AESEA44
1Bakegen, profet i talemaot we Hae God i talem se,“!Ol laen* blong Isrel*!Mi mi jusumaot yufala,mo yufala i man blong wok blong mi.!Yufala i lesin gud!2Yufala i no fraet.Yufala i man blong wok blong mi.Mi mi jusumaot yufala,mo mi lavem yufala.Mi mi Hae God,mo mi nao mi mekem yufala.Mi wokem yufalalong taem ya we yufala i no bon yet,mo i stat long taem ya,oltaem mi stap givhan long yufala,kam kasem naoia.3“Kantri ya we i tosta tumas,mi bambae mi givim wota long hem.Long ples ya we i drae tumas,bambae mi mekem ol reva oli ron bigwan long hem.Bambae mi mekem Spirit blong mii kam fulap long ol pikinini blong yufala. Bambae mi blesem olgetawe bambae oli stap kamaot biaen long yufala.4Bambae olgeta oli gat gudfala laef,olsem gras we i stap gru gud,from we i stap kasem plante wota,no olsem ol tri ya wilo*we oli stap long saed blong reva.5“!Ol man blong mi!Ol man blong ol narafala kantribambae oli stap kam joen longyufala.Bambae olgeta wanwan oli kam talemaotse oli man blong mi,mo bambae oli raetem nem blong milong han blong olgeta,mo bambae oli talem se,‘Mi tu mi laen blong Isrel.’ ”6Nao profet i gohed, i talem se,“Hae God i gat olgeta paoa.Hem i stap rul long yumi,mo hem i stap sevem yumi,i stap mekem yumi fri.Hem i talem se,‘Mi nomo mi God.Mi mi stap fastaem, bifo olgeta,mo bambae mi stap laswan.I no gat narafala god,mi nomo mi stap.7I no gat narafala man we i save mekemolsem we mi mi mekem.I stat bifo olgeta,taem we wol i no stap yet,be long taem ya,mi mi talemaot olgeta samtingwe bambae oli kamtru,mo bambae mi stap mekem olsemgo kasem taem we olgeta samting bambae i finis.I no gat narafala man i stapwe i save mekem olsem.8!Ol man blong mi!!Yufala i no fraet!Yufala i save finiswe i stat bifo olgeta,be mi mi stap talemaot ol samtingwe bambae oli kamtru.Yufala i witnes blong mi,se tok ya blong mi i tru.?Yufala i tingse i gat narafala god i stap??Yufala i tingse i gat narafala god i stap samples,we hem i strong, i gat paoa?!Nogat!!Mi mi no harem nem blong hem nating!’ ”9Bakegen, profet i talem se, “Ol man ya we oli stap wokem ol aedol, wok blong olgeta i blong nating nomo, mo ol aedol ya we oli stap wokem, oli no save givhan nating long man. Olgeta we oli stap mekem wosip long ol narafala god ya, oli blaen, hed blong olgeta i krangke, mo bambae oli sem bigwan from.10I krangke olgeta, we man i tekem aean, i wokem wan aedol long hem, nao i stap mekem wosip long aedol ya, se i god blong hem. Be god ya i no save givhan nating long hem.11Olgeta man we oli stap mekem wosip long aedol olsem, bambae oli sem bigwan from. Olgeta we oli wokem ol aedol olsem, oli man nomo, oli no gat paoa. I gud oli kam talemaot ol tok blong olgeta, blong yumi luklukgud long fasin blong olgeta. Sipos i olsem, bambae olgeta oli fraet tumas, mo bambae oli sem bigwan.12“Yufala i traem tingbaot blaksmit.* Hem i save tekem pis aean, i putum long faea blong mekem i hot, nao i save wokem aedol long hem. Hem i stap kilkilim aean ya long hama, blong mekem i kam olsem we hem i wantem. Han blong hem i strong, be taem hem i wok gogo, hem i hanggri, mo i tosta, mo biaen, hem i taed gud.13“Mo yufala i traem tingbaot kapenta. Hem i makemgud saes blong pis wud, nao i tekem jok, i droem pija blong man long wud ya. Nao hem i tekem ol tul blong hem, i stap katkatem wud ya, i wokem pija blong man we i naes we i naes, mo i putumap pija ya long haos prea blong hem.14Samtaem, maet hem i go long bus blong katem wan sida* no wan oktri* no wan saepras* blong wokem pija olsem long hem. No maet hem i planem wan samblong,* nao i wet blong ren i wasem blong mekem i gru gud, gogo i kam bigwan, nao i save katemdaon tri ya blong yusum.15Oltaem, hem i stap tekem haf blong tri ya i kam faeawud blong hem, blong i stap kukum kakae blong hem, mo blong i wom long hem, mo long haf blong sem