Yoube41beo_pio
1Dia da Lifaiada:ne (hanome ohe fi agoai) amo dimani bese amoga gaguma:bela:?O ea gona:su efega lala:gilisima:bela:?2Dia da efe amo ea migifu amodili sanasima:bela:?O ea magadoa dimani besega badofalesima:bela:?3E da masusa: dima adole ba:ma:bela:?E da dima olofosu ema ima:ne edegema:bela:?4E da dima gousa:su ilegesu hamoma:bela:?E da mae yolele eso huluane dima fa:no bobogelalumu ilegele sia:ma:bela:?5Di da e fofoi sio agoane, dia hawa: hamosu uda hahawane ba:ma:ne,e la:la:gima:bela:?6Dimani adosu dunu da e bidi lama:ne, bobolema:bela:?Bidi lasu dunu da e bidi lama:ne, dadega:ma:bela:?7Di da ea gadofo amo guisu asuni amoga magufamu dawa:sala:?O ea dialuma goge agei amoga somu dawa:sala:?8Di da e afaewane digili ba:lu, eno hamedafa digili ba:mu.Bai e da dima gegei amo di da hamedafa gogolemu.9Nowa da Lifaiada:ne ba:sea,beda:ga gasa hamedene, osoba diadaha.10Dunu da e ougima:ne didilisisia, e da mi hanaidafa ba:sa.Dunu afae da ea midadi gadenene aligimu hamedei ba:mu.11Nowa da e doagala:sea, se hame nabi ba:ma:bela:?Osobo bagade dunu afae da amane hamomu hamedei.12Na Lifaiada:ne ea emo ea hou dima adomu galebe.Ea gasa bagade hou amola dima olelemu.13Dunu huluane da ea dabua gadofo houga:mu da hamedei.Amola ea da:igene ga:su amo somu hamedei.14E da bese agesoi bagade gala.Ea lafi dagama:ne, nowa da sesema:bela:?15Ea baligi da da:igene ga:su dadalesu amoga hamoi.Ilia da madelagili la:la:gi, amola igi defele ga:nasi gala.16Afae afae da enoma gilisili disisibiba:le,mifo da ili adobodili masunu logo hame ba:sa.17Ilia da noga:le gilisimusa: madelagiba:le, afafamu da hamedei.18Lifaiada:ne da hadisia:sea, hadigi agoai nene gala:sa.Amola ea si da eso mabe ea hadigi agoai ba:sa.19Ea lafidili, lalu gona:su agoai gadili ahoa.Amola ea lafidili, lalu geso bagohame gadili ahoa.20Ea mi gelabodili, lalu mobi(amo da gagalobo osobo ofodo hagududili nebe defele) da maha.21Ea mifoga lalu nema:ne fulabosa.Ea lafidili, lalu gona:su da heloagala:sa.22Ea galogoa da gasa bagadeba:le,ema doaga:be dunu huluane da beda:gia:sa.23Ea gadofoa dibi asaboi da hame ba:sa.Ea gadofo da ouli defele, ga:nasidafa.24Ea dogo da widi goudasu igi agoai, ga:nasidafa.E da beda:su hamedafa dawa:.25E da wa:legadosea, baligili gasa bagade dunu amolawane da beda:gia:sa.Ilia da bagadewane beda:iba:le, hahanidafa ba:sa.26E fofa:gimusa:, gegesu gobihei da hamedafa gala.Goge agei, amola dadi da ema se ima:ne hamedafa gala.27E da ouli, amo gisi defele, gasa hamedei ba:sa.Amola e da balase amo ifa dasai defele ba:sa.28E da dadi gala:be amoga hobeamusa:; hame dawa:.Dunu da ema gelega gala:be da gisi bioiga gala:be agoane hagisa.29Ea ba:sea, gegesu gigi da gisi biole hagi agoai ba:sa,amola dunu da ema dadiga gala:sea, e da amoba:le ousa.30Ea hagomo gagi da laga osoboga hamoi ofodo gagoudane fofonoboi defele ba:sa.Ilia da osobo gidinasu defele, fafu osobo dogonana.31E da hano wayabo bagade, hano gobei dubu heda:be agoaiamola susuligi di bubunuma heda:be agoai, hamosa.32E da hano wayabo bagade da:iya ahoasea,e da ela:mei logo agoane hamosa.E da hano dubu foloai agoai hamosa.33Osobo bagadega, e agoai hame ba:sa.E da beda:su hamedafa dawa:.34E da hidale, eno ohe fi huluane ilima ba:le gudusa.E da sigua ohe fi huluane ilima hina bagade agoai esala.