi mekem wetem ol bubu blong yufala bifo, long taem ya we mi holem han blong olgeta, mi lidim olgeta oli kamaot long Ijip. I nating we long taem ya, mi mi Masta* blong olgeta, be oli no holem promes ya nating.33Long taem ya we i stap kam, niufala promes ya we bambae mi mekem wetem yufala i olsem. Mi bambae mi putum loa blong mi long tingting blong yufala, mo bambae mi raetemdaon long hat blong yufala. Mo mi bambae mi God blong yufala, mo yufala bambae i man blong mi.34Bambae i no moa gat wan long yufala we i save go tijim man ples blong hem se, ‘Yu mas save Hae God,’ mo bambae i no gat man we i save go talem tok ya long brata blong hem, from we yufala evriwan bambae i save mi, i stat long ol haeman, gogo kasem olgeta we oli no gat nem. Nao mi bambae mi fogivim yufala, mi tekemaot ol sin blong yufala, mo bambae mi no moa save tingbaot olgeta bakegen. Mi mi Hae God, mo hemia tok blong mi.”35Mo profet i talem se,“Hae God nomo i putum san,blong i laet long dei,mo i putum mun mo ol sta,blong oli saen long naet.Hem i gat paoablong mekem solwota i girap,i raf we i raf,i mekem bigfala noes.Nem blong hem,Hae God we i Gat Olgeta Paoa.Hem i talem se,36‘Sipos samtaem, ol samting ya oli lus,long taem ya nao,bambae yufala evriwan i lus olgeta.37Sipos samtaem,man i save makem bigfala blong skae ya,mo i save faenemaotgud fandesen blong wol ya,long taem ya nao,bambae mi save lego yufalafrom ol rabis fasin we yufala i stap mekem.Mi mi Hae God,mo hemia tok blong mi.38“ ‘I gat taem i stap kam, we bambae yufala i wokemgud Jerusalem bakegen blong i kam taon blong mi. Bambae yufala i stat long Wajhaos blong Hananehel, i go long wes, go kasem doa ya we nem blong hem, Doa blong Kona.39Mo mak blong hem bambae i stat bakegen long ples ya long saed long wes, i go kasem hil ya Gareb, nao i mekem kona, i go kasem ples ya Goa.40Krik ya we oli berem ol dedman long hem, mo we i ples blong sakem asis, olgeta haf blong hem, mo olgeta garen antap long krik ya Kidron, gogo kasem doa ya we nem blong hem, Doa blong Hos, long saed i go long is, bambae oli blong mi evriwan. Ol enemi bambae oli no moa save brekemdaon taon ya, mo oli no moa save spolem bakegen samtaem.’ ”
Bible Society of the South Pacific