JEREMAEA12
1Nao Profet Jeremaea i talem se,“Hae God.Oltaem, taem mi talemaot poen blong miagens long yu,be yu yu stap soemaot we yu stretolgeta.Be mi wantem askem wan kwestin long yu,from stret fasin ya blong yublong jajem man.?From wanem ol man nogudoli stap win oltaem??Mo from wanem olgeta yawe oli no stap obei long yu,oli gat gudfala laef?2Yu yu putumgud olgeta long ples blong olgeta,olsem we man i planem ol kakae long garen,nao oli gru gud, oli karem kakae.Oltaem oli stap tokbaot gudfala fasin blong yu,be oli no kea nating long yu.3Hae God.Yu yu savegud mi,mo yu luk finis olgeta wok blong mi,mo fasin blong mi blong lavem yu.Plis yu pulum ol rabis man ya i gowe,olsem ol sipsip we man i tekem olgeta,blong kilim olgeta blong kakae.Yu gad long olgeta,gogo kasem we ol enemi blong olgetabambae oli kam kilim olgeta i ded.4?Ol ples blong mifalabambae i stap drae olsem,gogo kasem wetaem??Mo ol gras blong ol anamol blong mifalabambae oli stap drae olsem,gogo kasem wetaem?Naoia ol anamol mo ol pijinoli stap ded evriwan,from ol fasin yawe ol man ya oli stap mekem,we i nogud we i nogud.Oli stap talem se,‘Ol fasin ya we yumi stap mekem,Hae God i no save luk ya.’ ”5Be Hae God i talem long hem se,“Jeremaea.?Sipos yu stap resis wetem ol manmo yu harem we yu stap sotwinkwiktaem,be bambae i olsem wanemsipos yu resis wetem ol hoswe oli strong moa winim yu??Mo sipos yu no save stanap strong long open ples,be bambae yu mekem olsem wanemsipos yu go long buswe i paspas gud?Trabol ya we yu harem naoia,hem i no bigwan tumasolsem trabol we bambae i kamaot biaen.6Nating we ol brata blong yu nomo,mo ol stret famle blong yu,be olgeta tu oli letem yu yu golong han blong ol enemi blong yu.Olgeta nao oli joen wanplesblong faet agens long yu.Nating we oltaem oli stap toktok gud long yu,be i moa gud yu no moa trastem olgeta.”7Nao Profet Jeremaea i luk wan vison,* mo long vison ya, Hae God i talem long hem se,“Ol laen* blong Isrel.*Yufala i man blong mi,be mi mi tanem baksaed finis long yufala.Bifo, mi mi jusumaot yufala,mo mi lavem yufala,be naoia, mi lego yufala,mi putum yufala finislong han blong ol enemi blong yufala.8Yufala i man blong mi,be yufala i tanem baksaed long mi,yufala i agens long mi.Yufala i stap singaot bigwan agens long mi,olsem laeon we i stap singaot long bus,mo from samting ya,mi no laekem yufala nating.9Mi mi jusumaot yufala,be naoia, yufala i olsem pijinwe ol hok oli raonemgud hem.I gud olgeta oli go singaot ol wael anamol,blong oli kam joen long lafet.10Ol lida blong ol narafala kantrioli spolemgud ol plantesen blong grep* blong mi.Gudfala kantri ya blong mi,olgeta oli spolemgud,mo oli mekem i kam olsem draeples.11Oli mekem i kam pleswe i no gat wan samting nating i gru long hem,mo i stap nating nomo olsemlong fes blong mi.Kantri ya i kam nogud olsem,be i no gat wan man natingwe i harem nogud from.12Mi mi sanem ol enemi oli kam spolemolgeta samting long kantri ya,mo i no gat wan manwe i save stap gud, i gat pis.Nao olbaot long draeples,antap long ol hil,ol enemi ya oli stap stilim evri samting.13Yufala i stap planem ol gudgudfala sidlong ol garen blong yufala,be ol rabis gras nomo oli stap gru.Oltaem yufala i stap hadwok,be yufala i no save luk frut blong wok blong yufala.Ol kakae blong yufala oli no save gru,from we mi mi kros tumas long yufala.”14Nao Profet Jeremaea i talemaot we long vison* ya, Hae God i talem se, “Ol man blong mi. Mi mi gat wan tingting we mi mas talemaot agens long ol enemi ya we oli stap raonabaot long kantri ya blong yufala. Olgeta ya oli spolem graon ya we mi mi bin givim long yufala, mo from samting ya, bambae mi sakemaot olgeta oli gowe long ples blong olgeta, olsem we man i pulumaot gras long garen, i sakem i go. Nao bambae mi sevem ol man Juda,* mi tekemaot olgeta long han blong olgeta ya.15Be taem mi sakemaot ol man ya i gowe finis, biaen bambae mi mi gat sore long olgeta, nao bambae mi putum olgeta oli gobak long ol stret ples blong olgeta bakegen.16Nao sipos olgeta ya oli folemgud olgeta loa blong mekem wosip long mi long olgeta tingting blong olgeta, olsem we ol man blong mi oli stap folem, mo sipos oli mekem strong tok long nem blong mi se, ‘Hae God i laef, i stap we i stap, mo long fes blong hem, ol tok ya i tru,’ olsem we bifo oli stap tijim ol man blong mi blong mekem strong tok long nem blong god ya Bal,* bambae olgeta tu oli kam man blong mi, mo oli gat ples blong olgeta wetem ol man blong mi.17Be sipos ol man blong wan kantri oli no obei long mi, bambae mi spolemgud olgeta. Mi mi Hae God, mo hemia tok blong mi.”
Bible Society of the South Pacific