tri ya yet, hem i wokem god blong hem, mo i stap bodaon long hem, i stap mekem wosip long hem.16!Yufala i traem tingbaot! Long haf blong wud ya, hem i mekem faea, i rusum mit blong hem, i kakae, mo i harem gud long hem. Hem i stap wom long faea ya, mo i talem se, ‘!Man, mi mi wom gud! !Faea ya i nambawan!’17Mo long haf blong sem wud ya bakegen, hem i wokem wan aedol, nao i stap bodaon long hem, i stap mekem wosip long hem, mo i stap prea long hem se, ‘!Yu yu god blong mi! !Plis yu sevem mi!’18“!Man we i mekem fasin ya, hem i no gat hed! Hem i no naf blong luksave se fasin we hem i stap mekem, i krangke. Ol man olsem, oltaem ae blong olgeta i sat, mo tingting blong olgeta tu i sat, nao oli no save luksave trutok.19Man blong wokem aedol, hed blong hem i no naf blong i luksave se, ‘!Man! Haf blong wud ya, mi bonem, mo long sakol blong hem, mi rusum kakae blong mi, mo mi rusum mit blong mi, nao mi kakae. Be nara haf nomo blong hem, mi wokem i kam aedol, nao mi stap bodaon, mi stap mekem wosip long wan pis wud nomo. !Hemia i krangke ya!’20“Fasin blong man olsem i sem mak nomo long man we i stap kakae asis blong faea. Krangke tingting blong hem i pulum hem i go long rong rod olgeta, nao i no moa gat man i save givhan long hem. Hem i sem blong talem long hem bakegen se, ‘Aedol ya we mi holem long han blong mi, hem i no god nating. !Hem i wan giaman god nomo!’ ”21Bakegen, profet i talemaot we Hae God i talem se,“!Ol laen* blong Isrel*!Yufala i man blong wok blong mi,mo yufala i mas tingbaot samting ya.Mi mi mekem yufala i kam wan neson,blong yufala i kam man blong wok blong mi,mo mi no save fogetem yufala.22Mi mi tekemaot ol sin blong yufala finis,olsem we win i brumumaot klaod i go lus.!Yufala i mas kambak bakegen long mi!!Mi nao mi sevem yufala!!Mi mi mekem yufala i fri!”23Bakegen, profet i talem se,“!Skae, yu we yu antap olgeta,yu mas glad we yu glad,yu mas singaot bigwan!!Graon, yu we yu stap daon olgeta,yu mas harem gud,yu mas singaot i go antap!!Ol bigbigfala hilwetem ol tri long bus,yufala i mas glad,yufala i mas singsingaot bigwan!Yufala i mas mekem olsem,from we Hae God i sevem mifala,i mekem mifala i fri olgeta,mo long fasin ya,hem i soemaot we hem i hae we i hae.24“Hem i talem se,‘!Mi mi Hae God!!Oltaem mi mi stap sevem yufala!Mi nao mi mekem yufala,i stat long taem we yufala i stap yetlong bel blong mama blong yufala.Mi nomo mi mekem olgeta samtingwe i stap.Mi wan mi hangem skaelong ples blong hem,mo taem mi mekem graon ya,i no gat man i givhan long mi.25Ol klevawe oli stap traem talemaot fiuja,mi mi mekemwe ol man oli stap laf nomo long olgeta,mo ol man ya blong lukluk sta,we oli stap traem talemaot ol samtingwe bambae oli kamtru,mi mi stap mekemwe tok blong olgeta i blong nating nomo.Oltaem mi stap daonemol tok blong ol waes man,mi stap soemaotwe tok blong olgeta i krangke nomo.26Be sipos man blong wok blong mii talemaot wan samting we bambae i kamtru,no mi mi sanem wan man blong mii kam talemaot ol plan blong mi,bambae mi mi mekemwe ol samting we oli talem, bambae oli kamtru olsem we oli talem.!Ol man Jerusalem*!Naoia, mi mi talem long yufala,se bambae yufala i save go staplong taon ya blong yufala bakegen.!Ol man blong ol taon long Juda*!Naoia, mi talem long yufala,se bambae yufala i save go stanemapol taon ya blong yufala bakegen.Nating we ol taon yaoli brobrokdaon olgeta,be mi bambae mi mekem rodblong yufala i go stanemap olgeta bakegen.27Long tok blong mi nomo,mi mi save mekemdip solwota i kam drae olgeta.28Nating we King Sirus i wan hae king,be mi save talem long hem se,“Yu nao bambae yu rullong nem blong mi.Yu bambae yu mekemolsem we mi mi wantem.Yu bambae yu talemaotse olgeta oli mas stanemap taon ya Jerusalem bakegen,mo oli mas wokem fandesen blong haos* blong mi bakegen.” ’ ”
Bible Society of the South Pacific