AESEA42
1Bakegen, profet i talemaot long ol man blong hem we Hae God i talem se,“Olgeta.!Yufala i luk!Hemia man blong wok blong mi,we mi mi stap mekem hem i strong.Mi mi jusumaot hem,mo mi mi glad tumas long hem.Mi mi mekemwe Spirit blong mi i kam fulap finis long hem,mo hem bambae i soemaotstret fasin blong mi blong jajem man,long ol man blong ol narafala kantri. 2Bambae hem i no man blong singaot bigwan,mo i no save leftemapvoes blong hem i go antap.Olbaot long ol pleswe ol man oli stap hivap long hem,ol narafala man bambae oli no save haremvoes blong hem.3Hem bambae i no save mekem i strong tumaslong ol man we oli no strong,mo bambae i no save spolemolgeta we oli no gat paoa.Fasin ya blong mi blong jajem man,hem bambae i tekem i kamtru long ol man.4Tingting blong hem bambae i no save foldaon,bambae i stap stanap strong oltaem,gogo hem i stanemap fasin ya blong mi long wol ya,mo ol man blong ol kantri we i longwe,bambae oli stap wetblong harem tok blong hem.”5Bakegen, profet i talem se,“God ya blong yumi,nem blong hem Hae God.Hem i wokem skae,wetem olgeta samting we i stap long hem,mo i putum olgetaoli stap long ples blong olgeta.Mo hem i wokem wol ya,wetem olgeta man,mo ol narafala samting we i laef,we i stap long hem.Hem nao i mekemwe yumi wetem ol narafala samting ya,yumi evriwan i gat laef,yumi stap pulum win.Mo hem i talemlong man ya blong wok blong hem se,6‘Mi mi Hae God.Mi nao mi singaot yu,mo mi givim paoa long yu,blong yu pulum olgeta man long wol yaoli folem fasin ya blong mi blong jajem man.Mi bambae mi yusum yublong mekem wan promes*wetem ol man blong ol narafala kantri,mo blong mekem wan laet i saenaot,i go kasem olgeta.7Wok blong yu,bambae yu mekem olgeta we oli blaen,oli save lukluk,mo bambae yu mekem olgetawe oli stap kalabus long tudak, oli kam long delaet, oli fri.8“ ‘!Mi nomo mi Hae God!!Hemia nao nem blong mi!Bambae ol man oli no mas leftemapnem blong narafala god,we long semtaem nomo,oli stap leftemap nem blong mi.Bambae oli no mas go mekem wosiplong ol aedol ya,we long semtaem nomo,oli stap bodaon blong presem mi.9Ol samting ya we mi mi talemaotse bambae oli kamtru,naoia,olgeta oli kamtru finis.Mo naoia, bambae mi mi talemaotol niufala samting long yufala,we oli no stat nating blong kamtru.’ ”10Bakegen, profet i talem se,“!Olgeta man blong wol!!Yumi sing blong presem Hae God!Yumi tekem niufala singsing,yumi sing blong presem hem.Yufala we i stap wokbaot long sip,yufala i presem hem.Yufala olgeta samting we i stap long solwota,yufala i presem hem.Yufala ol kantri we i stap longwe,wetem ol man blong yufala,yufala evriwan i presem hem.11Bigfala draeples,yu wetem ol taon we oli stap long yu,yufala i presem Hae God.Ol man Kedara,yufala i presem hem.Ol man blong taon ya Sela,yufala i go antap long hil,yufala i singaot bigwanblong talemaot glad blong yufala.12Yufala ol man blong ol kantri we i stap longwe,yufala i presem Hae God,yufala i leftemap nem blong hem.13Fasin blong hem blong go mekem faet,hem i olsem fasin blong wan strong man,we i girap blong go mekem faetlong ol enemi blong hem.Tingting blong hem i kam strong,mo hem i rere gudblong go mekem faet long olgeta.Hem i leftemap voes blong hem i go antap,i stap