Sarmur Randak30
1Fafisu anya Rahel ismai romawayo vaim. Inja myam fadir Lea i. Mura ikofen faro Yakub i, “Buk romawayo ve aya, imbo orovaido, ivye yamar mura.”2Yakub imsor Rahel i ma ikofen, “Ayaine Allah ri sayava. I vefrur fa wasmai romawa va i.”3Mura Rahel ikofen, “Vinfyan yedi Bilha isoine. Wenef kuker i insa ikapar romawayo ve aya. Insa vyewar yakna kako kpu no.”4Mura vyuk vinfyan vye Bilha i fa Yakub denef kuker i.5Bilha fyadores ma ikapar romawa snonya.6Rahel ikofen, “Allah Vyuk kakaku kwar ve aya. Imnaf nadi ayena, ma vyuk romawaya ve aya,” Romawa anya nyir ive Dan. 7Bilha fyadores wer ma ikapar romawa oser wer.8Rahel ikofen wer, “Yafanfavri marsirva kuker eba yedi, ma yaryan ve bo.” Inja nyir romawa anya ve Naftali. 9Fafisu Lea vyavir nari ismai romawa wer va kwar, mura vyuk vinfyan vye Silpa i fa Yakub vyuk i.10Silpa ikapar romawa snonya.11Mura Lea ikofen, “Yasmai marisen veba”, inja nyir romawa anya ve Gad. 12Silpa daven romawa snon oser wer,13Ma Lea ikofen, “Yasmai aski veba kaku! Fafisu ine vin syakam nari sikofen, aya vin vesmai aski.” Evedar nyir romawa anya ve Asyer. 14Fafisu aninek pokem, Ruben ryave maper ma ro diya isrow dudaim bon na, mura dun na ve snar Lea i. Rahel ikofen ve Lea i, “Buk dudaim bon romawa banya dun anna bon ri veso ve aya.”15Lea kyarem ve i, “Wun swa ayanya kwar, fafis ine ive wun aibon romawa ayedi isrow na wer?”
Rahel ikofen, “Rarirya ido ivye Yakub denef kuker au ro rov ine sadwer aibon romawa bani dun anna.”16Fafisu Yakub ibur ker yaf ve rum ro mun oriwaiya, Lea ryafa isrow kuker i ma ikofen, “Wenef kuker aya ro rov ine snar yavak kwar kuker aibon romawa ayani dun na.” Mura Yakub denef kuker i ro rov ani.17Allah imnaf nadi ro Lea i, isof fyadores ma daven romawa eve rimya.18Lea ikofen, “Allah vyuk sasuref ve aya snar yavuk Silpa i kwar ve swa ayani,” evedar nyir romawa anya ve Isakhar 19Raimnai Lea fyadores wer ma daven romawa eve wonemya.20Ikofen, “Allah vyuk ve aya kwar roi eve maija kaku. Kur ine swa ayani nari vye manwinm aya, snar yakapar kwar romawa snon ri wonem,” evedar nyir romawa anya ve Sebulon 21Posa ro diya Lea daven inai oso ma nyir i ve Dina.22Allah iswarepen Rahel i, inja Allah imnaf nadi vyena ma vyuk insa dakkapar romawayo.23Inja Rahel fyadores ma daven romawa snonya. Rahel ikofen, “Allah ipyos savarar ayena kwar.24Ivye ido Manseren vyuk romawa snon osero wer ve aya.” Inja evedar nyir romawa anya ve Yusuf.
Yakub kyarem be i, “Imem buk roino ve ayanawer. Nari yawaren rofanfan Imem bansya imboi wamarisen wos ayedine nido:32Buk fa ro ras ine yambran ro fandu kambing ma domba Imem bansya, ma yun domba kuv vepaisemsya ma kako kambing kuv veve swaser ma eve faksya. Sirya monda sasuref ayedi.33Ro ras nayama ipyan ve Imem au fa wafawi, yawos kakuke rova. Fyor Imem rwama kwuvek vavyak ayedi, ma mam kambing eve fakva rovaido eve swaser va, orovaido vepaisemba sya ido, irya Imem wafawi rofanfan ansine ro yakaraw sirya.”34Laban Ikofen, “Ipyum! Kufrur raris mov wakofen raya!”35Imbape ro ras anya Laban pyandwas kambing snoman eve faksya ma eve swaser sya ma kambing vin eve swasersya, eve faksya orovaido eve kop vepyoper syakam; pyandwas domba vebor vepaisem sya kako. Insape iwan fa romawa vyesya siwaren warek si.36Raimnai sun rofanfan ansya vo simbran vinkwan bur Yakub i, swafya marandan ras ri kyor.
Kambing domba vedawersya siso Yakub fyaduru si.37Muraido Yakub kyaruk aisnaw vepek ri kyor ro aiknam eve sisye. Insape ikasip kif na fa ne kopkop.38Yakub ryir aisnaw eve kop anna ro rosaser beser war aninem rofanfan ansi, snar rofanfan ansi simarisen sfarvuk fafisu srama sinem.39Inja rofyor kambing ansya sfarvuk ro varpon aisnaw anna ido, mkun sesya nari sve fak, sve swaser rovaido sve kopkop.40Posa wer ido Yakub dun domba vin vefarvuksya fa sores ro varpon ma smam yov Kambing eve fak ma vepaisemsya. Kuker nyan ine Yakub ismai rofanfansya vardi ma pyandwas si bur Laban rofanfan vyesi.41Rofyor rofanfan ansi vesambrav sya sfarvuk ido, Yakub ryir aisnaw dak kif kwar anna ro varpon sedi ro do rosaser aninemya.42Imboi fafisu rofanfan vesambrav va sya srama, aisnaw anna ryir nava. Inja rofanfan vepyoper vesambrav va ansya kam Laban vye sirya, imboi rofanfan vepaisem, eve swaser ma eve kop vesambrav sya Yakub vye sirya.43Rarirya Yakub nana vyena nfanfanfon ra nabor kaku. Nya rofanfan kambing domba, unta, keledai ma manfyan infyan sibor kaku.
