Ilawsiti7
1Oonaay harꞌii, fadhig malak tubuutiit teejha tifadhigti rikwnaayeeb gadee rhan. Baraah ifadhig baram itubuutiib whaashi kehii tari ubhari kehii tari yhindiyi kehii biinafiini jillaay ubaraam harꞌa abkaaba.2Malya weer malaktaayi uyintalawii asti yꞌee rhan. Baruuh Ukwaasana udhhaniinaay asseenaay iibri. Baruuh tageega hissii imalak ifadhig waliikiya, aree baraah whaashwa oobharwa haay adaayeeni akrir attiyeewiyaaba.3Umalaktaayi “Ukwaasanaayoon ikishiyaayeet tibiitiyaateeb khatim alaamaat akay nidꞌeeb ookiik, toobuut baaꞌadaayaana, oobhar baaꞌadaayaana, tari yhindi han baaꞌadaayaana.” idi.4Malya uudehay ukhatim kehii atoothꞌaab iiktiyeeb yꞌadadaahna sheebwa fadhig tamuunwa fadhig alfa iiktiina, aree kasteeh Israaꞌiileet tigabiilaatee iiktiin.5Yahuudaayt tugabiilaatii tamna malu alfa iiktiina, Raaꞌoobiiniit tugabiilaatii tamna malu alfa iiktiina, Jaadiit tugabiilaatii tamna malu alfa iiktiin.6Ashiiriit tugabiilaatii tamna malu alfa iiktiina, Naftaaliit tugabiilaatii tamna malu alfa iiktiina, Manassaayt tugabiilaatii tamna malu alfa iiktiin.7Shimꞌooniit tugabiilaatii tamna malu alfa iiktiina, Laawiit tugabiilaatii tamna malu alfa iiktiina, Isaashaariit tugabiilaatii tamna malu alfa iiktiin.8Sabaluuniit tugabiilaatii tamna malu alfa iiktiina, Yuusifiit tugabiilaatii tamna malu alfa iiktiina, Binyaamiiniit tugabiilaatii tamna malu alfa iiktiin.
Malya baruuh, “Aan baraah akra gwirhaayee hasamiyaan baliib ikatiin. Baraah yhalakaayeehna whooy booyiib ishaagwidhniit eeraasiyaan.15Shaawti,Baraah Ukwaasanaayt tehadꞌaayeeti kwirsi suurii eefeenaaree udiini gawiyooh whawaadwa oombꞌeewwa barooh shagaameena,aree been tehadꞌaayeeti kwirsiib sꞌaab bareeyooh kehii tukheemaatooh iibrir indi.16Shaawti harꞌook baraah door han itehirigw kiidiina,door han ityiw kiidiin.Tuuyin bareeh iithꞌa kitdi,nabꞌuuy han hooy daayi kitdi.17Whu tehadꞌaayeeti kwirsi bitik eefeeb bareeh shakwaayoohna iikti indi,baruuh bareeh midhhani thawi yam beeti dabaami indi.Aree Ukwaasana bareeteeh tiliiliyaatee teemlu yhaat indi.” idi.
Oodehay igwidaab yꞌeera halakaayi
9Oonaay harꞌii ashbib aree gwida dehay dabaal rhan, uudehay gwidaab baaꞌadhdhagwgwiiba. Kasseeh yhasheewwa, kasteeh tigabiilaateewwa, kasseeh idehayaayeewwa, kasseeh ibhaliiyeewwa, tehadꞌaayeeti kwirsi suuriiwwa wꞌargini suuriiwwa ingidna. Baraah eera halaka akwaya, aree akaay biir yꞌayeeb aabkaaba.10Aree baraah winneet tageega hissaayee waliikiyaana:“Umidhhan Ukwaasanaayiisoon ikati, tehadꞌaayeeti kwirsiib sꞌaab,aree wꞌarginii iikti indi.” idiin.11Imalak kassaah tehadꞌaayeeti kwirsi kwayaaywa yꞌeegrimaayi kwayaaywa, tidhhaniya tifadhigti kwayaaywa ingidna. Baraah ifiireeyoohna dehaay dhibiyaaniit Ukwaasana yꞌabidna.12Baraah kafiyaana:“Amiin!Whamaadwa umatuunwa,tifagarandiiwwa whamaadi miyaawwa whamooyseewwayꞌakrirwa uutaadwa, diimaabwa kassoohoobwa Ukwaasanaayoon baꞌiiktiin! Aamiin.” idiin.13Malya yꞌeegrima itagwgwu fadhigeeb gaal raatiyaheeb, “Aan baraah yhalaka yꞌeera akway aayga ikatiin? Aree keeya mhiinii yꞌaaba?” idi.14Ani agwibi, “Duuruun, baruuk tikteena.” adi.Malya baruuh, “Aan baraah akra gwirhaayee hasamiyaan baliib ikatiin. Baraah yhalakaayeehna whooy booyiib ishaagwidhniit eeraasiyaan.15Shaawti,Baraah Ukwaasanaayt tehadꞌaayeeti kwirsi suurii eefeenaaree udiini gawiyooh whawaadwa oombꞌeewwa barooh shagaameena,aree been tehadꞌaayeeti kwirsiib sꞌaab bareeyooh kehii tukheemaatooh iibrir indi.16Shaawti harꞌook baraah door han itehirigw kiidiina,door han ityiw kiidiin.Tuuyin bareeh iithꞌa kitdi,nabꞌuuy han hooy daayi kitdi.17Whu tehadꞌaayeeti kwirsi bitik eefeeb bareeh shakwaayoohna iikti indi,baruuh bareeh midhhani thawi yam beeti dabaami indi.Aree Ukwaasana bareeteeh tiliiliyaatee teemlu yhaat indi.” idi.
The Seed Company