AESEA54
1Bakegen, profet i talemaot long ol man blong hem we Hae God i talem se,“!Ol man Jerusalem*!Kam kasem naoia,yufala i olsem womanwe neva i bonem pikinini,be naoia yufala i save singsing,yufala i save glad,we yufala i stap singsingaot bigwan from.I stat naoia,ol pikinini blong yufalabambae oli kam plante moa,i winim ol pikinini blong womanwe man blong hem i no lego hem.2I moa gud yufala i mekemples blong haos tapolen blong yufala i kam bigwan,blong yufala i mekem haos tapolen yai kam bigwan moa.Yufala i mas mekemol rop blong hem oli longlongfala moa,mo ol aean blong holemtaet ol rop ya oli strong gud.3Bambae yufala i save muvumol mak blong graon blong yufalaoli go afsaed moa long evri saed.Ol pikinini we bambae oli kamaot biaen long yufala,bambae oli save tekembak ol graon yawe naoia ol man blong ol narafala kantrioli stap long hem.Ol taon raonabaot long yufalawe naoia oli no gat man long hem,bambae oli kam fulaplong ol pikinini blong yufala.4“!Yufala i no mas fraet!!Neva bambae yufala i save sem bakegen!!Neva ol man bambae oli save mekemtingting blong yufala i foldaon olgeta!Nating we yufala i haremse yufala i olsem wan yang woman,we i stap mekem i krangkewetem ol narafala man,no yufala i olsem wan widowe i harem i nogud tumas,from we i stap hem wan nomo,be olgeta samting ya,bambae yufala i no moa save tingbaot.5Mi mi mekem yufala.Nem blong mi Hae God,mo mi mi gat olgeta paoa.Mi bambae mi olsem man blong yufala stret,we yufala i woman blong mi.Mi mi God blong yufala,mo mi mi tabu we mi tabu,fasin blong mi i stret olgeta.Mi mi stap rullong olgeta ples long wol,mo mi bambae mi sevem yufala,mi mekem yufala i fri.6“Naoia yufala i haremse yufala i olsem wan yang womanwe man blong hem i ronwe long hem,nao hem i stap harem i nogud tumas.Be mi mi stap singaot yufala,blong yufala i kambak long mi bakegen.7Long smoltaem nomo,mi mi bin gowe long yufala.Be mi mi lavem yufala,mo mi glad blong tekemyufala i kambak long mi bakegen.8Long smoltaem we smoltaem nomo,mi mi bin kros long yufala,nao mi tanem baksaed long yufala.Be mi mi gat sore long yufala,mo bambae mi lavem yufala olwe,gogo i no save finis.Mi mi Hae God,mi stap sevem yufala,mo mi stap mekem yufala i fri,mo hemia tok blong mi.9“Bifo olgeta,long taem blong Noa,mi mi mekem wan promes* wetem ol man,se neva bambae mi save mekem bakegen,we wota i kam bigwan,i draonem olgeta ples long wol.Mo naoia,mi mekem promes bakegen long yufala,se bambae mi mi no moa kros long yufala bakegen,bambae mi no moa tok strong long yufala,mo bambae mi no moa panisim yufala.10Maet ol bigbigfala hil bambae oli stap brobrok gogo,oli kam asis nomo,be fasin ya we mi mi lavem yufala,neva bambae hem i save finis samtaem.Mi mi mekem promes wetem yufala,se bambae yufala i stap long pis,mo promes ya,bambae mi mi holem olwe,gogo i no save finis.Mi mi Hae God,we mi gat sore long yufala,mo hemia tok blong mi.”11Bakegen, profet i talemaot long ol man blong hem we Hae God i talem se,“!Ol man Jerusalem*!Naoia yufala i stap harem nogud tumas!Plante trabol tumas i kam kasem yufala.Mo i no gat man blong toktok gud wetem yufala,blong leftemap tingting blong yufala.Mi mi sore tumas long yufala.Bambae mi mi wokemol fandesen blong taon blong yufala oli gud bakegen,long ol gudfala ston ya takwoes* mo safaea*we oli flas gud,we praes blong olgeta i antap tumas.12Ol wajhaos* blong taon yawe oli hae we i hae,bambae mi wokem olgeta bakegen,long ol flas ston ya rubi.*Mo bambae mi wokem ol doa*blong bigfala stonwol blong hem,long ol flas ston yawe oli saen olsem faea we i laet,mo bambae mi wokem bigfala stonwol yawe i goraon long hemlong ol flas ston ya we praes blong olgeta i antap tumas.13“Mi nomo bambae mi tijim yufala,mi mekem we yufala i gat pis,mo yufala i gat gudfala laef.14Ol fasin we i stret mo i gud,bambae i mekem yufala i strong,nao bambae yufala i save stap gud,we i no gat man i save mekemi strong tumas long yufala,mo i no gat man i save mekem yufala i fraet.15Sipos sam man oli traem kamblong mekem faet long yufala,be bambae oli traem mekem wan samtingwe mi mi no agri long hem.Man we i traem mekem faet olsem long yufala,bambae i mas foldaon.16“Blaksmit* ya we i mekem faea,nao i wokem ol samting blong mekem faet,be mi nomo mi mekem hem.Soldia ya we i holem ol samting ya,nao i stap yusum olgeta blong kilim man,be mi nao mi mekem hem.17Ol samting ya blong mekem faetbambae oli no save mekemyufala i karekil.Mo bambae yufala i gat ansa tublong givim long olgetawe oli gat poen long yufala.Yufala i man blong wok blong mi,mo bambae mi blokemgud yufala,mi mekem yufala i win.Mi mi Hae God,mo hemia tok blong mi.”
Bible Society of the South Pacific