SEKEN SAMUEL22
1Long taem ya we Hae God i sevem King Deved, i tekemaot hem long han blong King Sol, mo long han blong ol narafala enemi blong hem, King Deved i singim wan sing blong presem hem, i talem se,2“Hae God i God blong mi.Hem i wan gudfala ples blong haed blong mi,mo hem i stap lukaot gud long mi.Hem i stap blokemgud mi,mo i wan strong sefples blong mi.Hem i olsem sil* we i stap blokem mi,hem i sevem mi,i holem mi mi stap gud.Oltaem hem i stap sevem mi,oltaem i stap blokemgud mi,blong ol man oli no kam kilim mi.4Oltaem, taem mi singaot i go long hem,be hem i stap tekemaot milong han blong ol enemi blong mi,i stap sevem mi.!Yumi evriwan i mas presem Hae God!5“Wan taem, mi haremse ded i stap klosap nomo long mi,mo ol samting blong kilim mioli stap hivap raon long miblong holem mi.Mi harem paoa blong hemi olsem bigfala solwotawe i brok antap long mi,i rolem mi.7Be Hae God i God blong mi,mo taem trabol ya i kasem mi,mi singaot i go long hem,blong hem i givhan long mi.Hem i stap long haos blong hem,nao i harem voes blong mi.Hem i harem miwe mi stap krae i go long hem.8“Nao graon i seksek,we i seksek bigwan,mo stamba blong skae i muvmuv,i go olbaot,from we God i kros we i kros.9Kros blong hem i kam strong olsem we faea i laet,i strong we i strong,mo i hot olsem ston we i red.10Hem i terem skae i open,nao i kamdaon,we blak klaod i stap aninit long leg blong hem.11Hem i sidaon long wan jerubim,*nao win i karem hem i flae i kam.12Hem i mekem tudak i kavremap hem,mo blak klaod blong ren i stap raon long hem.13Long fran blong hem,i gat bigfala laet i stap saen,mo ol sakol faea we i laetoli stap kamkamaot long laet ya.14“Hae God i hae we i hae,mo hem i mekem tanda i faerap.Hem i tok,mo ol man oli harem voes blong hem.15Hem i sut long ol ara blong hem,nao ol enemi blong hem oli girapoli ron wanwan.Hem i sanem laetning i kam,nao i mekemolgeta evriwan oli ronronwe.16Taem hem i tok strongblong blokem ol enemi blong hem,mo i tok kros long olgeta,botom blong dip solwotai no moa haed, i kamaot,mo ol stamba blong wol ya tuoli no moa haed,oli stap long klia ples nomo.17“Hae God i stap antap,nao i pusum han blong hem i kamdaon,i holem mi,i pulumaot mi long dip solwota.18Hem i blokem ol enemi ya blong miwe oli gat paoa,mo olgeta we oli no laekem mi nating,oli agens long mi,mo olgeta we oli strong tumas,i winim mi,nao i tekemaot mi long han blong olgeta,i sevem mi.19Taem mi mi stap long trabol,olgeta oli kam faet long mi,be Hae God i lukaot gud long mi,i sevem mi.20Hem i halpem mi,i tekemaot mi long trabol yawe ded i stap long hem.Hem i sevem mifrom we hem i lavem mi.21“Hae God i stap givhan long mi olsem,from we mi mi stap mekemol samting we i stret.Hem i stap blesem mi olsem,from we mi no mekemwan samting we i rong.22Oltaem mi stap obeilong ol loa blong hem.Hem i God blong mi,mo mi mi no gowe long hem samtaem.23Mi stap folemgud olgeta loa blong hem,mo neva mi mi brekem tok we hem i putum.24Hem i savewe mi mi no mekem wan samting natingwe i nogud,mo we oltaem mi stap lukaot gud,blong mi no mekem wan samtingwe i rong.25Nao hem i stap mekem i gud long mi,from we mi stap mekem ol samtingwe i stret,mo from we hem i savewe mi no mekem wan samting we i rong.26“!Hae God!Olgeta we oli stap obei long yu,oltaem,yu yu stap mekem i gud tumaslong olgeta,mo olgetawe fasin blong olgeta i stret gud,oltaem,yu yu stap mekem i stret gudong olgeta.27Ol man we oli stap mekem i stret nomo,yu yu