JENESIS39
1Nao taem ol laen* blong Ismael oli tekem Josef i go long Ijip, oli salemaot hem bakegen i go long wan haeman blong king blong kantri ya. Haeman ya, nem blong hem Potifa, mo hem i kapten blong ol gad blong haos blong king.2Nao Hae God i stap wetem Josef, i stap mekem ol wok blong hem i go gud. Josef i stap long haos blong man Ijip ya we i masta blong hem,3mo man ya i luk we Hae God i stap wetem Josef, i stap mekem olgeta wok blong hem i go gud tumas.4Nao man ya i glad long hem, i mekem hem i stap wetem hem oltaem, i man blong givhan long hem. Mo hem i putumap hem i bos long olgeta samting long haos blong hem, wetem olgeta narafala samting tu we hem i gat.5Mo i stat long taem ya, Hae God i stap blesem man ya from Josef, i stap mekem olgeta samting long haos blong hem mo long garen blong hem oli go gud.6Nao man ya i putum olgeta samting we hem i gat oli stap long han blong Josef nomo, mo i no moa trabol long wan samting, i stap tingting nomo long ol kakae we bambae i kakae. Woman blong Potifa i kavetem Josef tumas
Josef i wan gudfala yang boe we bodi blong hem i naes,7mo i no longtaem, woman blong masta ya blong hem i stap kavetem hem, nao i askem long hem blong i kam slip wetem hem.8Be hem i no wantem fasin ya nating, nao i talem long woman ya se, “!Nogat! !Mi mi no save mekem olsem! !Yu luk! Naoia, masta blong mi i no trabol long wan samting nating long haos blong hem, from we mi mi stap. Hem i putum mi mi bos long olgeta samting we hem i gat. Mo mi gat raet long olgeta samting long haos ya, stret olsem we hem i gat. Yu nomo yu stap long han blong hem, from we yu yu woman blong hem. Sipos mi kam slip wetem yu, bambae mi mekem i no stret long hem, mo mi mekem sin long fes blong God tu. Hemia i nogud tumas ya.”10Nao nating we evri dei, woman ya i stap traem pulum hem blong i kam slip wetem hem, be hem i no wantem fasin ya, mo hem i no wantem stap klosap long hem tu.11Nao wan dei, Josef i go insaed long haos blong mekem wok blong hem, mo long taem ya, i no gat narafala slef nating i stap.12Nao woman ya i holem hem long kot blong hem, i talem se, “!Ale, yu kam! !Yu kam slip wetem mi!” Be hem i ronwe long kot blong hem, i resis, i go afsaed long haos.13Be taem woman ya i luk we hem i ronwe long kot blong hem,14hem i singaot ol slef we oli stap wok insaed long haos blong hem oli kam, nao i talem se, “!Ei, olgeta! !Yufala i luk! !Hibru* ya i rabis! !Hem i mekem sem long yumi ya! ?Man blong mi i tekem hem i kam long ples ya from wanem? Hem i kam insaed long rum blong mi, i wantem fosem mi blong i slip wetem mi, be mi mi singaot bigwan.15Mo taem hem i harem mi mi singaot olsem, hem i ronwe long kot blong hem, i resis, i go afsaed.”16Nao hem i holem kot ya blong Josef, gogo man blong hem i kambak long haos,17nao i talemaot sem tok ya long hem bakegen, i talem se, “Hibru ya we i slef blong yu, we yu yu tekem hem i kam, hem i kam long rum blong mi tede blong mekem sem long mi ya.18Be taem mi mi singaot bigwan, hem i ronwe long kot ya blong hem, i resis, i go afsaed.”19Nao taem man ya i harem tok ya we woman blong hem i talem, hem i kros we i kros,20nao i sanem ol man blong hem oli go holem Josef, oli sakem hem long kalabus. Hemia sem kalabus ya we oltaem king i stap mekem ol man oli kalabus long hem.
Nao Josef i go stap long kalabus ya,21be oltaem Hae God i stap wetem hem, i stap blesem hem. Nao bos blong kalabus ya i glad long hem,22i putumap hem blong i lukaot long ol narafala man we oli stap long kalabus ya, mo i mekem hem i bos tu blong olgeta wok blong kalabus ya.23Nao bos ya i no moa trabol long ol wok ya, from we Hae God i stap wetem Josef, mo i stap mekem olgeta wok ya we hem i mekem i gohed gud.
Josef i wan gudfala yang boe we bodi blong hem i naes,7mo i no longtaem, woman blong masta ya blong hem i stap kavetem hem, nao i askem long hem blong i kam slip wetem hem.8Be hem i no wantem fasin ya nating, nao i talem long woman ya se, “!Nogat! !Mi mi no save mekem olsem! !Yu luk! Naoia, masta blong mi i no trabol long wan samting nating long haos blong hem, from we mi mi stap. Hem i putum mi mi bos long olgeta samting we hem i gat. Mo mi gat raet long olgeta samting long haos ya, stret olsem we hem i gat. Yu nomo yu stap long han blong hem, from we yu yu woman blong hem. Sipos mi kam slip wetem yu, bambae mi mekem i no stret long hem, mo mi mekem sin long fes blong God tu. Hemia i nogud tumas ya.”10Nao nating we evri dei, woman ya i stap traem pulum hem blong i kam slip wetem hem, be hem i no wantem fasin ya, mo hem i no wantem stap klosap long hem tu.11Nao wan dei, Josef i go insaed long haos blong mekem wok blong hem, mo long taem ya, i no gat narafala slef nating i stap.12Nao woman ya i holem hem long kot blong hem, i talem se, “!Ale, yu kam! !Yu kam slip wetem mi!” Be hem i ronwe long kot blong hem, i resis, i go afsaed long haos.13Be taem woman ya i luk we hem i ronwe long kot blong hem,14hem i singaot ol slef we oli stap wok insaed long haos blong hem oli kam, nao i talem se, “!Ei, olgeta! !Yufala i luk! !Hibru* ya i rabis! !Hem i mekem sem long yumi ya! ?Man blong mi i tekem hem i kam long ples ya from wanem? Hem i kam insaed long rum blong mi, i wantem fosem mi blong i slip wetem mi, be mi mi singaot bigwan.15Mo taem hem i harem mi mi singaot olsem, hem i ronwe long kot blong hem, i resis, i go afsaed.”16Nao hem i holem kot ya blong Josef, gogo man blong hem i kambak long haos,17nao i talemaot sem tok ya long hem bakegen, i talem se, “Hibru ya we i slef blong yu, we yu yu tekem hem i kam, hem i kam long rum blong mi tede blong mekem sem long mi ya.18Be taem mi mi singaot bigwan, hem i ronwe long kot ya blong hem, i resis, i go afsaed.”19Nao taem man ya i harem tok ya we woman blong hem i talem, hem i kros we i kros,20nao i sanem ol man blong hem oli go holem Josef, oli sakem hem long kalabus. Hemia sem kalabus ya we oltaem king i stap mekem ol man oli kalabus long hem.
Nao Josef i go stap long kalabus ya,21be oltaem Hae God i stap wetem hem, i stap blesem hem. Nao bos blong kalabus ya i glad long hem,22i putumap hem blong i lukaot long ol narafala man we oli stap long kalabus ya, mo i mekem hem i bos tu blong olgeta wok blong kalabus ya.23Nao bos ya i no moa trabol long ol wok ya, from we Hae God i stap wetem Josef, mo i stap mekem olgeta wok ya we hem i mekem i gohed gud.
Bible Society of the South Pacific