AESEA46
1“Tufala god ya blong ol man Babilon,we nem blong tufala Bel mo Neboho,naoia tufala i finis,tufala i lus olgeta.Ol man ya oli no moa save mekem wosip long tufala.Naoia,ol man blong narafala kantrioli putum tufala god yalong baksaed blong dongki blong olgetablong oli karem tufala i go.Be tufala god ya i kam hevi we i hevi,mo ol dongki ya oli taed gudblong karem tufala.2Tufala god ya i no gat paoa,tufala i no save sevem tufala.Ol enemi blong ol man blong tufalaoli holem tufala finis,oli karem tufala i go.Long fasin ya nao,tufala god ya blong ol man Babilontufala i lus, tufala i finis olgeta.”3Nao profet i talemaot we Hae God i talem se,“!Ol laen blong Isrel!Yufala we i stap yet,yufala i lesin long mi.Bifo, yufala i plante,be naoia, yufala ya nomo i stap.Mi mi stap lukaot long yufala,i stat long taem we yufala i bon.4Mi mi God blong yufala,mo mi bambae mi stap lukaot long yufala yet,gogo hea blong yufala i kam waet.Mi mi mekem yufala,mo mi bambae mi holem yufala i stap gud.Mi bambae mi stap givhan long yufala,mo mi bambae mi stap sevem yufala.5“?Bambae yufala i save makem mi long hu??Yufala i ting se i gat narafala god i stap,we yufala i save makem mi long hem?!Nogat!6Plante man oli openem basket blong olgeta,oli kavsaedem ol gol no ol silva,blong oli skelem,nao oli go pem wan man,blong i wokem wan god long hem.Mo biaen, oli bodaon long god ya,oli mekem wosip long hem.7Oli go leftemap god ya,oli putum long solda blong olgeta,oli karem i kam.Oli putum i stap long ples blong hem,nao hem i stap olwe long ples ya,from we i no save aot hem wan.Mo sipos wan man i prea long god ya,god ya i no save harem hem,mo i no save tekemaot hemlong ol trabol we i kasem hem.8“!Ol man blong mi!!Yufala i man blong mekem sin!!Yufala i mas tingting gudlong ol samting ya we mi mi mekem!!Yufala i no mas fogetem olgeta!9Yufala i mas tingbaot ol samting yawe oli kamtru bifo finis.Yufala i mas luksavewe mi nomo mi God,mo we i no gat narafala god i stapwe i olsem mi.10Bifo olgeta,long stat blong olgeta samting,mi mi talemaot fastaemol samting we biaen oli hapen.Bifo finis, mi mi talemaot ol samtingwe biaen oli kamtru.Mi talem finis we ol plan blong mibambae oli no save foldaon,mo we bambae mi mi save mekem olgeta samtingwe mi mi wantem.11Mi bambae mi singaot wan man i kamaot long saed i go long is.Bambae hem i spid i kam blong mekem faetlong ol enemi blong hem,olsem we pijin ya igel*i sut i kamdaon long kakae blong hem,mo bambae hem i mekem olgeta samtingwe mi mi plan blong hem i mekem.Mi mi talemaot finis se bambae i olsem,mo ol samting ya bambae oli kamtruolsem we mi mi talem.12Yufala yawe yufala i stap mekem hed,we yufala i ting se dei yawe bambae mi mi win long hemi stap longwe yet,yufala i lesin gud.13Naoia,mi mi tekem dei ya i kam klosap finis,i no moa stap longwe nating.I no gat wan samting i save blokembigfala dei ya blong mi.Mi bambae mi sevem taon ya Jerusalem,*mo bambae mi leftemap ol man blong milong ples ya.”
Bible Society of the South Pacific