singaot bigwanblong mekem ol enemi blong hem oli fraet.Long fes blong ol enemi blong hem,hem i soemaot we hem i gat paoa.”14Bakegen, profet i talemaot long ol man blong hem we Hae God i talem se,“Olgeta.Longtaem finis nao,mi mi stap kwaet, mi no tok.Yufala i stap krae long mi,mo mi mi no lesin long yufala.Be naoia,i taem blong mi mi girap,mi singaot bigwan,olsem woman we i stap bonem pikinini blong hem.15Bambae mi spolemgud ol bigbigfala hilwetem ol smol hil raonabaot,mo bambae mi mekem ol gras mo ol trioli kam drae olgeta.Bambae mi mekem ol graon long saed blong revaoli kam draeples,mo bambae mi mekem ol hol we oli fulap long wota,oli kam drae bakegen.16“Yufala i man blong mi,be ae blong yufala i blaen.Bambae mi mi lidim yufala i pas long ol rodwe neva yufala i pas long hem samtaem.Bambae mi mekemwe tudak ya blong yufala i kam delaet,mo ol rod blong yufala we i raf,bambae mi mi levelemgud.Hemia promes* blong mi,mo mi bambae mi holem tok ya,we bambae i no save foldaon.17Be ol narafala man yawe oli stap trastem ol aedol,nao oli stap singaot ol pija ya se,‘Yufala ol god blong mifala,’olgeta ya bambae oli sem bigwan,we ol man bambae oli lukluk nogud long olgeta from.”18Bakegen, profet i talemaot long ol man blong hem we Hae God i talem se,“Olgeta.!Yufala i olsem manwe sora blong hem i fas!!Yufala i mas lesin gud!!Yufala i olsem blaenman!!Yufala i mas luklukgudblong yufala i save luksave!19Yufala i man blong wok blong mi,be i no gat man we i blaen moa winim yufala.Mi mi mekem promes* wetem yufala,se bambae yufala i gat pis,mo mi sanem yufalablong yufala i karem tok blong mi,be i no gat manwe sora blong hem i fas moa,winim yufala.20Yufala i bin luk plante samting,be yufala i no lanem wan samting nating.Sora blong yufala i stap,be neva yufala i haremsave wan samting.”21Nao profet i gohed, i talem se,“Hae God ya,fasin blong hem i stret gud olgeta,mo oltaem hem i glad blong sevem man,mo from samting ya,hem i leftemap ol loa blong hemwetem ol tok blong hem.Yumi ya, yumi ol man blong hem,mo hem i wantem tumas,blong yumi ona long ol loa ya blong hem.22Be naoia,ol man oli kam stilim olting blong yumi.Olgeta oli kam tekemaotol gudgudfala samting blong yumi,mo oli holem yumi,oli sakem yumi i go long kalabus,mo oli lokemap yumi long ol rabis ples nomo.Olgeta oli ravem yumi,mo oli spolem yumi tumas,mo i no gat man blong sevem yumi,we i save tok long olgeta se,‘Yufala i letem olgeta i gofri.’23“?Be hu long yufalai save lesin long ol samting ya??Hu bambae i save lesin gudlong tok ya blong mi,blong i rere long taem yawe bambae i kam?24?Hu i letemwe yumi go long han blong ol man ya blong stil?Hae God yawe yumi stap mekem sin agens long hem,hem nomo i mekem samting ya.Hem i mekem olsem,from we yumi no mekem ol fasin we hem i wantem,mo yumi no folem ol tok blong hem.25Hem i mekemwe yumi haremsave paoa blong kros blong hemlong taem we ol enemi oli kam mekem faet long yumi,nao yumi savewe hem i kros tumas long yumi.Hem i faerap,we kros blong hemi bon strong olsem faeawe i kakae olgeta hafblong kantri ya blong yumi,be long taem ya,yumi no luksave samting yawe i stap kasem yumi,yumi no lanem wan samting nating long ol trabol ya.”
Bible Society of the South Pacific