Sarmur Randak32
1Yakub imbran pdef maran vyedi. Mura manakya ri veso srafa sisrow kuker i.2Fafisu Yakub myam si, mura ikofen, “Ine mov Allah rak vyesya syoyai ro,” inja nyir mov anya ve Mahanaim. 3Posa ro diya Yakub iwan mampaf ri veso fa sra ve sup Edom fa sisrow kuker veba vyedi Esau i.4Yakub ikofen faro si, “Mkokofen faro veba ayani Esau i radine, ‘Aya Yakub, manfyan bedi. Swaf iyafa yavarek so Laban i.5Kur ine yana sapi, keledai, domba, kambing ma manfyan infyan si. Yafarem wos ayena ve amber ayanawi, yakyar amber na wamarisen.’”6Fafisu mampaf ansi skaver ve Yakub i, sikofen vadir, “Nkora nkosrow Esau, amber naek veba banya kwar ma fafisu ine isya ro marandan muma fa isrow kuker amber au. Isyama kuker snonkaku usin di fyak.”7Yakub imkak kaku ma vye virvar fafisu imnaf wos anna. Muraido snonkaku veso i ansya irwas si fa sve safsofer ri suru, rarirya kako kuker domba, kambing, sapi ma unta vyansi.8Kyara ra dine, “Fafis Esau ryama fyarmun safsofer veponya ido, safsofer eve suruya nari sismai swaf fa sfaspar si.”9Insape yakub vye nadi, “Sye Allah, up ayedi Abraham ma Allah kma ayedi Ishak susyom annawi, wamnaf aya! Manseren Allah wawan aya kwar fa yabur kaver ve sup ayedi ma kawasa ayesi. Ma Manseren Allah wawos ve aya kwar fa nari fasos roi vebor fa napyum ve aya.10Yasyus vaveri fa yasmai saswar vebor ma vave asuser Manseren Allah fasnai kwar ve aya nane. Fafisu yasasyar ma yunuk war veba Yordan, yun royova imbo ankyon ine monda. Fafis ine yakaver muma kuker safsofer ri suru suine.11Yor samsom kaku, faspar aya bur veba ayedi Esau i. Imbude ryama ido fyarmun ma myun pres inko, kako vin ma romawa inai sine ndi.12Waswarepen, snar Manseren Allah wawos soser kwar ve aya nari be imnis roi vebor nakam fa napyum be aya ma buk fa kpu ayesya sibor kaku. Snonkaku osofa nari kyor napok si va snar sibor simnis yen morem ro swan andir.”13Vye ryar ro mov anya ro rov ani, posa Yakub dun rofanfan vyansya var di fa nya si ve faferes faro Esau i. Faferes anna isoine: Kambing vinsya utin di suru, kambing snomansya samfur di suru, unta vin vesasus kaker kuker mkun sesya samfur di kyor, sapi vinsya samfur di fyak, sapi snomansya samfur, keledai vinsya samfur di suru ma keledai snomansya samfur.16Irwas rofanfan ansya fa sve safsofer ri veso posa ryir si fa ve manfyan vyansi oser-oser. Ikofen faro si, “Mkombran vepon aya, ma mkomam warek insa swafo isya fandu safsofer veponya ma vero varpurya.”17Yakub vyuk sasoser faro manfamyan veponya, “Rofyor Esau isrow kuker au ma ifuken, Amber bedi snoriso? Ive rwave? Mansei vena rofanfan wun siyanya?18Kwarem ve i radine, ‘Manfyan vedi Yakub i rofanfan vye sirya. Fyarem si ve faferes faro amber vyedi Esau i. Manfyan bedi Yakub isyama iyom user.’”19Vyuk sasoser radirya kako faro manfyan vyesi eve suru, kyor ma snonkaku vemam warek rofanfan ansi. Snar Yakub kyara ro sneri, faferes nane nari nafrur sneprei Esau i, inja fafis susrow su nido nari Esau vyuk fakman ve i.21Inja fyarem vepon faferes anna, imboi mankundi vye ryar ma denef ro soyai vyedi.
Fyorova ido snon oso ryama iserepen Yakub i, mura Yakub i kuker snon ani sufafor ma suvesewar insa sumindi isapi, ro rov anya ra vyavir meser.25Fafisu snon ani kyara ma nari imerkar Yakub i va mura, iprer Yakub i ro siferpum vyedi, isof sifer vyedi ikfis.26Raimnai snon ani ikofen, “Rwir aya; kniko monda vo ori sampir.”
Yakub kyarem be i, “Na yarir au va rao ve vok aya resari.”27Snonkaku anya ifuken, “Snombri so?”
Kyarem ve snon ani, “Yakub.”28Snon ani ikofen, “Snonsnon bedi Yakub wer va. Papik kuker Allah ma kuker snonkaku, ma au vesambrav syadiya; rarirya snonsnon bedi isoine Israel.” 29Yakub ifuken, “Wakofen vadir snonsnon bedi.” Imbape snon ani kyarem, “Fandun fa wafawi snonsnon ayejava!” Insape vye vok Yakub i.30Muraido Yakub ikofen, “Yasrow Allah I kwar varpon kuker varpon, imboi ayaisne yakenem kaker,” Inja nyir mov anya ve Pniel. 31Fafisu ori dek, Yakub imbran bur Pniel, ma imbran isew snar sifer vyedi ikfis.32Isof ras ine kawasa Israel sya san kraf vero sifer pum aiwansya va, snar Yakub vye veprer ro sifer vyedi.
Yakub ryapapik kuker snon oso ro Pniel
22Ro rov anya veri Yakub syanson ma dun swa vyansuya, kya vyansuya ma romawa samfur seser oser vyansya, ma sunuk war Yabok.23Sunuk kam kwar raposa kyaver ma iwan fa manfamyan vyansi sfaryan nana vyannakam ve warya var ivarwa.24Imboi mankundi derer vo vyarek.Fyorova ido snon oso ryama iserepen Yakub i, mura Yakub i kuker snon ani sufafor ma suvesewar insa sumindi isapi, ro rov anya ra vyavir meser.25Fafisu snon ani kyara ma nari imerkar Yakub i va mura, iprer Yakub i ro siferpum vyedi, isof sifer vyedi ikfis.26Raimnai snon ani ikofen, “Rwir aya; kniko monda vo ori sampir.”
Yakub kyarem be i, “Na yarir au va rao ve vok aya resari.”27Snonkaku anya ifuken, “Snombri so?”
Kyarem ve snon ani, “Yakub.”28Snon ani ikofen, “Snonsnon bedi Yakub wer va. Papik kuker Allah ma kuker snonkaku, ma au vesambrav syadiya; rarirya snonsnon bedi isoine Israel.” 29Yakub ifuken, “Wakofen vadir snonsnon bedi.” Imbape snon ani kyarem, “Fandun fa wafawi snonsnon ayejava!” Insape vye vok Yakub i.30Muraido Yakub ikofen, “Yasrow Allah I kwar varpon kuker varpon, imboi ayaisne yakenem kaker,” Inja nyir mov anya ve Pniel. 31Fafisu ori dek, Yakub imbran bur Pniel, ma imbran isew snar sifer vyedi ikfis.32Isof ras ine kawasa Israel sya san kraf vero sifer pum aiwansya va, snar Yakub vye veprer ro sifer vyedi.
The Seed Company