Ilawsiti22
1Malya umalak midhhani yami bhar rhisiyaheeb, ooshabiit nhasa, aree Ukwaasanaayt hadꞌaayeetiiwwa Whooywa kwaaniin.2Uubhar usalal oowinnaay bitikii nꞌati kwaani. Oobhari dariibka midhhani hindi yakaabu, aree tamna malu gangara firaabu, tirigka gayi harru ifiir. Whindiit rat oodehay haay mheeliini mheel iiktiin.3Shaawti beentooy naati kehii han aat iikti kiidi. Ukwaasanaayt hadꞌaayeewwa Whooyt hadꞌaayeewwa beentooy tumadiinaatiib iikti tindi. Aree ikishiyaayaah barooh shagaami iyadna.4Bariiyeeh eefiir rhi iyadna, aree tibiitiyaateeb bariiyuuh uusim itkitib indi.5Beentooy hawaad iikti kiidi. Lambaat itehiriw kitdi, tari yint itehiriw kitdi, Wꞌankwana Ukwaasana kehii talawi indi. Baraah diimaabwa kassoohoobwa yhikim iyadna.6Malya umalak anii dehaay, “Toona tutimaasiweetwa turhitaneetwa kastuuh takweet tibari aree sidik tikati. Wꞌankwana, inabiyaayi shuuki Kwaasana ikatiib, ikishiyaayeeh willa naan iikti tindiyeeb sooyiiniyi jillaay umalakooh ifdig.” idi.7Baruuh “Shibibna, ani willa yꞌi andi! Oon ooktaabiib katab oosruudi bhali isnaakiir baliin libaabiyaan.” idi.8Ani Yuuhanna teen teena rhan aree amaasiw. Teen teena rhanihoobwa amaasiwihoobwa, bateeh aneeb rhisiib umalaki ragadaayi whii dhibanaayt barooh abuud ahariw.9Laakiin baruuh “Baadꞌiya! Ani barook tꞌiiti kishiya akati, isanaayeek inabiyaawwa, oon ooktaabi bhali ideeb baliib kasseehwa tꞌiiti kishiya akati. Ukwaasana abidaa!” idiheeb.10Malya baruuh sooyiheeb, “Oon ooktaabi bhali siruud baakwabiisa, shaawti tuusꞌa tidwil.11Toomaag shagaamiiniib tumaagtooh baꞌisuuririm, wꞌatoorbi tꞌatoorbiyaay baꞌisuuririm. Mugaddasna sakiiniib tigadasaateeh baꞌisuuririm, shibu tak tushbootooh baꞌisuuririm.” idi.12Baruuh “Shibiba, ani willa yꞌi andi, oodehay gaalka gwababeeh aniiwi jillaay umiyaawu geebu haay yꞌi andi.13Ani Alfaawwa Oomeegaawwa, ani whankaaneewwa wꞌagiyaawwa, ibadootiiwwa imingidwa akati.” idi.14Yhalakaayeeh ishagwidh baliin libaabiyaana, baraah umidhhani hindi firaayi tamti hag ibariin ikatiin. Idheefaayee tumadiina iibi iyadna.15Barraab yas eefeena, seharti kina eefeena, jikuun shagaameen eefeena, aree madooraab eefeen. Baliin sanam yꞌabidwa gwisri shaga daameenwa han eefeen.16Ani Yasuuꞌa umalaku teen tibadeha tikaniisa sooyiiniyi jillaay diigwataabi. Ani ugadamu Daawidi oor akati, oomhi hayuukw wꞌeera akati.17Aashuukwa tudoobaawwa “Mꞌaa” iyadna. Een bareeh eemsiiw han ibakii, “Mꞌaa” iyadna. Yaweebka mꞌaanaat tehariwneek aree umidhhani yam oomiyaawiit ahaana.18Oon ooktaabi siruud eemsiiw kassaah ani akraab sooyani hookna; een bareeh naat han gaal hooy eeshiwiyeek, Ukwaasana han tinasiibi oon ooktaabiib soomamaat bariiyooh dehaay iishiwi indi.19Oon oosruudi kitaabii gaal han kalmaat hooy giigsiiniyeek, Ukwaasana han bariiyooh wꞌadhidh umidhhani hindi ikatiibwa tumadiina tumugaddastiiwwa barooh giigsi indi. Aan baraah oon uktaabiib eefeen.20Teen tinaati badehi ikatiib, “Awooh, ani willa yꞌi andi.” indi.
Aamiin. Wꞌankwana Yasuuꞌa mꞌaa!21Wꞌankwana Yasuuꞌiit tinꞌima Ukwaasanaay oodehayi geeb baꞌiiktiin.
Aamiin. Wꞌankwana Yasuuꞌa mꞌaa!21Wꞌankwana Yasuuꞌiit tinꞌima Ukwaasanaay oodehayi geeb baꞌiiktiin.
The Seed Company