Rahel ikofen, “Rarirya ido ivye Yakub denef kuker au ro rov ine sadwer aibon romawa bani dun anna.”16Fafisu Yakub ibur ker yaf ve rum ro mun oriwaiya, Lea ryafa isrow kuker i ma ikofen, “Wenef kuker aya ro rov ine snar yavak kwar kuker aibon romawa ayani dun na.” Mura Yakub denef kuker i ro rov ani.17Allah imnaf nadi ro Lea i, isof fyadores ma daven romawa eve rimya.18Lea ikofen, “Allah vyuk sasuref ve aya snar yavuk Silpa i kwar ve swa ayani,” evedar nyir romawa anya ve Isakhar 19Raimnai Lea fyadores wer ma daven romawa eve wonemya.20Ikofen, “Allah vyuk ve aya kwar roi eve maija kaku. Kur ine swa ayani nari vye manwinm aya, snar yakapar kwar romawa snon ri wonem,” evedar nyir romawa anya ve Sebulon 21Posa ro diya Lea daven inai oso ma nyir i ve Dina.22Allah iswarepen Rahel i, inja Allah imnaf nadi vyena ma vyuk insa dakkapar romawayo.23Inja Rahel fyadores ma daven romawa snonya. Rahel ikofen, “Allah ipyos savarar ayena kwar.24Ivye ido Manseren vyuk romawa snon osero wer ve aya.” Inja evedar nyir romawa anya ve Yusuf.
Yakub fyanvavri kuker Laban
25Rahel daven Yusuf i ra posa ido, Yakub ikofen ve Laban i, “Imem buk insa yabur ve sup rik yenadai ro.26Rwir fa yabur ma yun swa ayesuya ma romawa ayansi. Yasmai si kwar snar yafararur faro imem au. Imem wafawi, yafararur marvak kaku kwar.”27Imbape Laban kyarem faro i, “Ivye kada benavye faro aya ma wakenem pdef so aya. Isnai kwar ve aya rariso Manseren Allah vye vok aya kwar snar au.28Wakofen monda, veso i wor ro ayani.”29Yakub kyarem be i, “Imem wafawi kwar yafararur marvak kaku kwar, ma rofanfan Imem bansya sibor siryewen snar fadaduru ro aya.30Fyor yarama vaim, Imem nana bena nakraf va, imbape fafis ine Imem nana bena nabor kwar. Manseren Allah vye vok au snar aya. Kur ine irya fafisuya fa yafararur faro kina ayesya monda.”31Laban ikofen, “Inja rosai nari yavuk ve aunya?”Yakub kyarem be i, “Imem buk roino ve ayanawer. Nari yawaren rofanfan Imem bansya imboi wamarisen wos ayedine nido:32Buk fa ro ras ine yambran ro fandu kambing ma domba Imem bansya, ma yun domba kuv vepaisemsya ma kako kambing kuv veve swaser ma eve faksya. Sirya monda sasuref ayedi.33Ro ras nayama ipyan ve Imem au fa wafawi, yawos kakuke rova. Fyor Imem rwama kwuvek vavyak ayedi, ma mam kambing eve fakva rovaido eve swaser va, orovaido vepaisemba sya ido, irya Imem wafawi rofanfan ansine ro yakaraw sirya.”34Laban Ikofen, “Ipyum! Kufrur raris mov wakofen raya!”35Imbape ro ras anya Laban pyandwas kambing snoman eve faksya ma eve swaser sya ma kambing vin eve swasersya, eve faksya orovaido eve kop vepyoper syakam; pyandwas domba vebor vepaisem sya kako. Insape iwan fa romawa vyesya siwaren warek si.36Raimnai sun rofanfan ansya vo simbran vinkwan bur Yakub i, swafya marandan ras ri kyor.
Kambing domba vedawersya siso Yakub fyaduru si.37Muraido Yakub kyaruk aisnaw vepek ri kyor ro aiknam eve sisye. Insape ikasip kif na fa ne kopkop.38Yakub ryir aisnaw eve kop anna ro rosaser beser war aninem rofanfan ansi, snar rofanfan ansi simarisen sfarvuk fafisu srama sinem.39Inja rofyor kambing ansya sfarvuk ro varpon aisnaw anna ido, mkun sesya nari sve fak, sve swaser rovaido sve kopkop.40Posa wer ido Yakub dun domba vin vefarvuksya fa sores ro varpon ma smam yov Kambing eve fak ma vepaisemsya. Kuker nyan ine Yakub ismai rofanfansya vardi ma pyandwas si bur Laban rofanfan vyesi.41Rofyor rofanfan ansi vesambrav sya sfarvuk ido, Yakub ryir aisnaw dak kif kwar anna ro varpon sedi ro do rosaser aninemya.42Imboi fafisu rofanfan vesambrav va sya srama, aisnaw anna ryir nava. Inja rofanfan vepyoper vesambrav va ansya kam Laban vye sirya, imboi rofanfan vepaisem, eve swaser ma eve kop vesambrav sya Yakub vye sirya.43Rarirya Yakub nana vyena nfanfanfon ra nabor kaku. Nya rofanfan kambing domba, unta, keledai ma manfyan infyan sibor kaku.
The Seed Company