stap mekem i stret nomo long olgeta,be ol man we oli stap mekem i nogud,yu yu stap givimbak fasin ya long olgeta.28Ol man we tingting blong olgeta i stap daon,yu yu stap sevem olgeta,be ol praod man,yu yu stap daonem olgeta.29“Hae God, yu yu God blong mi.Yu nao yu stap ronemaot tudak long mi,yu stap givim laet long mi.30Yu stap givim paoa long mi,blong mi go faetlong ol enemi blong mi,mo yu stap mekem mi mi strong,blong mi go insaed long ol taon,we oli strong ples blong haed blong olgeta.31“God ya,fasin blong hem i stret gud olgeta,man i save trastem ol tok blong hem.Hem i olsem sil*blong blokemgud olgetawe oli luk long hem,blong faenem sefples blong haed.32Hae God, hem nomo i God.Hem nomo i stap blokem yumi,i stap sevem yumi.33Hem nomo i strong ples blong mi,mo i stap mekem rod blong mi i stret.34Hem i stap mekem leg blong mii strong olsem leg blong nani,blong mi save wokbaotlong ples we i nogud,mo taem mi stap wokbaot long ol klif,hem i stap holem mi mi sef.35Hem i stap lanem mi blong faet,blong mi save pulum bonarawe i strong we i strong.36“Hae God.Yu yu stap blokemgud mi,yu stap sevem mi.Fasin blong yuwe yu stap givhan long mi,hem i stap leftemap nem blong mi.37Yu yu bin lukaot gud long mi,blong ol enemi blong mi oli no holem mi,blong mekem mi mi foldaon.38Mi mi stap ronem olgetawe mi no spel nating,gogo mi kasem olgeta,mi meksave olgeta we mi flatemgud olgeta.39Mi stap kilim olgeta oli foldaonwe oli no save girap.Mi mi winim olgeta,nao oli stap ledaon olbaotlong fes blong mi.40Yu nomo yu stap mekem mimi strong blong faet,yu stap mekem mimi winim ol enemi blong mi,41mo yu stap mekem olgetaoli ronwe long mi.Olgeta oli no laekem mi nating,oli stap agens long mi,be mi mi kilim olgeta oli ded.42Hae God.Olgeta ya oli stap lukaot manblong i givhan long olgeta,be i no gat man i stapblong sevem olgeta.Oli stap krae i go long yu,be yu yu no wantem harem olgeta.43Mi stap smasem olgeta,gogo oli kam olsem asis blong graon.Mi stap purumpurumbut long olgetagogo oli kam olsem sofmad long rod.44“Yu yu tekemaot milong han blong ol manwe oli stap agens long mi,yu sevem mi,mo yu yu mekemwe mi mi rulum ol manblong ol narafala kantri.Ol man ya,mi mi no save olgeta bifo,be naoiaoli stap long han blong mi.45Olgeta oli bodaon long fes blong mi,mo taem oli harem tok blong mi,oli obei long mi.46Tingting blong olgeta i foldaon,from we oli no moa gat paoa,nao oli livim ol sefples blong olgeta,oli kam,we oli fraet, oli seksek gud.47“!Hae God, yu yu laef!!Oltaem, yu stap blokem mi,yu stap lukaot gud long mi!!Mi mi presem yu!!Yu yu strong ples blong haed blong mi!!Oltaem yu stap sevem mi!!Mi mi stap leftemap hae nem blong yu!48Oltaem yu nomo yu stap tekemaot milong han blong ol enemi blong mi,mo yu stap mekem rod,blong mi winim olgeta,mi givimbak ol trabolwe oli stap mekem long mi.Yu yu stap blokemgud mi,blong ol man blong mekem faetoli no spolem mi,yu stap sevem mi.Nao yu yu stap putumol man blong ol narafala kantrioli stap long han blong mi.50“Hae God.From ol samting ya,oltaem, long fes blong olgeta man,mi mi stap leftemap nem blong yu,mo mi stap sing blong presem yu.51Yu yu stap putumap man i kam king,mo yu stap mekem hem i win gud.Yu yu makemaot mi, mi kam king,mo yu stap soemaot long miwe oltaem yu yu lavem mi tumas.Fasin ya, yu yu statem long mi,mo oltaem,bambae yu stap mekem long olgetawe bambae oli stap kamaot biaen long mi,gogo i no save finis.”
Bible Society of the South Pacific