Sarmur Randak5
Adam up vyesi
1Ine fasfas vadir vekur Adam up vyesi. Fafisu Allah Ifrur snonkaku, Ifrur si fa simnis raris Mankundi.2Ifrur si, snonya ma vinya. Vye vok si ma nyir si ve “snonkaku”3Adam ikenem pasivarek usin oser samfur di kyor insape ikapar romawa snon oso imnis farari kaku i, mura nyir i ve Set.4Adam ikapar romawa inai siya wer ma ikenem kaker pasivarek usin di war.5Inja Adam ras kenem vyedi vye pasivarek usin di siw samfur di kyor insape imar.6Set ikenem pasivarek usin oser seser di rim, ikapar romawa snonya snoriso Enos.7Raimnai Set ikapar romawa inai siya wer ma ikenem kaker pasivarek usin di war seser di fik.8Set ikenem pasivarek usin di siw samfur eser seser di suru, insape imar.9Fafisu Enos ikenem pasivarek samfur di siw, ikapar romawa snonya snoriso Kenan.10Raimnai Enos ikapar romawa inai siya wer ma ikenem kaker pasivarek usin di war samfur seser di rim.11Enos ikenem pasivarek usin di siw seser di rim, insape imar.12Fafisu Kenan ikenem pasivarek samfur di fik, ikapar romawa snonya, snoriso Mahalaleel.13Kenan ikapar romawa inai siya wer ma ikenem kaker pasivarek usin di war samfur di fyak.14Kenan ikenem pasivarek usin di siw seser samfur, insape imar.15Fafisu Mahalaleel ikenem pasivarek samfur di wonem seser di rim, ikapar romawa snonya, snoriso Yared.16Mahalaleel ikapar romawa inai siya wer ma ikenem kaker pasivarek usin di war samfur di kyor.17Mahalaleel ikenem pasivarek usin di war samfur di siw seser di rim, insape imar.18Fafisu Yared ikenem Pasivarek usin oser samfur di wonem seser di suru, ikapar romawa snonya snoriso Henokh.19Yared ikapar romawa inai siya wer ma ikenem kaker pasivarek usin di war.20Yared ikenem pasivarek usin di siw samfur di wonem seser di suru insape imar.21Fafisu Henokh ikenem pasivarek samfur di wonem seser di rim, ikapar romawa snonya snoriso Metusala.22Henokh ikenem ma vye manivov kuker Allah I pasivarek usin di kyor, ro swaf ine ikapar romawa inai siya.23Inja Henokh ikenem pasivarek usin di kyor samfur di wonem seser di rim.24Snar Henokh vye manivov kuker Allah I, mura Allah duni bur supswan ine ro fafisu ivye kaker, inja snonkaku sya smam i werva.25Fafisu Metusala ikenem pasivarek usin oser samfur di war seser di fik, ikapar romawa snonya, snoriso Lamekh.26Raimnai Metusala ikapar romawa inai siya wer ma ikenem kaker pasivarek usin di fik samfur di war seser di suru.27Metusala ikenem pasivarek usin di siw samfur di wonem seser di siw insape imar.28Fafisu Lamekh ikenem ra vye pasivarek usin oser samfur di war seser di suru, ikapar romawa snonya.29Lamekh ikofen, “Romawa ine nari vyuk ve ko sneprei rodo fararur kovena vefo kuker kandera ro saprop Manseren Allah ifras kwar ine.” Inja Lamekh nyir romawa anya ve Nuh. 30Raimnai Lamekh ikapar romawa inai siya wer ma ikenem kaker pasivarek usin di rim samfur di siw seser di rim,31Lamekh ikenem pasivarek usin di fik samfur di fik, insape imar.32Ras kenem Nuh vyedi vye pasivarek usin di rim, ikapar romawa snon di kyor, sisoine, Sem, Yafet, ma Ham.The Seed Company