DUTRONOME33
1Moses, hem i man blong wok blong Hae God, mo klosap long taem we bambae hem i ded, hem i givim las tok blong hem long ol laen* blong Isrel.* Tok we hem i talem i olsem. Fastaem hem i talem long ol man se,2“Olgeta.Hae God i aot long hil ya Sinae,i kam long yumi.Hem i kam long yumi olsem sanwe i girap long narasaed kantri ya Edom,mo laet blong hem i saenaotlong hil ya Parani kam kasem yumi.Mo i gat ten taosen enjeloli kam wetem hem,mo bigfala faea we i laeti stap long raet saed blong hem.”3Mo ol man oli talem se,“!Yes, i tru!Yumi ol man blong Hae God,mo hem i lavem yumi.Yumi tabu,yumi ol man blong hem nomo,mo oltaemhem i stap lukaot gud long yumi.From samting ya,yumi kam, yumi bodaon long hem,mo yumi obeilong olgeta tok blong hem.4Oltaem bambae mifala i obeilong ol loa yawe yu yu givim long mifala. Ol loa ya i nambawan samtinglong laef blong yumi.5Yumi ol laen blong Isrel,yumi man blong Hae God.Hem i kam King blong yumilong taem ya we ol laen blong yumiwetem ol lida blong yumioli kam wanples.”6Nao Moses i blesem ol laen blong Ruben,* i talem se,“Ol laen blong Ruben.Nating we yufala i no plante,be prea blong miwe laen blong yufalabambae i no save lus.”7Nao hem i prea from ol laen blong Juda,* i talem se,“Hae God.Sipos ol laen blong Judaoli singaot long yublong yu givhan long olgeta,plis yu lesin long olgeta,mo yu joenem olgeta bakegenlong ol narafala laen blong mifala.Plis yu faet from olgeta,mo yu givhan long olgeta,blong oli save winim ol enemi blong olgeta.”8Nao hem i prea from ol laen blong Livae,* i talem se,“Hae God.Yu yu stap yusum tufala ston yaYurim* mo Tumim*blong soemaot long ol laen ya blong Livaeol samting we yu yu wantem,blong olgetaoli save talemaot long mifala.Yu yu traem olgeta finislong ples ya Masaha,mo long wota ya Meriba,mo yu soemaot we olgeta oli tru.9Long taem ya,olgeta oli obei long yu moa,i winim we oli obeilong ol papa mo mama blong olgeta,mo long ol famle blong olgeta, mo long ol pikinini blong olgeta.Tingting blong olgeta i stap strongblong holem promes* yawe yu yu mekem wetem mifala,mo oli obei gud long yu.10Olgeta yaoli stap tijim ol man blong yublong oli obei long Loa blong yu,mo oli stap bonem sakrefaeslong Olta blong yu.11Hae God,plis yu blesem olgeta long laen ya,mo yu glad long ol wok blong olgeta.Plis yu flatemgud ol enemi blong olgeta,blong oli no moa save kam mekem faetlong olgeta bakegen.”12Nao hem i blesem ol laen blong Benjamin,* i talem se,“Ol laen blong Benjamin.Hae God i lavem yufala.Hem i mekem ples blong hemlong medel blong yufala,mo i stap gad long yufala oltaem,i stat long moning go kasem tudak.Prea blong miwe oltaem bambae yufala i stap gudlong han blong hem.”13Nao hem i blesem ol laen blong Josef, i talem se,“Ol laen blong Josef.Prea blong miwe Hae God bambae i blesemdistrik blong yufala,i mekem ren i folfoldaon long hem,mo i mekem ol springwotai kamaot long hem.14Prea blong miwe hem bambae i mekemwe ples blong yufala i fulap gudlong ol gudgudfala frutwe oli raep gud i stap,mo we evri yia,long stret taem blong hem,ol frut blong ol tri blong yufala i nambawan,15mo we olbaot long ol hil blong yufala,bambae i gat fulap kakae i stap.16Bifo, Hae God i toktok wetem milong wan faea we i laetolbaot long wan smol tri,mo prea blong mi,we hem bambae i blesem yufalalong gladhat blong hem,i mekem distrik blong yufala i fulap long ol gudgudfala samting.Mi wantem blong hem i mekem olsem long yufala,from we bifo,olfala bubu ya blong yufala,hem i lida blong ol brata blong hem.17Yufala long laen ya,yufala i strong olsem bul,mo yufala i save faet olsem wael bul.Long laen blong Manase,*i gat plante taosen man,mo long laen blong Efrem,*i gat plante plante taosen.Olgeta ya nao oli paoa blong laen ya blong yufala,mo bambae yufala i stap yusum olgetablong spolem ol manblong ol narafala kantri,mo blong ronem olgeta, gogo kasem en blong wol.”18Nao hem i blesem ol laen blong Sebulun,* mo ol laen blong Isakara,* i talem se,“Ol laen blong Sebulun.Prea blong miwe bambae yufala i kam rijmanlong bisnes ya blong yufalawe yufala i stap ranem sip.Mo ol laen blong Isakara.Prea blong miwe bambae yufala i kam rijmanlong bisnes blong yufalawe yufala i stap mekem long hom.19Bambae yufala i stap singaot ol strenjablong oli kam joen wetem yufalaantap long hil,mo bambae yufala i stap bonemol prapa sakrefaes long ples ya.Ol samting yawe bambae yufala i kam rijman long hem,bambae yufala i stap tekemaotlong solwota, mo long sanbij.”20Nao hem i blesem ol laen blong Gad,* i talem se,“Ol laen blong Gad.Hae God i mekemples blong yufala i kam bigwan.!Yumi presem hem!Fasin blong yufala i olsem wan laeon,we i stap wetblong i teremaot han blong man,no skin blong hed blong hem.21Yufala i lida blong yumi,mo ol nambawan graon,we i stret blong yufala i kasem,yufala i jusumaot,yufala i holem i blong yufala.Mo sipos yufala i joen wanpleswetem ol narafala lida blong yumi,yufala bambae i obeilong ol loa blong Hae God,mo yufala i folem ol tok blong hem.”22Nao hem i blesem ol laen blong Dan,* i talem se,“Ol laen blong Dan.Yufala bambae i olsem wan yang laeon blong Basan,we i jam wantaem nomo,i holem kakae blong hem.”23Nao hem i blesem ol laen blong Naftali,* i talem se,“Ol laen ya blong Naftali.Hae God bambae i blesem yufalalong ol gudgudfala samting blong hem.Distrik blong yufalabambae i kavremapol graon long Lugun* yalong Galili*saed i go long wes,i go kasem en blong hemlong saot.”24Nao hem i blesem ol laen blong Asere,* i talem se,“Ol laen blong Asere.Hae God bambae i blesem yufala moa,i winim ol narafala laen.Prea blong miwe bambae mifala evriwani laekem yufala moa,i winim we mifala i stap laekem ol narafala laen blong yumi,mo we distrik blong yufalabambae i fulap long ol olif.25Prea blong miwe ol doa* blong bigfala stonwolblong ol taon blong yufalabambae yufala i wokem long aean,mo we oltaem,bambae yufala i stap gud,yufala i strong.”26Nao Moses i talem se,“!Olgeta!Hae God i God blong yumi,mo i no gat narafala god we i olsem hem.Hem i stap krosem skaeblong givhan long yumi,mo i stap kamtru long ol klaodlong bigfala paoa blong hem.27I stat bifo olgeta,hem i stap lukaot gud long yumi.Oltaem hem i stap blokem yumiblong ol enemi blong yumioli no kam spolem yumi,mo i stap holemgud yumi,we han blong hembambae i no save kam slak samtaem.Long taem ya we bambae yufala i go blong mekem faet,hem bambae i ronemaot ol enemi blong yufala,mo bambae hem i talem long yufala se,‘!Yufala i mas spolemgud olgeta!’28“!Olgeta!!Yufala i laen blong Jekob*!!Bambae yufala i gat pis!!Bambae yufala i save stap gudlong kantri ya we i fulaplong kakae mo waen,mo we oltaem wota blong naeti stap folfoldaon long hem.29!Ol pikinini blong mi!Naoia yufala i save harem gud.I no gat ol narafala manwe i olsem yufala.Hae God i sevem yufala finis.Hem i olsem sil* blong yufalablong blokem ol ara blong ol enemi blong yufala,mo hem i olsem naef blong faet blong yufala,blong yufala i save winim olgeta.Olgeta bambae oli kam krae long yufalablong yufala i sore long olgeta,be bambae yufala i purumbut long olgeta,yufala i flatemgud olgeta.”
Bible Society of the South Pacific